ارتفاع حرارة العربية

[Ma7moud ShedeD]

يا جماعة انا اتفجئت ان امبير الحرارة فى عربيتى BYD F3 موديل 2012..و عامل بيها 1700 كيلو بيعلى شوية و انا واقف على السلانسية و الغريب انى لما اجى اجرى بيها و افتح المؤشر مبيعلاش عن النص خالص و كئنى واقف تماما..يعنى العكس بيحصل المشكلة دى نرفزتنى اوى مع العلم ان مؤشر الحرارة بيعلى لما المروحة تشتغل شرطة او تلاتة و بينزل تانى لما المروحة تفصل و الغرابة فى كدة..روحت التوكيل من اسبوع و قالولى ان السبب فى سلك البطارية و طلعت جربت العربية و الحمد لله المشكلة راحت..و انا راجع انهردة بليل لاقيت المشكلة رجعت تانى..استعوضت الله فى العربية و زعلت جدا شكل العربية الى انا لبستها كانت فشنك و ماتورها بايظ و لا حاجة..ارجو من الى حصل معاة المشكلة دى يفدنى لحسان انا قاعد على اعصابى دلوقتى..ده ال27 عمرها ما عملتها معايا

[lonedoctor]

ما تقلقش العربية موش بتسخن ولا حاجة ده عيب فى توصيل سلك الارضى اللى تحت البطارية بيخلى الامبير يعطى قراءة خاطئة حاول تفكه وتصنفره وتربطه تانى
حاجة هايفة

[memodina1]

فعلا المؤشر هو اللى فية العيب العربية سليمة لانى لو الحرارة بتعلى كنت على السرعة تلاقى سخونة رهيبة روح التوكيل تانى وتالت ورابع وقولهم على المشكلة انها ممكن تكون سلك الارضى يمكن هما مش عارفيين وتنح ومش هستلم العربية الا لما تتضبط وهجيلكم تانى لو مضبطتش بس العربية سليمة اكيد بسبب ثبات المؤشر على السرعة

[tamer_abdlhamed]

السلام عليكم ورحمة الله وبركاته
عربيتي موديل 2012 ولاحظت هذه المشكلة بعد التشغيل بدقيقتين امبير الحرارة بيوصل الى النصف ويثبت هل هذا فيه مشكله ولا ايه ؟

[Ma7moud ShedeD]

بارك الله فيكم يا رجالة..و ان شاء الله اروح اصلحها كرة..و بخصوص امبير الحرارة الى بيبقى فى النص عشان استاذ تامر كان بيسأل اقولو ده العادى بتاعو يعنى الطبيعى انو يفضل على النص و ميعلاش..