مشكلة فى عمود الكردان

[thechemist]

السلام عليكم اعضاء منتدانا واخوانى الاعزاء
انا عنى لفة صغيرة على الفاضى فى عمود الكردان واحيانا فى الطلعة بسمعها لو حارق فى الطلعة لكن بعد كده هى مش موجودة نزلت تحت العربية وبلف الكردان بايدى لقيت فيه لفة بسيطة على الفاضى فهل ده طبيعى ولا فى مشكلة لأنى العربية مبقتش سلسة فى الطلوع على البطىء

[mr_astra]

اللفة الزيادة دى هى بوش بين التاج والبنيون ودة طبيعى
اما لصوت الصادر من الكردان اعتقد انة صلايب

[Hisham.Elgazzar]

ياريت تكشف على كل المجموعة من أول ديل الفتيس عند الفلانشة
إلى آخر الكردان
الفلنشة والصلايب وكرسى النص إلخ

[thechemist]

المشاركة الأصلية كتبت بواسطة mr_astra اللفة الزيادة دى هى بوش بين التاج والبنيون ودة طبيعى اما لصوت الصادر من الكردان اعتقد انة صلايب

الف شكر يا mr-astra على توضيح البوش الطبيعى بين التاج والبنيون وأسف على التأخير لأنى عندى شويه شغل سمكرة فى العربية لما هاخلصه هاعرض العربية والاسعار علشان اللى داخل على شد يبقى عارف الدنيا ومايتعملش عليه حوارات

كشفت فعلا ولقيت صليبة اللى عند أخر الكردان هى اللى مبوشه وهى اللى فى الغالب بعمل الطقة عند بداية الحركة

[thechemist]

المشاركة الأصلية كتبت بواسطة Hisham.Elgazzar ياريت تكشف على كل المجموعة من أول ديل الفتيس عند الفلانشة إلى آخر الكردان الفلنشة والصلايب وكرسى النص إلخ

أستاذ hisham شكرا ياباشا على مساعدتك وربنا يجعلها فى ميزان حسناتك
انا كشفت على المجموعة كلها وطلع ان الفلانشة وكرسى النص سلام لكن العيب كان فى الصليبة اللى فى اخر الكردان وانشاء الله هاغيرها
لكن بعد ما العربية تخرج من عند السمكرى
لكن حضرتك انضف صلايب ممكن ركب نوعها ايه عشان الواحد يشترى دماغه ومارجعش تبوش تانى ؟