كيف يتم رفع اداء الموتور؟

[m gaber]

اما املك شاهين موديل 99 و 1400 سى سى العربية كانت زمان بتجيب 170 ولكن الان السحب قل اوى فما هى الخطوات.
وعندى بقى فى صوت ونا خفيفة فى السرعات
وهل ياترى الفرامل بتاعت الشاهين كلها ضعيفة علشان انا عندى المشكة دى

[mhamdy75]

أهم حاجة الصيانة

ياترى بتعمل لها صيانة دورية ولا لأ ؟؟؟

[m gaber]

المشاركة الأصلية كتبت بواسطة mhamdy75 أهم حاجة الصيانة ياترى بتعمل لها صيانة دورية ولا لأ ؟؟؟

نعم اخى العزيز زى الزيوت والبوجيهات وكدا يعنى

[Hisham.Elgazzar]

بلاش السرعات العالية فى الشاهين عشان الكردان والصلايب والكرونة والأكسات بتاعتها

[فادى]

غالبا اسطوانة الدبرياج عندك محتاجة تتغير, هى أكتر حاجة بتقلل من سرعة السيارة.
لو اسطوانة الدبرياج بقالها فوق ال100 الف فحتما عمرها الافتراضى انتهى.
فرامل الشاهين متوسطة و ليست ضعيفة,
عموما الفرامل "بتكلبش" العجل و لا لأ؟ لو العجل بيكلبش يبقى انتهى دور الفرامل هنا و الدور على الكاوتش, ممكن تكون محتاج تغير الكاوتش عمره الافتراضى 50 الف كم.
صوت الونة الخفيفة اكشف على زيت الكورونا فى اى محطة بنزين, ممكن يكون ناقص, و دايما فى الشاهين اكشف عليه دوريا لأنه لو نقص و مشيت عليه هتحرق الكورونا و تضطر تغيرها.