ارجوكم المساعدة وسرعة الرد

[m.raafat]

سلام عليكم دى اول مشاركة ليا فى المنتدى الرائع ده.انا معايا byd f3 automatic وعامل 500كيلو فقط كنت ماشى بالعربية وفجأة لقيت امبير الحرارة عالى مقرب على الشرطة الحمراء وبيعلى شوية وبعدين ينزل روحت توكيل القطامية والعربية فضلت ساعة وطلعت وعرفت ان مشكلة الحرارة منتشرة فى الأوتوماتيك وانا راجع العربية كانت تمام تانى يوم روحت مشوار والموضوع اتكرر وكنت بليل يعنى الجو كان برد انا زهقت والله.فياريت اللى حصلت معاه المشكلة دى يفيدنى ويقولى عمل ايه علشان المشكلة دى متحصلش تانى.اسف على الأطالة وتقبلو تحياتى.

[crime]

بص يا باشا هى المشكله ده قابلتنى بس ف عربيه بيجو كان الترموستات بتاع الحراره بايظ
ولما بيبوظ بيعلى الحراره

ممكن يكون هوا ده السبب حضرتك ممكن تشرفنى ف المركز وان شاء الرحمن يكون هوا ده السبب او حاجه بسيطه

تقبل تحياتى

[m.raafat]

شكرا ياباشا على رد و اهتمام حضرتك بس انا لما كنت فى التوكيل قالولى المشكلة فى الكهرباء الأرضى

[mhamdy75]

كلام م / ايمن سليم

وخد بالك الزيت بيبوظ من السخونة الزيادة

[samirayad]

المشاركة الأصلية كتبت بواسطة m.raafat شكرا ياباشا على رد و اهتمام حضرتك بس انا لما كنت فى التوكيل قالولى المشكلة فى الكهرباء الأرضى

شوف يا أستاذ / رأفت

هقولك على فكره كويسه

هتشتريلك ترمومتر لقياس درجة الحراره

أول مايعملها معاك المؤشر وتلاقى الحراره ضربت لفوق

هتحط بوز الترمومتر ( منطقة جس الحراره بالترمومتر )

على منطقة وش السلندر بالمكنه

لو لقيت الحراره على الترمومتر قاريه معاك من 75 إلى 85 درجه مثلا

وطبعا العلامه على المؤشر فى وضع خطر فى الوقت ده

-------------------------------

تعرف على طول

أن صباع الحراره على وش السلندر

الخاص بتشغيل مؤشر الحراره بالتابلوه

محتاج يتغير