أسعار قطع الغيار و توافرها

[ahmedchina]

السلام عليكم
الحمد الله على كل حال , فقد إصدم بى سيارة نقل بينما انا راكن نتج عنه كسر الباب الشمال الخلفى و الحمد الله
بعد الحادث العربية دارت و مشيت بها شوية و بعدين العربية ركنتها و خلصت مشوار و رجعت حلفت ماهى دايرة
المهم ونش و على التوكيل كشف عليها المشكلة طلمبة البنزين باظت , و طبعاً مش فى الضمان كلعادة بكام يا عمنا ب1050 بعد الضرائب و التركيب 1300 ؟؟؟ يا نهار أبيض طب و الحل مفيش حل حضرتك علشان العربية تدور لازم تغيرها . طب فى بديل ؟؟ . لا دى أول مرة و منعرفش إية اللى ممكن يركب مع العربية بس ممكن الالنترا 2006 . قلت لنفسى بلاش مغامرة . بصراحة الناس فى التوكيل المرة دة كانوا متعاطفين معايا بس انا اللى هدفع !!
المهم بعد جدال و نقاش و تحت ضغط إحتياج العربية غير يا عم و دفعت و الحمد الله
المصيبة الكبيرة و دى الباب الخلفى فاضى خالص 3500 جنية من غير مصنعية و لا دهان و لا فك و تركيب يعنى حسبة بسيطة كدة حوالى 5500 جنية و المصيبة التانية الباب مش موجود و فى طلبية هتوصل فى شهر 4 و إبقى إتصل على 10 إبريل لو صلت ولا لسة , يعنى همشى بالعربية إزى يخرب بتكم ؟ الباب باظ ينفع كدة
المشكلة دة بتواجهة زميلنا فى المنتدى الاستاذ أيمن بس فى الباب الامامى
مش عارف إحنا اللى مبالغين فى قبول الاسعار و لا التوكيل اللى بيضاعف أرباحة على حسابنا
دعوة الى جميع ملاك السيارة الى وقفة فى وجة هذا الاستغلال
فهل من مجيب
إحقاقاً للحق إستطعت أن أرسل برسالة اس ام اس الى احد المسئولين الكبار فى التوكيل و الذى بادر بإتصال من احد مسئولى قطع الغيار و الذى سئل بدورة عن المشكلة و شرحت له المشكلة من حيث غلو أسعار قطع الغيار و عدم توافرها عند الاحتياج لها , و شكوى أصحاب السيارة من أسعار قطع الغيار بشكل عام , مشكلة الضمان الذى لا يغطى الا سنة فقط او 20000 كيلو لاغلب السيارة و مستوى الخدمة و سياسة التسعير و التسويق التى أدت الى ضعف مبيعات السيارة قلت كل اللى فى نفسى و نفس الناس . و عرفته إن أسعار قطع الغيار فى الصين أرخص بكثير عن مصر و هى أسعار تجارية يعنى اللى ببيبعها كسبان برضة و لسة أرخص مصر , قلت له بيع غالى شوية موافقين بس فى الحدود المقبولة و ان تكون متوافره . و رد هذا المسئول بسرعة تلبية الطلبات و إبلغى حين وصول شحنة قطع الغيار مع وعد بتقديم أسعار جديدة و مخفضة .
أتمنى ان أكون نقلت بكل أمانة ما حدث
بس بصراحة أن متضايق جدا مش عارف لية , العربية ممتازة و صعبان عليا البهدلة اللى إحنا فيها أصحاب العربية
التوكيل أعتقد بعد ضياع جيلى من إيدية معندوش إستعداد جاك كمان تروح منة
انا النهاردة بعت ميل لمسئول المبيعات عن مصر فى الشركة الام فى الصين و شرحت له مشاكلنا
و هستنى الرد و هبلغكم
و الله الموفق

[amada]

