ماتور مناسب 128

[heshamal]

الاخوه الاعزاءانا اشتريت 128 موديل 76 على اد الحال و بعد الشراء اكتشفت ان الفتيس تعبان جدا بيحك فى جميع النقلات و بيون فى الرابع و بيجيب زيت من كل حته فخطر فى بالى اجيب فتيس تانى ولاكنى لاحظت ان البوجيهات فى منها راكب بكراسى و خرطوم فائض الزيت مفصول عن العمه و هذ معناه ان الماتور كمان ضعيفنويت اجيب ماتور بفتيس استيراد و سمعت كتير عن مواتير الريجاتا و لانشيا 1500 - 1600 و سمعت عن لانشيا 1300 - 1400 انا عاوز كاربراتير و مش غاوى اشد و خمسات ولا الكلام داه فياترى ايه المناسب من غير ما اعمل تعديلات و يكون الانسب و السعر لو سمحتموشكرا

[Hisham.Elgazzar]

بما ان العربية موديل 76 يبقى قبل ماتسقط موتور لازم تكتف العربية مظبوط
ويفضل من فوق ومن تحت ، ده لو حضرتك هتحتفظ بيها شوية كده على ماتفرج
وبعدين تنزل تجيب موتور الريجاتا ال1500 بس تتأكد من حالته وحالة الكربراتير
مهم برضه العفشة الأمامى والخلفى
موتور الريجاتا قوى وهيحييى العربية ، بس محتاج تأسيس سليم وأهم حاجة العفشة والصاج
الموتور تمنه 2500 بالفتيس
والمساعدين 160
والمقصين 100
وجلب ورا و قدام 50
وربنا يوفقك بإذن الله
تقبل مرورى

[yasser.omar]

الريتمو وهو 1300 سى سى وفتيس 6 غيار
بناء على نصيحة الاستاذ الكريم الكبير طارق ابو زيد وبالنسبة للسعر هو اللى يدلك على كده
على فكرة انا سألته قبل كده على الموضوع ده وعرفته انى مش عاوز العب فى الشاسيه وهو اللى رشحلى الاختيار ده وبصراحة انا باخد بكلامه على طول "أسئلوا اهل الذكر ان كنتم لا تعلمون"

[sayed2077]

نصيحة منى ياريت متركبش اى موتورتانى غير بتاع العربيه نفسها
لان مع تركيب اى موتور من نوع تانى للاسف العربيه مش بتعيش اكتر من سنتين تلاته بالكتير وعن تجربه لان الشاسيه كله هيتقطع حتت
عاوز تجيب ماتور يبقى هات ماتور العربيه نفسه اللى هو ماتور ال128
غير كده حتى لو العربيه محصلهاش حاجه من الماتور هتبقى مغرية فى الجرى والشد مع اى حد حتى لو لاقيت مرسيدس هتلاقى الشيطان بيلاعبك ويقولك يلا اسبقه هاتو انت معاك عربيه جامده وطبعا انت عارف ال 128 مصنوعه لانها توديك مشوارك فقط بدون اى زيادات يعنى لا بتاعت سباق ولا شد ولا كل الكلام ده

[mr_astra]

موتور الريتمو الـ 1300 انسب حاجة وبدون تعديل و6 غيار هايبقى مناسب اوى وخد بالك ان الـ 128 بتنزل بمواتير 1300 يعنى ما فيش اى لعب من اى نوع ولا وزن زيادة ولا شاسية هايتاثر