اشتريت نوبيرا 2006 اتوماتيك . وما اعرفش حاجة عن ميكانيكا السيارات اطلاقا

[banana1977]

اشتريت نوبيرا 2006 اتوماتيك من شخص موثوق فيه
والراجل بصراحة قالى على المشاكل اللى فيها واللى انا مش عارف اعمل ايه بخصوصها .
اولا : الراجل اول مشترى للعربية ومن وقت ما اشتراها لحد الان كان بيحط بنزين 80 .
اعمل ايه عشان اتفادى المشكلة دى ، لان اكيد بنزين 80 اثر على العربية ككل ، وانا بحطلها بنزين 92 .
ثانيا : العربية صوتها عالى وخصوصا على الطرق السريعة . والراجل قالى ان الصوت ده تقريبا يستدعى تغيير حاجة فى الدينامو . فهل ده صحيح او يوجد شىء اخر يسبب الصوت العالى ؟
ثالثا : فى مشكلة فى دواسة البنزين لما العربية بتعدى الـ 60 كيلو بيحصل صوت حشرجة قوية وعشان اتفادها زى ما الراجل قالى بشيل رجلى من على البنزين خالص وبعدين احطها تانى الصوت بيروح ، اعتقد دى مشكلة فى الفتيس ، فهل مطلوب تغيير الفتيس كله وله المشكلة تغير جزء فى الفتيس ؟
تقريبا دى المشاكل الاساسية مع العلم انه عمل عمرة للموتور من 4 شهور تقريبا . والعربية عامل 120 الف كيلو .
فياريت حد يقدر يفيدنى وينصحنى اعمل ايه عشان المشاكل دى ، واعلم ايه عشان المشاكل دى ما تتكررش ، واعمل ايه فى الصيانة الدورية للعربية وايه اللى محتاج يتغير كل فترة وخصوصا ان سمعت ان الفتيس الاتوماتيك للنوبيرا فيه مشاكل ؟
وشكرا على وقتكم واسف للاطالة .

[samirayad]

بالنسبه للصوت

هتحتاج تكشف على مجموعة سير الدينامو والباور والتكييف الخارجيه

غالبا هتلاقى شداد المجموعه الخارجيه بليته وحشه وعاوز يتغير

وبالنسبه لعملية الحشرجه بعد سرعة ال 60

هتنظف البوابه كويس جدا وتغير فلتر هواء وبنزين

وتكشف على البوجيهات بالمره وتغير زيت وفلتر الفتيس

وتشيك على شكل كبل الكيك داون

فممكن تكون فيه حته مهروشه ووحشه

---------------------

لو لقيت الكبل تمام

ومفيش لسه تقدم

يبقى غالبا عندك مشكله إما فى

1- حساس البوابه

2- الفتيس نفسه فيه مشكله

وأرجح الإحتمال الأول

لهذا السبب

وعشان اتفادها زى ما الراجل قالى بشيل رجلى من على البنزين خالص وبعدين احطها تانى الصوت بيروح ،

[m.dardir]

المشاركة الأصلية كتبت بواسطة samirayad بالنسبه للصوت هتحتاج تكشف على مجموعة سير الدينامو والباور والتكييف الخارجيه غالبا هتلاقى شداد المجموعه الخارجيه بليته وحشه وعاوز يتغير وبالنسبه لعملية الحشرجه بعد سرعة ال 60 هتنظف البوابه كويس جدا وتغير فلتر هواء وبنزين وتكشف على البوجيهات بالمره وتغير زيت وفلتر الفتيس وتشيك على شكل كبل الكيك داون فممكن تكون فيه حته مهروشه ووحشه --------------------- لو لقيت الكبل تمام ومفيش لسه تقدم يبقى غالبا عندك مشكله إما فى 1- حساس البوابه 2- الفتيس نفسه فيه مشكله وأرجح الإحتمال الأول لهذا السبب

لو سمحت يا باشمهندس هل تقصد واير البنزين؟

[mhamdy75]

مبروووووووووك العربيه

وإن شاء الله كلها حاجات بسيطه

[samirayad]

المشاركة الأصلية كتبت بواسطة m.dardir لو سمحت يا باشمهندس هل تقصد واير البنزين؟

لا

أنا أقصد واير تانى راكب برضه على بكرة الإكسراتير الموجوده على بوابة المكنه

الواير ده هو إللى بيحس بحمل المكنه ويبلغها للفتيس

ومن خلال إشارة الواير ده الميكانيكيه للفتيس

من خلال بلف معين مسئول عن تنظيم عملية النقل

بالإضافه لإشارة حساس السرعه لكمبيوتر الفتيس

بيتعرف أوتوماتيك

الفتيس مطلوبه منه يبقى على أى نقله

من خلال التحكم كهربيا فى سولونيدات مراحل التعشيق الموجوده على الفالف بودى

أو مايسمى عاميا

بخريطة الفتيس الأوتوماتيك

------------------------

وسأقوم برفع صوره لتوضيح مكان الواير

على بوابة المكنه حالا