المشاركة الأصلية كتبت بواسطة ahmedchina السلام عليكم الحمد الله على كل حال , فقد إصدم بى سيارة نقل بينما انا راكن نتج عنه كسر الباب الشمال الخلفى و الحمد الله بعد الحادث العربية دارت و مشيت بها شوية و بعدين العربية ركنتها و خلصت مشوار و رجعت حلفت ماهى دايرة المهم ونش و على التوكيل كشف عليها المشكلة طلمبة البنزين باظت , و طبعاً مش فى الضمان كلعادة بكام يا عمنا ب1050 بعد الضرائب و التركيب 1300 ؟؟؟ يا نهار أبيض طب و الحل مفيش حل حضرتك علشان العربية تدور لازم تغيرها . طب فى بديل ؟؟ . لا دى أول مرة و منعرفش إية اللى ممكن يركب مع العربية بس ممكن الالنترا 2006 . قلت لنفسى بلاش مغامرة . بصراحة الناس فى التوكيل المرة دة كانوا متعاطفين معايا بس انا اللى هدفع !! المهم بعد جدال و نقاش و تحت ضغط إحتياج العربية غير يا عم و دفعت و الحمد الله المصيبة الكبيرة و دى الباب الخلفى فاضى خالص 3500 جنية من غير مصنعية و لا دهان و لا فك و تركيب يعنى حسبة بسيطة كدة حوالى 5500 جنية و المصيبة التانية الباب مش موجود و فى طلبية هتوصل فى شهر 4 و إبقى إتصل على 10 إبريل لو صلت ولا لسة , يعنى همشى بالعربية إزى يخرب بتكم ؟ الباب باظ ينفع كدة المشكلة دة بتواجهة زميلنا فى المنتدى الاستاذ أيمن بس فى الباب الامامى مش عارف إحنا اللى مبالغين فى قبول الاسعار و لا التوكيل اللى بيضاعف أرباحة على حسابنا دعوة الى جميع ملاك السيارة الى وقفة فى وجة هذا الاستغلال فهل من مجيب إحقاقاً للحق إستطعت أن أرسل برسالة اس ام اس الى احد المسئولين الكبار فى التوكيل و الذى بادر بإتصال من احد مسئولى قطع الغيار و الذى سئل بدورة عن المشكلة و شرحت له المشكلة من حيث غلو أسعار قطع الغيار و عدم توافرها عند الاحتياج لها , و شكوى أصحاب السيارة من أسعار قطع الغيار بشكل عام , مشكلة الضمان الذى لا يغطى الا سنة فقط او 20000 كيلو لاغلب السيارة و مستوى الخدمة و سياسة التسعير و التسويق التى أدت الى ضعف مبيعات السيارة قلت كل اللى فى نفسى و نفس الناس . و عرفته إن أسعار قطع الغيار فى الصين أرخص بكثير عن مصر و هى أسعار تجارية يعنى اللى ببيبعها كسبان برضة و لسة أرخص مصر , قلت له بيع غالى شوية موافقين بس فى الحدود المقبولة و ان تكون متوافره . و رد هذا المسئول بسرعة تلبية الطلبات و إبلغى حين وصول شحنة قطع الغيار مع وعد بتقديم أسعار جديدة و مخفضة . أتمنى ان أكون نقلت بكل أمانة ما حدث بس بصراحة أن متضايق جدا مش عارف لية , العربية ممتازة و صعبان عليا البهدلة اللى إحنا فيها أصحاب العربية التوكيل أعتقد بعد ضياع جيلى من إيدية معندوش إستعداد جاك كمان تروح منة انا النهاردة بعت ميل لمسئول المبيعات عن مصر فى الشركة الام فى الصين و شرحت له مشاكلنا و هستنى الرد و هبلغكم و الله الموفق

طبعا كان الله فى العون فى تلك المصيبه , فهذه كارثه بكل ماتحمل الكلمه من معانى ...وحسبنا الله ونعم الوكيل فى هذا التوكيل .
وعلى الجانب الاخر . احب ان اذكر - واحقاقا للحق - بكل التقدير والاحترام العضو mms . الذى كان رايه صحيحا تماما فى وكيل جاك وصدقت توقعاته منذ فتره طويله بخصوص السياره بنسبه مائه فى المائه . وعندما كنت اجمع معلومات حول البى كلاس قرات مشاركانه وموضوعه المعجزه والمتميز (لا للاستغلال ) بكل معنى الكلمه والذى توقع فيه ما يحدث الان بالكامل من مصايب لملاك السياره . فكل الشكر لهذا العضو المحترم ...... وارجو فتح هذا الرابط الهام :
http://masrmotors.com/vb/showthread.php?t=46576
ومن ناحيه اخرى , اهمس فى اذن العضو المحترم الدكتور كمال الذى كان دائما يقلل من اى مشكله يكون سببها الوكيل . وادعوه الان ان يضم بقوه لحمله منظمه وعلنيه لمواجهه هورس موترز من اجل مصلحه السياره ومصلحه ملاكها . واهنئ ملاك سيارات جيلى بما سمعته حول قرب سحب توكيل سيارات جيلى من هذا الوكيل . وانتظر بكل شوق ولهفه سحب توكيل جاك منه ايضا لاكون ان شاء الله اول من يشترى جاك من الوكيل الجديد .

