|
#1
24-03-2012, 09:17 PM
|
|||
|
|||
والله هذا حصلى النهارده
السلام عليكم
امبارح كتبت كام موضوع وفيه ناس دخلت عشان تبوظ كلامى على سبيل ان عندهم معلومات جامده جدا وانا رديت عليهم باسلوب والله العظيم انا ما أحبش ارد كده المهم نمت طول الليل متنكد عشان انا وصلت لمرحلة انى اختلف مع ناس انا ماشفتهمش ولا اعرفهم إلا عن طريق المنتدى مع ان فيه هنا عضو اسمه ابو نورا عندما كتبت موضوع عن مشروعى الجديد كتبلى رد جعلنى احب المنتدى جداً قالى ان اعلان مشروعك لمدة شهر مجاناً على المنتدى وانا والله عندما كتبت الموضوع كنت لا اطمع فى اعلانات ولا زباين لسبب صغير انا يا جماعه ساكن فى مدينة بدر على طريق السويس يعنى( ايه تعمل الماشطه فى الوش....) يعنى لو عملتولى اعلانات سنه ماينفعش اللى هايساعدنى فعلا الميكانيكيه فى المدينه وانا خلاص اتفقت معاهم المهم انا نمت امبارح متنكد جداً وانا اصلا عندى مرض ارتفاع ضغط الدم واى حاجه بتزعلنى بتاثر على يومين تلاته المهم صحيت النهارده وروحت الشغل كالعاده تتخيلو إيه إللى يحصلى مش هاتصدقو بس والله العظيم ده حصل كنت بكلم واحد زميلى وفى نفس التوقيت ده كان معدى صاحب المصنع واول ما شافنى قاللى تفتكروا قاللى إيه قاللى الحاجه والدتك عامله إيه وهو عمره ما سالنى عن والدتى المهم قلتله الحمد لله كويسه قاللى صحتها عامله ايه قلتله كويسه قاللى يعنى تقدر تمشى وتروح مشوار لوحدها قلتله ممكن وانا كل ده مش عارف هو عايز ايه المهم قاللى طب ممكن تبعتلى الباسبور بتاعها قلتله ليه قاللى عشان تسافر تعمل عمره انا سكت وبقيت مش عارف هو فيه إيه وماتكلمتش لانى مافهمتش حاجه راح ناده على مدير مكتبه وقاله تاخد منه الباسبور وتعمل لوالدته تاشيره فى المكتب اللى احنا بنتعامل معاه وماتاخدش منه حاجه غير الباسبور وانا والله ماقلتلوش حتى شكراً لانى الى الان مش فاهم حاجه وانا دلوقتى لسه جاى من الاستوديو عشان أصور امى صور الاوراق وقلت للمصور لو سمحت ظبطها صور للعمره خلفيه بيضاء والله العظيم هذا حصلى النهارده وانا عارف انكم هاتقولو انى بهجص  
|
|
#2
24-03-2012, 09:45 PM
|
||||
|
||||
رد: والله هذا حصلى النهارده
وكانوا عاوزين يبوظوا كلامك إزاى .........؟
المنتديات عامة عامله زى المقاهى الثقافيه فعود نفسك مع دخول المنتديات لسماع الرأى والرأى الآخر وقول رأيك وأشترى وبيع وأقنع وأقتنع ولا تتخيل أن رأيك هو الصح ....ومن يعارضك أومن يبدى وجهة نظر تخالفك هو الخطأ فلقد بنيت سياسة التحاور السليمه على أن الإختلاف فى الرأى ....لايفسد للود قضيه ----------------------------- وطبعا لايفوتنى أن أدعو الله أن يعافى عنك وعنا وكذلك ألف مبروك للست الوالده على رحلة العمره
__________________
 قال رسول الله  إن الله ليملى للظالم ............حتى إذا أخذه .....لم يفلته صدق رسول الله ___________ م/سمير
التعديل الأخير تم بواسطة samirayad ; 24-03-2012 الساعة 09:51 PM
|
|
#4
25-03-2012, 02:00 AM
|
||||
|
||||
|
رد: والله هذا حصلى النهارده
عمرة مقبولة و ربنا يبارك لك فى الحاجة
__________________
اللهم ياجامع الناس ليوم لا ريب فيه اجمع على ضآلتى سبحان الله وبحمده سبحان الله العظيم
|
|
#5
25-03-2012, 06:34 AM
|
||||
|
||||
|
رد: والله هذا حصلى النهارده
الف مبروك للسيدة والدتكم وعمرة مقبولة وعقبال العودة بلحج بأذن الله وربنا يوفقك,وانت تريد وانا اريد والله يفعل مايريد,الف شكر لك ياالله,تحياتى لحضرتك وللسيدة الوالدة
 وكل سنه وهى طيبة
__________________
|
 |
|
|
وفيه ناس دخلت عشان تبوظ كلامى 
