بخصوص جنوط السايبا برايد .. و يا ريت الاستاذ ابو نورا يشارك :D

[Islam Samir]

العربية جنوطها 13 و مقاس الكاوتش 13 - 65 - 165
هل ينفع يركبلها جنوط 14 .. ولو ينفع هيبقى الكاوتش مقاس كام؟؟
ولو ماينفعش ولازم 13 هل ينفع اغير مقاس الكاوتش يعنى مثلا 13- 65 - 165 ؟؟
و يا ريت لو حد ليه تجربه مع العربية يشارك
شكرا

[hamaad]

السيارة التى كانت معى كان الكاوتش مقاش 175/70 r13 مش فارقة حاجة بس ممكن تركب 175/60 r14 زى اللى متركب فى الاسبرانزا 113 او ممكن 185/60 وبرده مش هيفرق حاجة بس حيفرق فى الثبات جامد ودمت بود

[AbOnOrA]

بص يا سيدى اولاً لو زودت عن عرض 175 هتحك معاك فى المساعد من جوة و175 ديه نفسها احتمال كبير هتحك معاك من بره فى الرفرف برضو مع مطبات الهواء الجامدة

بس فعلاً هتديك ثبات بشكل ملحوظ على السرعات فوق 120 الى 140 مش بس علشان العرض لء كمان علشان تقليل الارتفاع
وفى مقابل الثبات اللى هيتحسن السحب هيقل نسبة وتناسب بس كمان الفرملة هتتحسن

وبالنسبة لارتفاع اقل من 65 هيبقى ناشف بس ثبات اكتر ومنصحكش تقل عن 60 فى الارتفاع والا هتحس انك راكب عربيه كارو فبرضو علاقة عكسية كل ما الثبات بيزيد كل ما ليونة الكاوتش ما تقل

خد بالك كمان انك تجيب مسامير سبور مع الجنط وتوديها للخراط يظبطها على مقاس الطنابير والديسكات عندك هتفرق معاك فى الترصيص بعد كده
وكمان هتحتاج فيبرة مابين الجنط والطمبورة للعجلتين اللى ورا
وطبعاً تروح ترصص وتظبط هواء وتجرب

اخر حاجة اياً كان المقاس اللى هتختارة تبص على تاريخ انتاج الكوتش وعلى تفاصيله وفى موضوعات كتير فى قسم الكاوتش بتشرح كل ده
وتختار النقشه المناسبة وتختار مقاس يكون رائج (منتشر) علشان لو اتزنقت فى تغيير فرده واحدة ولا اتنين تلاقى نفس المقاس بسهولة حتى لو مش نفس النقشة

ولو فى اى استفسار تانى تحت امرك

[Islam Samir]

المشاركة الأصلية كتبت بواسطة AboNoRa بص يا سيدى اولاً لو زودت عن عرض 175 هتحك معاك فى المساعد من جوة و175 ديه نفسها احتمال كبير هتحك معاك من بره فى الرفرف برضو مع مطبات الهواء الجامدة بس فعلاً هتديك ثبات بشكل ملحوظ على السرعات فوق 120 الى 140 مش بس علشان العرض لء كمان علشان تقليل الارتفاع وفى مقابل الثبات اللى هيتحسن السحب هيقل نسبة وتناسب بس كمان الفرملة هتتحسن وبالنسبة لارتفاع اقل من 65 هيبقى ناشف بس ثبات اكتر ومنصحكش تقل عن 60 فى الارتفاع والا هتحس انك راكب عربيه كارو فبرضو علاقة عكسية كل ما الثبات بيزيد كل ما ليونة الكاوتش ما تقل خد بالك كمان انك تجيب مسامير سبور مع الجنط وتوديها للخراط يظبطها على مقاس الطنابير والديسكات عندك هتفرق معاك فى الترصيص بعد كده وكمان هتحتاج فيبرة مابين الجنط والطمبورة للعجلتين اللى ورا وطبعاً تروح ترصص وتظبط هواء وتجرب اخر حاجة اياً كان المقاس اللى هتختارة تبص على تاريخ انتاج الكوتش وعلى تفاصيله وفى موضوعات كتير فى قسم الكاوتش بتشرح كل ده وتختار النقشه المناسبة وتختار مقاس يكون رائج (منتشر) علشان لو اتزنقت فى تغيير فرده واحدة ولا اتنين تلاقى نفس المقاس بسهولة حتى لو مش نفس النقشة ولو فى اى استفسار تانى تحت امرك

متشكر جدااا لرد حضرتك
بس كان عندى استفسار .. حضرتك كلمتنى عن الكاوتش لكن بالنسية للجنط ؟؟ .. فى ناس قالتلى الجنط لو بقى 14 هيبوظلك العفشة .. فهل ده صح ولا لأ؟ .. ولو ينفع اجيب 14 هل ساعتها ينفع اجيب عرض 175 و ارتفاع 65 ؟؟
و شكرا

[Islam Samir]

المشاركة الأصلية كتبت بواسطة hamaad السيارة التى كانت معى كان الكاوتش مقاش 175/70 r13 مش فارقة حاجة بس ممكن تركب 175/60 r14 زى اللى متركب فى الاسبرانزا 113 او ممكن 185/60 وبرده مش هيفرق حاجة بس حيفرق فى الثبات جامد ودمت بود

متشكر جدا لرد حضرتك
بس هل فعلا الاسبيرانزا بيركبلها 14؟؟ .. وهل حاجة زى كدة مش هتاثر على العربية؟؟
و بالنسبة لل 175 * 75 اللى كان فى عربية حضرتك .. مكنش عاملك مشكلة فى العفشة مثلا؟