افيدونى - فى شراء نيو اكسنت افادكم الله

[احمد السباعى]

السلام عليكم ورحمة الله وبركاته
انا يا جماعة عايز اشترى عربية ودى اول عربية ليا هشتريها ولما دورت كتييييييييييييييييييييييي يييير عن افضل حاجة ممكن اشتريها لاقيت ان احسن اختيار هو النيو اكسنت فى رينج المبلغ اللى معايا فيا ريت تدلونى هل هو اختيار كويس وللا لا فى رينج ال 60000 وهل هى عربية فعلا كويسة وللا لا؟

[elmo7areb]

شوف يا باشا انا معايا نيو اكسنت 2008 هي كانت ملك اخويا من الزيرو وانا اشتريتها منه من حوالى 3 شهور ولاني عارف قصة حياة العربية اشتريتها يعنى انا عارف انها نضيفة ومفيش فيها اى حاجة بنسبة 100% ودة اهم حاجة العربية ممتازة فوق الوصف ومش واخدة حقها فى مصر اولا عالية عن الارض سحب ممتاز ماتور جميل مختلف عن الفيرنا واخواتها شكلها رائع بجد واقل شغل بيبان فيها مشكلتها ان اسعار قطع غيارها غالية شوية يعنى مقارنة بالفيرنا اسعارها اعلا شوية بسيطة وكمان هنا فى المنصورة قطع غيارها عزيزة شوية لكن لو انت من القاهرة او اسكندرية هتلاقى كل حاجة ليها وفى نقطة يا باشا فى موديل تقريبا 2006 او 2007 نزل بدريكسيون كهربا منصحكش بية لان سمعت انه عمل شوية مشاكل مع الناس

[احمد السباعى]

المشاركة الأصلية كتبت بواسطة elmo7areb شوف يا باشا انا معايا نيو اكسنت 2008 هي كانت ملك اخويا من الزيرو وانا اشتريتها منه من حوالى 3 شهور ولاني عارف قصة حياة العربية اشتريتها يعنى انا عارف انها نضيفة ومفيش فيها اى حاجة بنسبة 100% ودة اهم حاجة العربية ممتازة فوق الوصف ومش واخدة حقها فى مصر اولا عالية عن الارض سحب ممتاز ماتور جميل مختلف عن الفيرنا واخواتها شكلها رائع بجد واقل شغل بيبان فيها مشكلتها ان اسعار قطع غيارها غالية شوية يعنى مقارنة بالفيرنا اسعارها اعلا شوية بسيطة وكمان هنا فى المنصورة قطع غيارها عزيزة شوية لكن لو انت من القاهرة او اسكندرية هتلاقى كل حاجة ليها وفى نقطة يا باشا فى موديل تقريبا 2006 او 2007 نزل بدريكسيون كهربا منصحكش بية لان سمعت انه عمل شوية مشاكل مع الناس

شكرا كتير يا باشا والف مبروك على عربيتك وربنا يديلك خيرها ويبعد عنك شرها يا رب وعقبال الزيرو بس تكون هامر ان شاء الله ......................... .................. بس سؤال تانى معلش بما انك لسة شارى العربية واكيد عندك فكرة عن اسعارها العربية دى رينجها من كام لكام؟
فى انتظار رد باقى الاعضاء ويا ريت لو حد يقارنلنا اسعار قطع غيار النيو اكسنت والفيرنا

[احمد السباعى]

ايه يا جماعة فين الردود والاراااااااااااااااء ارجو المساعدة

[elmo7areb]

والله حسب الحاله بس بتبدأ من 60 الف وتنتهي عند 70 الف مش اكتر من كدة

انا هديك مثال على قطعة غيار مثلا

طرمبه بنزين النيو اكسنت ب 150 جنية كوري
وطرمبه بنزين الفيرنا ب 100 جنية كوري

فلتر البنزين ب 180 جنية نيو اكسنت

فلتر بنزين فيرنا مش اظن اكتر من 50 جنية ودة تخمين

بس الى عاجبنى جدا فى الفيرنا ان اى مسمار فى العربية موجود عند اقرب بقال جمب بيتك لكن النيو اكسنت ممكن تلف ساعة على حاجة بسيطة