اتفضل و قول رايك

[heroso]

السلام عليكم حصل معايا النهارده موقف حرق دمى كنت واقف ورا صف عربيات راكن عمودى و مستنى واحد كان هيطلع فانا قلت ارجع وراه بشوية عشان لما يطلع ادخل انا فا وانا برجع من وراه لقيته راجع فضلت اكلكس اكلكس عشان كده وش هيخبطنى ولا هوه هنا خالص ده المفرود واحد راجع بظره طب بس وراك يعنى ولا هو هنا راح خبطلى الرفرف اللى قدام اطبق شوية كده بس الحمد الدهان زى ما هوه نزلتله يعنى انا قاعد بكلكسلك وانتا ولا انتا هنا و راجع بظرك طب بص حتى يقولى ايه كنت افتح الشباك و نادى عليا طيب اصلى مسمعتش الكلاكس قلتله انادى عليك ازاى يعنى هو صوتى هيبقى اعلى من الكلاكس و هوه بارد و يقولى حصل خير تترد على البارد و بتاع معرفش هل انا غلطان انى عديت الموضوع على خير والموقف عدى ولا كان لازم اعمل معاه مشكلة بقى و اكلم 122 و محضر و فيلم هل انا كنت غلطان فى انى عديت الموقف على كده ولا ايه يا جماعه معلش بس دى اول مره العربيه تتخبط منى يمكن اسأت التصرف ارجو ابداء الراى

[mhamdy75]

انت عملت الصح

122 وعطله وحرق دم ومحضر ودنيا

وفى الاخر برضه هاتتنازل

ومش هاتاخد حاجه

يالا فداك يا هيرو

[dr_eslam_66]

عموما إنتا ماكنتش هتعطله لوحده إنتا كمان كنت هتتعطل معاه وكان ممكن يحرق دمك هوا ويسيبك ويمشي ويقولك إبقى إديهم رقم العربية (سسيادتك في مصر) مافيش حاجة تضمنلك إنه لازم يقف يستنى غير دراعك.
عموما يعوض عليك خير والحمد لله سليمة.
بعد كدة فعلا ماتكتفيش بالكلاكس إنزل زغرطله على الأسفلت.
لأني حصل معايا نفس الموقف برضو مع إختلاف بعض الملابسات. أولا أنا في الإمارات
كنت راجع متأخر حوالي الساعة 2 أو 2.30 بليل وقبل ما أطلع البيت إفتكرت إني سجايري خلصت والسوبر ماركت الي جنب البيت قفل وفيه واحد فاتح 24 ساعة ونا لسة ماركنتش قولت بالمرة روح إشتري السجاير وحاجة للفطار.
قدام السوبر ماركت هيصة شوية لأنو الوحيد الي فاتح في المنطقة 24 ساعة ركنت جنب الرصيف ورى عربية باجيرو وورايا عربية تانية آه كلنا واقفين مخالف بس دي دقيقتين وكلنا بردو موازي للرصيف.
أطلع يامعلم من السوبر ماركت وأركب العربية وأدور وأرص حاجتي وإذا بالعربية الباجيرو بترجع أزمر مافيش أزمر بصوت اعلى والدنيا ليل أنا قولت بس أقوله إني موجود مافيش دوست كلاكس على الآخر وعلقت وهب طاخ قام خابطني.
هوا عربيته عالية ريح على الإكصدام من فوق, الإكصدام ريح لتحت طرقع كلبس بس الدهان زي ماهوا الفانوس والشبكة زي ماهما.
لا والي غاظني أكتر إني ماحدش نزل يقول حصل خير ولا آسف ولا هنتصل بالشرطة ولا حاجة أنا فضلت قاعد في العربية وهوا سايق التناحة ومانزلش.
قولت لأ أنزل بقى أوريله مقامه.
ألاقيلك جوز ستات ربنا يستر على ولايانا ياعني أستغفر الله العظيم أنا حطيت وشي في الأرض والله العظيم من مناظرهم.
وبترد عليا بمنتهى البرووود شووو ياعني مو بسيطة الحمد لله خلاص لاتصيح بدك تتصل بالشرطة أنا ماعندي مانع.
بيني وبينك أنا عرفت دول ميتهم إيه دول عالم فاضية ورايقة ومابيشتغلوش بالنهار شغلهم بليل بس أنا غلبان هصحى الساعة 7 الصبح أنزل أتمرمط المهم ماردتشي عليها روحت رفعت الإكصدام طلع كلبس وفك بس مافرقعش وبيته في مكانه وكله تمام وإتاكدت إني ماعنديش بدرهم واحد تصليح وهما مستنيين قراري بقى هتصل بالشرطة ولا أمشي قومت راكب العربية وماشي وسيبتهم من غير ما أعبر فيهم ولا حتى أقولها تمشي.

[memodina1]

لاة صح اللى عملتة الحمد لله على كل شئ خد بالك المرة الجاية وافتح الشباك ونادى باعلى صوتك حاااااااااااااااااااااسب والله انا بعمل كدة لانى الكلكس الوقتى بقى للشتايم وصوت للتنبية اة والله
اقسم بالله العظيم ورب العزة هذا حصل عيلين راكبين موتوسيكل جايين عليا رحت مكلكس لهم وفاديتهم براحة لانى الموقف مكنش يستاهل كنت هعرف افاديهم المهم راح واحد فيهم شتمنى رحت علية قلتة انت بتشتم رغم غلطك قالى ما انت اللى بديت وشتمتنى بالكلاكس طبعا كانت اول نرة ليا اعرف انى فى كلاكس معين زى مثلا (بييب بيييييييييييب وبعمل بعدها لمسة بسيطة للكلكس زى بيب )دى معناها (كـ... امك ) وحاجات تانى كتير جدا بس للاسف الواحد معندوش خبرة ساعتها فى الكلام دا فمفهمتش

[خالد الجوكر]

عين العقل اللى انتا عملته والحمد لله انها جت على اد كده
وزى ما قالك دكتور اسلام سيادتك ف مصر يعنى احزر خطاً الغير
كلنا حصلت معانا المواقف دى واكتر واكبر كمان
بس المهم تتعلم من كل موقف يحصلك