تبديل الجنوط 17 الأصلية

[Hewady]

سلام عليكم
دلوقتى أنا إن شاء الله نويت أجيب Kia Rio HB وعجبانى جداً الHigh Line لكن يعيبها إنها أغلى كتير (127 ألف) ثانياً الجنوط ال17 لأنى ساكن فى منطقة مش متسفلتة يعنى هتكون عذاب
سؤالى للأخوة: هل ممكن أجيبها زى ما هى وبعد كدة أروح لحد من بتوع الكاوتش الكبار يشترى ال17 ويركبلى ال15 العادية
ولو كان ينفع فى الحالة دى هيبقى فرق السعر قد أية؟

شكراً مقدماً

[Mo7eb]

بص انا كنت بفكر زيك برضه بس قولت ما دام كده ولا كده هبيع جنط و كاوتش مستعمل.... خلاص بقى استمتع بيه شويه لحد مازهق منه و بعدين ابيعه.

[Hewady]

شكراً على الرد
طب فى الحالة دى برضه هيعمل كام؟

[AbkaReno]

ما انصحكش بالتغيير اصلا لان مش هيفرق معاك كتير

[M 7md . Gaber]

السلام عليكوا ورحمه الله وبركاته

نصيحه منى بلاش تفرط فى الجنوط الاصليه مهما كان التمن لاسباب كتير:ـ
1) الجنوط الاصلية بتتصنع على معاير ومقاسات خاصه جدا فى منتهى الدقه علشان تحافظ على توزان العربيه فى كل الاحوال والظروف مهما كانت الطرق
2) مواد التصنيع الخاصه بالجنوط بتدخل اختبارات كتير للتاكيد من سلامتها قبل وبعد التصنيع
3) انك تفرط فى الجنوط الاصليه يبقى اكيد وعن تجربه انت من تانى سنه مهما كنت بتحافظ كل يوم هتروح لميكانيكى عفشه وهتتعب واكيد ده هينزل من تمن العربيه لما تحب تبعها
4) الجنوط الاصليه هى اساس العربيه لو غيرتها يبقى كده بتكسر فى عفشه العربيه بالبطئى (( زى اعمدة البيت لوعدلت فيها يبقى البيت هيقع مع الوقت ))
5) مستحيل وتحدى لو كان فى جنط يبقى زى جنط الاصلى للتوكيل

لو حبيت تغير الجنوط دى حريه شخصيه طبعا بس احتفظ بيها عندك علشان لما تحب تبيع تعرف تتكلم فى السعر اللى انت عاوز برحتك انما بقى لو من غير جنوط اصليه محدش هيفكر فيها والسعر هيبقى اقل من سعر بيع السوق اقل واجب 5000 الف احسبـهــا كويـــس

شكــــــــرا