ابيزا بحاله الفابريقه بس المتور بيدخن

[drsara9001]

عندى عربيه ,ابيزا, سيستم بورش, موديل 92 بحاله الفابريقه بس المتور بيدخن وصوته الى وبيغيب لما بيسخن والعربيه تشتغل عايزه اغيره بموتور احسن ويكون مستورد وكمان اغيرgearbox ده يكلفنى كام وايه رايكم

المشاركة الأصلية كتبت بواسطة drsara9001 عندى عربيه ,ابيزا, سيستم بورش, موديل 92 بحاله الفابريقه بس المتور بيدخن وصوته الى وبيغيب لما بيسخن والعربيه تشتغل عايزه اغيره بموتور احسن ويكون مستورد وكمان اغيرgearbox ده يكلفنى كام وايه رايكم

هنعمل للعربية طقم شمبر فقط وترجع جديدة كما كانت وبدون مشاكل وليس هناك اى اهمية للمصاريف زائدة !!

[mhamdy75]

فعلا طقم شنبر يلم العمليه

أما لو الموضوع هايفتح فى عمرة كاملة

يبقى إطلع على الحرفيين وإسأل على المواتير هناك

[akerima]

المشاركة الأصلية كتبت بواسطة cars admire هنعمل للعربية طقم شمبر فقط وترجع جديدة كما كانت وبدون مشاكل وليس هناك اى اهمية للمصاريف زائدة !!

انا مع الراي دا طبعا وخصوصا ان حتي لو غيرت الماتور في الغالب لازم برضة الماتور الجديد يتعملة طقم شنبر فالاحسن انك تشوف ماتورك الاول محتاج ايه لو الموضوع رسي علي طقم شنبر يبقي ما فيش داعي تغيره

[Hisham.Elgazzar]

المواتير دى عمرتها تقطم الوسط وهتفتح معاك التسقيط أخف عليك فى المصاريف
من بورسعيد المكنة بكل حاجتها وماتنساش الإفراج الجمركى بتاعها مهم جدا عشان تثبت الموتور ع الرخصة
وتاخد البلوك القديم بتاعك عشان المرور ياخده لأنه الرقم اللى عليه مثبوت فى الرخصة وهما بيعدموه هناك فى المرور اللى تبعك
وتاخد الدينامو والمارش والكربراتير وكل الحجات المهمة اللى على موتورك الحالى عشان الإبيزا دى كل مسمار فيها بفلوس زى الفولكس بالظبط

إنما العمرة ما أنصحكش بيها إلا بقى لو تعرف تلمها فى أضيق الحدود وانا أشك فى ذلك بس مش لاسمح الله عشان حضرتك وبرضو مع إحترامى لكل الإخوان اللى نصحوك بالعمرة

الميكانيكية بتوع الفولكس غاليين جدا يعنى أقل واجب عشان يفورلك المكنة هياخد 500 جنيه على الأقل
وهيخليك تنزل تشترى حاجة الموتور مسمار مسمار وهو قاعد زى الباشا والعمليه هتفتح معاك