|
#1
09-04-2012, 05:30 PM
|
|||
|
|||
احنا الطلبة ؟ عايزين نعرف عمرة الموتور بالتفصيل والخطوات والصور
بصراحة غطا العربية اتسرق
ومتضايق وعايز حاجة تنسينى اللى حصل وانا شغوف جدا افهم العمرة بتاعة الموتور من الالف للياء الحمد لله المنتدى مليان ناس أساتذه وعلمهم وافر عايزين ناخد منهم علشان هما يطوروا ويعرفوا الجديد علشان يعلمونا يبقى عندهم همه وحماس وحب معرفة اتعلمت من المنتدى كذا حاجة والحمد لله شحنت التكييف بتاع عربية صحبى والمفاجأة انى ركبت سير الكاتينة لوحدى وسلملى على الميكانيكى وكنت فاكر ان ده رابع المستحيل والكهرباء بتاع العربية عرفت حاجات كثير فيها والفضل لله ثم لاساتذتنا فى المنتدى احنا فعلا طلاب وهم دكاتره وعملت زرار المارش والحمد لله بس باقى المفتاح وغيرت كتاوت وتوصيلات العربية وغيرت المارش وفكيته وصلحته ساعات بفكر لو ما دخلتش هنا وقعدت وقريت واتعلمت منكم كنت هفضل جاهل جهول الحمد لله ان لسه الدنيا بخير وفيه ناس محترمين جدا زيكم المهم عشمان فى موضوع عمرة موتور بس ليا طلب عايزين شرح مرتب وياريت يوضحلنا نظام بليه وافتكاساته ونظام الصح المكتوب المخطوط علشان نقدر نعرف ايه الصح وايه الغلط واسماء الاجزاء واسعارها وخطوات العمرة من البداية لغاية ما العربية تدور وتمشى لانى فى المستقبل ناوى اعملها ومجهز نفسى اشتريت معظم العدة والادوات بس عايز حد يفهمنى واحدة واحدة وربنا يجازيكم عنا كل خير 
|
|
#2
12-04-2012, 02:16 PM
|
||||
|
||||
|
رد: احنا الطلبة ؟ عايزين نعرف عمرة الموتور بالتفصيل والخطوات والصور
ربنا يكرمك يا رب ولو احتجت حاجة انا تحت امرك لانى عملت عمرات قبل كدة بايدى وصدقنى خلى عندك قناعة 100% انت انت احسن من اى ميكانيكى ودماغك تفهم اكتر منة وصدقنى انت هاتعمل الشغل احسن منة لانك هاتعملة بصبر وبضمير لان دى فلوسك وتعبان فيها
معظم الميكانيكية انصاف واشباة صنيعية كولهم اتعلمو سنة ولا اتنين فى ورشة وفتح لوحدة والموضوع سهل زمان الصنيعى عشان يفتح ورشة لوحدة بيكون من طفولتة وهو صبى فى ورشة وبعدين يبقى مساعد وبعدين صنيعى فى نفس الورشة وفين وفين لما يفتح لوحدة النهردة الصنيعى نادر اما تلاقى عندة ضمير ولو عرف يمسك المفتاح يبقى كويس واسهل حاجة فى الدنيا عندة فك وغير ،،، يغيرلك 4 او 5 حاجات واكيد من ضمنهم الحاجة اللى عاملة العيب واللى يغيظك انة بيتعامل اكنة دكتور تدخل تقولة المشكلة ما يردش عليك ويندهه الصبى ولا فكلى كذا وكذا ويبص بصة ويؤلك هاتلنا الحاجات دى ونفس الصبى اللى يقفل وخد عند بقى مسمار ينساة او مسمار مفوت او صامولة المربع بتعها متاكل ولا فى دماغة حاجة او يدق بالشاكوش على طنبورة مثلا وتتكسر ولو حط حتة شحم على حاجة يبقى انت مفروض تعملة تمثال جوان بايظ يركبة وطبعا من غير ولا سيلكون ولا جوملكة ،،،،اومااااااااااااال