رينو كليو 1994 ساعدونى بسرعة

[semsem1111111111]

انا اشتريت سيارة كليو 1994 هى متبهدلة شوية من برة
بس هى دواخل فابريكة
والشنطة فابريكة
والشاسية مظبوط زى الفل
والماتور متغيرلها ولسة مثبوت فى المرور
والماتور اللى راكب فيها 1300 سى سى
والتكيف شغال
والرخصة سارية لمدة سنة وشهر
والفتيس فية مشكلة ساعات بيعلق والرجل مشكورا قالى هتهالى وانا اعملك كل الشغل اللى فيها
الللى فيها عداد السرعة فاصل وكرسى السواق عاوز يتنجد
انا اشتريتها ب 24000 تقسيط
دفعت 5000 مقدم
وكل شهر هدفع 750 جنية على 25 شهر
انا عاوز اعرف هو انا كدة اتضحك عليا ولا هو دة سعرها الطبيعى
يعنى انا لو حبيت ابيعها دلوقتى هتجيبلى كام
ولو ممكن تعرفونى ازاى اظبط شكلها
واخليها جامدة وتنطق

[Hafdl21]

مبرووك اولا
انا عاوز اعرف الراجل اللي قسطت منه ده تبع معرض ولا ايه بالظبط ؟

[mhamdy75]

المشاركة الأصلية كتبت بواسطة semsem1111111111 انا اشتريت سيارة كليو 1994 هى متبهدلة شوية من برة بس هى دواخل فابريكة والشنطة فابريكة والشاسية مظبوط زى الفل والماتور متغيرلها ولسة مثبوت فى المرور والماتور اللى راكب فيها 1300 سى سى والتكيف شغال والرخصة سارية لمدة سنة وشهر والفتيس فية مشكلة ساعات بيعلق والرجل مشكورا قالى هتهالى وانا اعملك كل الشغل اللى فيها الللى فيها عداد السرعة فاصل وكرسى السواق عاوز يتنجد انا اشتريتها ب 24000 تقسيط دفعت 5000 مقدم وكل شهر هدفع 750 جنية على 25 شهر انا عاوز اعرف هو انا كدة اتضحك عليا ولا هو دة سعرها الطبيعى يعنى انا لو حبيت ابيعها دلوقتى هتجيبلى كام ولو ممكن تعرفونى ازاى اظبط شكلها واخليها جامدة وتنطق

أولا 1000 مبروووووووووووووووووووووو ك

ثانيا السعر قسط كده كويس

ثالثاً طالما إشتريت ماتسألش عن السعر إركب ودوس بنزين وإتمتع

كل يوم ركوب = فلوس

[Vanditta]

السعر حلو وخصوصا انة تقسيط
والف مبروووك وربنا يباركلك فيها ويكفيك شرها يارب
وبالنسبة لنقطة ازاى تظبط شكلها دة بيعتمد على حالتها عموما
يعنى محتاجة سمكرة محتاجة دوكو كدة يعنى
فى عربية عندنا فى المنطقة نفس موديل عربيتك وصاحبها كل اللى عاملة فيها طقم جنط عادى 13 تقريبا ولونة ابيض وراششها كحلى ميتاليك وحاطط اسبويلر صغير كدة شكلها تحفــــــــــــــــــــــ ـــــــــة

المشاركة الأصلية كتبت بواسطة mhamdy75 ثالثاً طالما إشتريت ماتسألش عن السعر إركب ودوس بنزين وإتمتع كل يوم ركوب = فلوس

كلامك سليم 100 فى المية والكلام دة هيريحك من هرى كتييير هاييجى فى دماغك
زى مثلا انا اتضحك عليا انا كان ممكن افاصل اكتر انا شاريها غالية كان المفروض استنى شوية عشان اشترى حاجة لقطة والكلام اللى مالوش لازمة دة

زى ما الاستاذ mhamdy75 قالك
طالما اشتريت اركب واستمتع واحمد ربنا انك عندك مقدرة لشراء عربية ترحمك من زحمة المواصلات
وبالتوفيق ان شاء الله

[I_AM_LEGEND]

ايه اخبار العربية معاك واسعار قطع غيارها ايه..علشان بدور على واحدة...المهم ان قطع الغيار موجودة كلهااااااا باكسسوارتها ولا لا..