[د.كمال]

الف سلامه ياأستاذ احمد وقدر الله ماشاء فعل
طرمبه البنزين واحد صاحبى غيرها بطرمبه النترا كورى وبمبلغ 220 جنيه
أما بالنسبه لسعر الباب فهو مصيبه فعلا .
والله الوكيل ده هيخلى الواحد يفكر يبيع عربيته بس إللى خلانى أغير الفكره دى إن العربيه معايا ممتازه والميكانيكى والكهربائى بتوعى نصحونى مبعش العربيه لأن قطع غيارها متوافقه مع الانسر والالنترا ونصحونى بترك التوكيل والتعامل معهم وانا بفكر فى كده .
على العموم إحنا معاك فى أى شكوى تقترحها للشركه الام لتغيير هذا الوكيل وانت شغلك فى الصين وهتعرف تتصرف وإحنا معاك فى أى طلب بخصوص هذا الامر وأرجوا التواصل معنا لإطلاعنا على ما تقترحه .....لك تحياتى .

[د.كمال]

ومن ناحيه اخرى , اهمس فى اذن العضو المحترم الدكتور كمال الذى كان دائما يقلل من اى مشكله يكون سببها الوكيل . وادعوه الان ان يضم بقوه لحمله منظمه وعلنيه لمواجهه هورس موترز من اجل مصلحه السياره ومصلحه ملاكها TE]
الاخ الفاضل amada
أنا عمرى مكنت بقلل من أى مشكله يكون سببها الوكيل ولكنى كنت اهاجم من يشوهون كفاءه السياره
ومهاجمه الوكيل لاتكون عبر المنتديات ولكن تكون عبر الشكوى للشركه الام أو جمعيه حمايه المستهلك ......هذا سيكون أكثر فاعليه ....لأننى سألت من يعملون فى التوكيل بمعرفتهم أى شيئ عن منتدانا أو أى منتدى سيارات وما نكتبه عن السياره فاتضح أنهم جهله ولايعرفوا عنا شيئ .
على العموم أنا مع الاخوه الافاضل فى اى شيئ يقترحونه ضد هذا الوكيل الفاشل .

[عصام الجارحي]

المشاركة الأصلية كتبت بواسطة د.كمال ومن ناحيه اخرى , اهمس فى اذن العضو المحترم الدكتور كمال الذى كان دائما يقلل من اى مشكله يكون سببها الوكيل . وادعوه الان ان يضم بقوه لحمله منظمه وعلنيه لمواجهه هورس موترز من اجل مصلحه السياره ومصلحه ملاكها TE] الاخ الفاضل amada أنا عمرى مكنت بقلل من أى مشكله يكون سببها الوكيل ولكنى كنت اهاجم من يشوهون كفاءه السياره ومهاجمه الوكيل لاتكون عبر المنتديات ولكن تكون عبر الشكوى للشركه الام أو جمعيه حمايه المستهلك ......هذا سيكون أكثر فاعليه ....لأننى سألت من يعملون فى التوكيل بمعرفتهم أى شيئ عن منتدانا أو أى منتدى سيارات وما نكتبه عن السياره فاتضح أنهم جهله ولايعرفوا عنا شيئ . على العموم أنا مع الاخوه الافاضل فى اى شيئ يقترحونه ضد هذا الوكيل الفاشل .

والله كلامك مقنع جدا
المواجهة لازم تكون من خلال جهات معنية وليس علي صفحات النت
النت فقط للاتفاق علي الخطوات المطلوبة للتحرك
شكرا لك