محدش يعرف.....

[eng.ahmed mahmoud]

عندى مشكلة فى التكييف و مش عارف هى اية بالظبط معايا عربية شيفرولية اوبترا عادى من كام يوم كدة غيرت فلتر و كبست فريون و ميت فل و 14 بس التكييف مش بنفس كفاءتة القديمة و بتكلم مع الواد بتاع التكييف لقيتو مش فاهم حاجة خالص هو متبرمج العربية اللى تجيلو يعمل فيها 1 و 2 و3 وبس
لو حد كانت قبلتو المشكلة دى قبل كدة ياريت يفدنى او لو حد يعرف مكان واحد بتاع تكييف كويس يدلنى علية ( انا ساكن فى حلوان) مع العلم ان التكييف الصيف اللى فات كان زى الفل يعنى لما اجيبو على 2 خمس دقايق و انزلو على 1 من البرد دلوقتى اسبو نص ساعة على 3 عشان يبتدقى يسقع الجو

[محمدصلاح القاضى]

http://www.masrmotors.com/vb/showthread.php?t=73346
اللينك دا هيفيدك فى المشكله

[M.TONSY]

ممكن يكون شحن لك بنوع فريون غير مناسب لان الفريون درجات روح اشحنه فى التوكيل افضل

[khaabas]

ليه بس العنوان الغريب ده محدش بيعرف ازاى يعنى ههههههه
غالبا بالفعل نوع فريون غير مناسب وده كان عن تجربة سابقة

[الايطالى الصغير]

شوف اخى الفاضل

انا صحيح مبتدىء وبدات اتعلم من فترة قريبة

انما أقدر أفيدك بمعلومة فى الجون زى مابيقولوا

السبب هو ان فيه هواء فى دورة الفريون جه منين ؟؟؟


لان الباشا بليه التكيفنجى

لازم الاول يتاكد ان ما فيش تسريب

واعتقد انه ولا سأل ولا درى ولا اهتم


ثانيا ما عملش فاكيوم لدورة الفريون عندك


لازم يسحب الهواء والرطوبة الاول قبل ما يشحن

وده بيتم بالفاكيوم ولما يوصل عدادات وساعة الشحن

يفتح سنة بسيطة علشان يفضى الهواء من خراطيم الشحن قبل الشحن


وبعدين يبدا يشحن بنفس نوع الفريون المكتوب على الملصق فى عربيتك


وبنفس الكمية المحددة من قبل الصانع

كل مشاكل التكييف من دخول الهواء او بقاء هواء فى دورة الفريون

روح لحد فاهم وما تقولوش اشحنلى


قوله عندى عايز انضف دورة الفريون كلها

واشحن على نظافة علشان ما يكفتش الشغل

ويختصر لانهم وللاسف حتى الفنيين منهم مش بيتقوا ربنا ومتابع معاك