لو عمل الشغلانة زى ما قال الكتاب ما انت مش هاتروحلة تانى انما لا لازم كل يوم وانت مروح تعدى علية يبقى احنا ولا عندنا صنيعية ولا عندنا قطع غيار لان معظمها مضروب يا راجل حتى العدة بقت مضروبة امبارح بتعافى على مفتاح بوجيهات اتكسر فى ايدى ولا تقولى تايجر كينج ولا غيرة كسرت المفتاح بايدى ههههههههههه فين عدة زمان الالمانى عندى منها لغاية النهردة حاجات ولسة اكنها جديدة لانها مصنوعة من مادة الكروم فاناديوم لما بشوف على النت شركات متخصصة فى قطع الغيار بحزن والله لانها رخيصة جدا حتى بمستوانا هنا وكمان اصلى قطعة الغيار بتبرق واوريجنال ======================= معلش طولت عليك بس بينى وبينك الواحد فعلا حزين لدرجة ان اما العربية بيعطل فيها حاجة وتمشى مش بصلحها لانى متاكد انى لو فكرت اعملها يا اما تخرب خالص يا اما تتصلح وحاجة تانى تبوظ افتكر كدة اى مرة رحت فيها لميكانيكى وفكلك حاجات معينة شوف كم الصواميل والمسامير اللى بتطلع زيادة !!!!بعد ما يقفل شوغلة العمرة الاساس فيها الخراط مش الميكانيكى لان الميكانيكى بيرص الحاجات اللى جاية من عند الخراط من احسن الخراطين فى القاهرة الصرح " الجندى" ولة فرعين واحد فى احمد بدوى والتانى ومخصص للنقل التقيل والمعدات البحرية والمولدات والمعدات فى الزاوية الحمراء وفى الزهار فى المنطقة الصناعية فى قباء فى مختار بتاع الوشاش فى التجنيد وناس فى الزقازيق سمعتهم كويسة االحاجات اللى بتتعمل عند الخراط هى الشمايز او توسيع الشمايز حسب البستم خرط الكرنك تريح الكرنك على الهلايل ترييح الكرنك على الكراسي والسبايك عمل قواعد ودلايل للصبابات قشط وش السلندر ان احتاج الامر او لحامة عمل كراسي عامود الكامت جلب لبنوز البساتم اية تانى ؟؟؟؟؟؟ اعتقد ما فيش حاجة فاكرها دلوقتى وحضرتك ابدا بس وبامر الله معاك
__________________
يااااااااااااا رب إرحمنا بقدرتك علينا 
|
|
#3
12-04-2012, 03:20 PM
|
|||
|
|||
|
رد: احنا الطلبة ؟ عايزين نعرف عمرة الموتور بالتفصيل والخطوات والصور
لا يسعنى سوى القول انك فنان
وربنا يبارك فيك وأسلوبك فى الكتابه مشوق ورائع وده مش غريب على منتدى فيه عباقرة زيك وزى الاستاذ الباشمهندس الكبير سمير عياد و أستاذنا باش مهندس ياسر عمر yasser omar وأستاذنا Hisham.Elgazzar وغيره وخايف انسى حد لانهم لا حصر لهم لانى والله مش حافظ أسماء بقية الناس العسل اللى ياما ردوا عليا فى موضوعات سالت فيها انا استفدت جدا من البداية الى انت شرحتها بس معلش خدنى من البداية لطالب زى وهى فك الموتور ودى ان شاء الله عزوجل هى اول حاجة هفك الموتور زى اسماعيل ياسين ما فك الطيارة فى الفيلم بتاعة وهحط الصواميل فى علبه وابدأ أطلع الموتور بره عن طريق ونش ثلاثى او برافعة ولا الموتور هيتفك وهو جوه العربية ؟ فهمنى الخطوة الثانية فكينا الموتور خلاص ونقدر نطلع اجزائه المختلفة ازاى نحكم على الاجزاء المختلفة مستهلكة ولا لأ وايه عموما الى بيتغير أساسى فى العمرة من الاجزاء حتى لو بحالته ايه الى هيطلع ويترمى ومش عايزينه ويعتبر مستهلك ونجيب مكانه جديد وايه الى هيفضل زى ما هو بس هيروح مخرطة وايه الى هيفضل ومش هيروح مخرطة هنروح على محل بيع قطع العمرة ايه الى هشتريه مثلا يعنى الاسم والصورة لو امكن وتقريبا مثلا السعر التقريبى وهل الخامة بتكون كويسة ولا هنضطر لبتوع الاستيراد اخدنا الحتت الجديدة هل بتركب على الموتور كلها ولا لازم كلها تروح المخرطة بعد كده نروح المخرطة مش عايز حد يضحك عليا او يحس انى مش فاهم فى المخرطة هقوله ايه فى المخرطة لو عايز اضبط الحاجات الى معايا نسب الخرط والترييح والتسليك مين الى بيحددها الخراط ولا انت ولا مين ولا انت بتروحله تقوله ريح دى على دى انا بصراحة أبيض فاستحملنى وادعو الله ان يجعل ذلك فى ميزان حسناتك يوم لا ظل الا ظله وندفع كام تقريبا وهل الخراطين زى قبيلة بليه - بيفتح فى المصاريف طيب خلصنا المخرطة رجعنا على بير السلم ومعانا القطع الى اتخرطت عايزين نركب عملية التركيب ولو تدينا فكرة بسيطة عنها واهم الملاحظات عليها وانا مش عايز اتقل عليك خلينا فى الاولانية الفك والخرط ولما نستوعب تمام ونخلص الاستفسارات ندخل على التركيب ولو امكن تطبق ده على موتور انت اشتغلت فيه عملى بس بلاش المواتير العالية لان عربيتى 128 يعنى لو موتور قريب يبقى كتر خيرك وشكرا لاهتمامك بالرد على موضوعى بعد أربعة او خمسة ايام انتظار بس عشمى انكم ناس كرم واخلاق ربنا يبارك فيك
|
|
#4
12-04-2012, 03:26 PM
|
||||
|
||||
|
رد: احنا الطلبة ؟ عايزين نعرف عمرة الموتور بالتفصيل والخطوات والصور
معرفش لو بدات اتكلم هاخلص قبل مواعيد الانصراف فى الشغل عندى ولا لا
لانى فاصل النت من البيت عشان موسم امتحانات الاولاد وبامر الله لو اتكلمت هاتكلم عن موتورك لانى حافظة اوى وعملتة عمرة زمان بايدى
__________________
يااااااااااااا رب إرحمنا بقدرتك علينا
|
|
#5
12-04-2012, 03:28 PM
|
||||
|
||||
|
رد: احنا الطلبة ؟ عايزين نعرف عمرة الموتور بالتفصيل والخطوات والصور
لكن فى البداية حضرتك عندك اية فى عربيتك مهو لازم قبل ما ناخد خطوة الفك يكون فى عيب ونحدد العيب كويس اوى وبناء علية هانتصرف لو ما اتفاجاناش بحاجة مش معمول حسابها اما نفك
يعنى مثلا لو قدرنا نوصل ان المكنة عاوزة طقم شنبر وفتحنا لقينا الشمايز معتبة يبقى هنا لازم نخرط الشمايز مثلا لو فى بيل بيرزع يبقى انا كدة هافك وانا متاكد وعامل حسابى على طقم سبيكة فانبدا بالمشكلة الاول لان سامحنى انا اعرف اسم حضرتك واتكلمنا مع بعض قبل كدة لكن مش فاكر بامانة المشكلة
__________________
يااااااااااااا رب إرحمنا بقدرتك علينا
|
 |
|
|
