مراكز صيانة ايتامكو غبور

[meno elsaher]

فى الاول السلام عليكم ورحمة الله وبركاتة ....
انا كانت عندى مشكلة فى الدركسيون وكتبتها فى المنتدى قبل كدة انة بيعمل صوت طقطقة عند كسر الدركسيون وهيا وقفا والعربية لسة جديدة..
قمت رايح الاول مركز ايتامكو اللى فى طريق مصر اسماعلية الصحراوى قمت خت دور والعربية دخلت الصيانة وبعد ساعة بظبط العربية طلعت من الصيانة جة المهندس قالى كلة تمام قمت قايلة عملت اية وكان فيها اية مرضيش يقول حاجة المهم مشيت من عندهم العربية ماكنش فيها حاجة وانا فى الطريق بعد مسافة رجع الصوت تانى وازيد من الاول قمت تانى يوم رايح مركز صيانة ايتامكو اللى فى طريق مصر اسكندرية الصحراوى وخت الدور والعربية دخلت الصيانة للمرة التانية ولقيت عربيات تانية كتتتتتير مستنية الدور وانا كنت قدامى عربيات كتير عشان يجى دورى قمت رايح شربت شاى برة المركز فرش قدام المركز المهم اتاخرت بتاع اقل من تلت ساعة رجعت تانى المركز لقيتها واقفة وبسال قالولى خلاص خلصت قلتلهم ازاى الواضح انها ماتعملش فيها حاجة خالص قمت دخلت العربية ولقيت نفس الصوت موجود رحت جايب المهندس المسؤل قام قايلى الصوت دة طبيعى مفيهوش حاجة وموجود فى كل العربيات عشان الباور زيت مش كهربة المهم لاخت حق ولا باطل معاهم بس انا مش عارف اعمل اية اوديها لعفشجى ولا اية لانى انا تعبت منهم اسف للاطالة ......

[AbOnOrA]

هى مشكلة الاصوات ديه ان تقديرها نسبى ممكن واحد يكون حاسس اوى لصوت طبيعى فعلاً وممكن يكون صوت مش طبيعى ومهندسين التوكيل يستهبلو للاسف
فانت عايز رائى فيصل فيها من متخصص يسمع ويجرب بنفسه

فانت لو الموضوع ده مضايقك ومتاكد انه واضح فعلا شوف مركز تانى

[AbOnOrA]

بالمرة كمان

بعد ما تكشف فى مركز تانى وتتاكد من وجود عيب تخليهم يعملولك تقرير منهم بالعيب وتكاليف اصلاحة
وقانونيا ممكن تعمل شكوى ضدهم فى حماية المستهلك ويكشفو على العربيه بواسطة متخصصين ولو اقرو بوجود المشكلة هيطالبو الوكيل بالاصلاح او التعويض (غرامة) وممكن توصل لاستبدال

[ايمن منصور ((عباسى ))]

باشا ريح نفسك وشوف حد معاه فيرنا وشوف الصوت موجود عنده ولا لئه