#1
|
||||
|
||||
قصتى مع سيارتى ( 3 )
بعد التحيه القصه الثالثه :( اللهم لك الحمد على ما رزقتنا من نعم ... اللهم أرزقنا خيرها وإكفنا شرها وشر أنفسنا ) بعد الكشف فى غبور العبور ومعرفت سبب الرجه إللى فى الكاويتش الأمامى قال لى مهندس الإستقبال / عادل ( المفروض تدفع ثمن الكشف على العربيه علشان ده مش عيب صناعه لكن إحنا هانخليها علينا المره دى ) طبعاً شكرته على ذوقه وختمت تصريح الخروج من الخرينه وخرجت أفكر فى موضوع تغيير الكاويتش . فى اليوم التالى توكلت على الله وذهبت إلى ضمان كاويتش هيونداى / هانكوك وعنوانه : 7 ميدان المساحه / الدقى طبعاً الشوارع هناك ضيقه وزحمه ودُخت لحد ما وصلت وقبل دخولى قرأت هذا الدعاء ( اللهم يسر لى أمرى فأنك إن أردت تجعل الصعب سهلاً بأمر الله ) المهم سألت على المهندس / محمد كمال .. فرد على أنا محمد .. فقلت : عندى مشكله رجه فى الكاويتش الأمامى للسياره . سألنى : نوعها إيه وعامله كام كيلو . فأجبت : إلنترا 2012 أول فئه أتوماتيك ماشيه 300 كيلو . فتح درج مكتبه وأخذ جهازان واحد مثل ( الأدمه ) والثانى مثل ( المتر ) ولكنى لا أعرف أسمهما ثم قال : إتفضل نشوف العربيه . طبعاً كان جوايا صرع على كيفية التعامل معاه لو رفض تغيير الإطارات ( وده كان الأرجح عندى ) هل أحاول التعامل برفق .. ولا أتكلم بطريقة عنيفه تصاعديه علماً أنه مش طبعى . ولا أتصل بالمهندس / طلعت فايز ( مدير صيانة أبو رواش ) زى ماقالى المهندس / أحمد عز .. المهم وصلنا العربيه فقال : إتفضل إركب وحاول تمشى بيها براحه علشان أعرف ألاحظ الكاويتش من بره . وبدأت أمش بيها للأمام و الخلف وهو يتابع الكاويتش من أمام السياره ناحية اليمين وفجأه قال : قف .. ياريت تلف الدركسيون ناحية اليمين .. ثم أخرج الجهاز الشبيه ( بالأدمه ) وقاس به عمق الإطار عند جزء معين من الفرده اليمين ثم تكرار ماسبق ناحية الجهه اليسرى . بعد أن إنتهى قال : إتفضل صور لى البطاقه والرخصه وتعالى جوه . وبعد ما صورتهم ورحت ليه وجدته مجهز تقرير وإذن صرف لعدد 2 كاويتش قال : طبعاً حضرتك هتدفع نسبه من ثمن الكاويتش الجديد قلت : هو مش الإطارات المفروض بالضمان والعربيه لسه لم تكمل 1000 كيلو فقال :على فكره .. ده مش عيب صناعه .. وكمان النسبه مش كبيره فى حدود 15 بالمائه . قلت : ياعنى فى حدود كام .. قال : 175 جنيه . قلت : للواحد .. قال : لاء للأثنين . والله ماخبيش عليكم كنت عايز أبوسه من فرحتى .. فكمل كلامه : طبعاً بخلاف تركيبهم بره وإحنا هناخد الكاويتش القديم .. فقلت : كمان أنا إللى هاركبهم فقال : لو عندى تركيب عمرى ما هاتأخر عنك طبعاً عملت نفسى موافق بالعافيه .. بس فى الأخر شكرته بشده على كرم أخلاقه وحسن معاملته للدرجه التى لم تجعله يسأل عن سبب ما حدث للإطارات وأيضاً لم يطلب الضمان .. وغيرت الفردتين فك وتركيب ب20 جنيه وطلعوا نفس وقت الإنتاج لكاويتش السياره الأسبوع 52 لعام2011. ورجعت صليت ركعتين شكر لله على تسهيله للأمور معى . اللهم لك الحمد والشكر .. وإلى اللقاء فى القصه الرابعه عند / أحمد ريان و ( أليجانس ) لفرش السيارات أعتذر للإطاله .. أترككم فى رعاية الله وأمنه مع الشكر
|
#2
|
||||
|
||||
رد: قصتى مع سيارتى ( 3 )
الف مبروك يا باشا وربنا يسهلك الصعب دايما
__________________
أيـــها المُشــــتكي ومــابــك داءُ .... كــُـــن جميـــلاً ترى الوجـــودَ جميـــلا محمد الرويعي |
#3
|
|||
|
|||
رد: قصتى مع سيارتى ( 3 )
مبروك وهذا فضل الاستعانة بالله فى تيسير الامور
__________________
كمال معروف ان الله لا يغير ما بقوم حتى يغيروا ما بانفسهم |
#4
|
|||
|
|||
رد: قصتى مع سيارتى ( 3 )
تجارب جميلة
|
#5
|
||||
|
||||
رد: قصتى مع سيارتى ( 3 )
الله يبارك فيك .. وحقاً كما قال الرحمن : ( إدعونى أستجب لكم ) .
تقبل شكرى لمشاركتك |
أدوات الموضوع | |
|
|