العقل كان بيقول كده - معايا ولا لأ ؟؟؟ -

[Semsem999999]

الحمد لله ربنا وفقني النهارده واشتريت نيسان صني 2004 أوتوماتيك 1600 سي سي بعد عناء وحيرة ما بين الجديد والمستعمل والحيرة بين أنواع المستعمل بس العقل كان بيقول كده كده هي النيسان وآدي الأساباب :-
1- الجدي ماكانش قدامي غير الهيونداي الجيتز على أساس زي ما قولت قبل كده أجيبها وأمزلها مصر بعد كده للمدام بس طبعا الأجواء هنا عمر عربية زي ديه ما هتستحمل الجو ده والطرق ديه ب 1400 سي لمدة 5 سنوات .

2- بالنسبة للمستعمل كان قدامي خيارات كثير منها المرسيدس مثلا اللي سعرها رخيص بس كل الناس حذرتني هنا من قطع الغيار ، ثم الكامري بس الموديلات اللي فوق ال 2003 مثلا بتعمل حوالي من 40 ل 45 ألف ريال وده مش في إمكانياتي دلوقتي ، وكان قدامي جين 2 موديل 2007 بس طبعا لما هاجي أبيعها مش هتجيب 10000 ريال ، ولقيت ليجانزا 2001 ب 8000 ألاف ريال بس برضه مالهاش سوق هنا خالص ، والانسر كانت في حساباتي بس اراكب اختها ، المهم اللي خلاني أجيب الصني هو سلو البلد هنا يعني إنها بياعه هي والتويوتات عامة لأن الواحد مش ضامن ظروفه إيه فلازم يكون معاك عربية بياعه وسعرها كويس فقلت هي دي وجبتها 1600 علشان الناس هنا وحوش ولازم يبقى معاك عربيية يعني موتورها عفي شوية وكمان سعرها حنين ب 25 ألف ريال العربية الحمد لله فابريكه بره وجوه وصالونها جديد والاستبن مانزلش مع إني عارف إنه عيب مش ميزه بس برضه بيدل على حسن استعمالها .

هاه كلامي صح ولا فيه وجهة نظر مخالفة ؟؟؟؟؟؟؟؟؟؟؟؟؟؟

[Ahmed Anwer]

مبروك يا إسلام باشا ،،،

أي عربية تجيبها تبقي عين العقل

و تبقي جنيه دهب ،،

بس الصني مش كبيرة شوية علي المدام ؟؟

[hazem_khidr]

الف الف مبروك يا اسلام باشا
عين العقل و الله و انا قولتلك لو تفتكر هات مستعمل و انت نازل هات جديد
ربنا يباركلك فيها و يديك خيرها و يحميك من شرها يا رب
كان معايا اختها في دبي و كانت عروسه الصراحه بس بتاكل بنزين بالنسبه للايكو اللي كانت معايا قبل كده
الف الف مبروك مره تانيه

[Semsem999999]

المشاركة الأصلية كتبت بواسطة Ahmed Anwer مبروك يا إسلام باشا ،،، أي عربية تجيبها تبقي عين العقل و تبقي جنيه دهب ،، بس الصني مش كبيرة شوية علي المدام ؟؟

الله يبارك في سعادتك يا أستاذ أحمد ، العربية مش للمدام هنا أنا كان قصدي إني لو جبت زيرو أنزلها مصر تبقى للمدام يعني لكن المستعمله ديه ما ينفعش تنزل مصر ، بس ربنا يسهل إن شاء الله وأنا نازل نهائي الواحد يبقى يفكر هيجيب إيه زيرو

شكرا مرة ثانية


hazem_khidr

الف الف مبروك يا اسلام باشا
عين العقل و الله و انا قولتلك لو تفتكر هات مستعمل و انت نازل هات جديد
ربنا يباركلك فيها و يديك خيرها و يحميك من شرها يا رب
كان معايا اختها في دبي و كانت عروسه الصراحه بس بتاكل بنزين بالنسبه للايكو اللي كانت معايا قبل كده
الف الف مبروك مره تانيه

الله يبارك فيك يا حازم ، والله هي فعلا عربية محترمة وموضوع البنزين ده أنا بصراحه لسه مالحظتهوش بس البنزين هنا رخيص أنا فولتها امبارح لأن الراجل كان مديهالي على الجنط خالص ب 32 ريال فأعتقد مش هيبقى فيه مشكلة في البنزين إن شاء الله .

أنا بس كان ليا استفسار صغير الفتيس الأوتوماتيك بتاعها مافيهوش أوفغر دريف لكن فيه زرار أحمر كده أنا عرفت إنه بتاع اللوك يعني علشان تحرك عصاية الفتيس من الوضع الباركينج مثلا لوضع الدي وهي مبطلة الكلام ده صح ولا إيه ؟

[AbOnOrA]

يا سمسم عين العقل ديه عربية ميختلفش عليها اتنين وبدام مفيش امكانية تجيب حاجة اخر موديل وتنزل بيها دلوقتى يبقى اللى انت عملتة صح عربية ماشاء الله عملية وسعرها فيها لما تجيى تبيع

لاكن موضوع الجيتز ده انا وقلتلك مكانش داخل دماغى خالص ربنا يفتحها عليك يارب وتنزلنا بهامر ان شاء الله

بس ابقى ادينى لفه ونبى

وده هدية متواضعة بمناسبة العربية تقرير عن نيسان صنى 2001-2004