تسقيط لبولو 95 ممكن المساعدة

[ehabelhosiny]

مساع الفل ليكم جميعا
لسة شارى بولو 95 بس فاضية لكن حالتها ممتازة ومتسقطلها موتور 1600 بس واحد صاحبى بيقولى اقلب الموتور دة وسقط حاجة تانية بتكييفة وباور وفتيس كمان
ياترى ينفع الكلام دة وفين وبكام واسقط كام سى سى ؟

كمان سحبها بطىء شوية وصاحبها قالى ممكن الميكانيكى يزود السحب لانة كان موطيه شوية ياترى دة مظبوط؟؟؟

[Hisham.Elgazzar]

مساء الفل ليكم جميعا لسة شارى بولو 95 بس فاضية لكن حالتها ممتازة ومتسقطلها موتور 1600 بس واحد صاحبى بيقولى اقلب الموتور دة وسقط حاجة تانية بتكييفة وباور وفتيس كمان ياترى ينفع الكلام دة وفين وبكام واسقط كام سى سى ؟

موتورها موجود فى الحرفيين بكل حاجتة ب 3500
بس لو انت عاوز الشغل الصح وهتخلى العربية معاك كام سنة كده
تنزل على بورسعيد تجيب نص أمامى كامل وتفضيه فى عربيتك
الموتور بكل حاجتة بالكمبيوتر بتاعه وكباس التكييف والتلاجة والكبالن والقرب وعلبة الدركسيون والمساعدين وتحتفظ بالقديم ماترميش حاجة لأنك هتحتاج من الحجات القديمة بتاعتك ، تمام كده

كمان سحبها بطىء شوية وصاحبها قالى ممكن الميكانيكى يزود السحب لانة كان موطيه شوية ياترى دة مظبوط؟؟؟

المكنة اللى معاك دى بقى ممكن تتظبط لو انت دلوقتى مش عامل حسابك على الإختيارين اللى قلتهملك فوق
يعنى موضوع السحب ده :
لازم تتأكد ان طقم الدبرياج معاك زى الإكس ومفيهوش غلطة
تنظف الكربراتير أو الرشاش وتغير فلتر الهوا وتغير البوجيهات
حاول العربية متسخنش منك ودايما إتأكد ان مروحة التبريد لما بتشتغل تكون شغالة على أقصى سرعة ليها
وظبط نظام التبريد غسيل الردياتير والقربة
و متنساش ظبط كهربة الموتور
وياريت تبلغنا أخر الأخبار ومنتظر ردك
تقبل تحياتى وبالتوفيق دائما

[ehabelhosiny]

متشكر اوى اوى ياهشام ياجزار

بس انا تقريبا كدة هاروح الحرفيين لان كل اللى فى بورسعيد بقى فى الحرفيين دلوقتى على فكرة كمان انا عايز اقولك ان النهاردة انا لاقيت العربية بتعلى وتوطى لوحدها وعداد rpm شغال فوق وتحت لوحدة يعنى الكرباتيير ودع وكمان انا عايز تكييف وبور فانا باقول اجيب مكنة تانية كاملة وخلاص

بس خايف اوى يتنصب عليا فى الحرفيين وعايز الاقى الميكانيكى المحترف اللى يركب الحاجة ممكن حد يساعدنى

[ashoub]

انت ممكن تركب باور وتكييف هيكلفك 5 الاف جنيه الباور 1300 والتكييف حوالى 3500 انا لسه مركب تكييف روح لرضا ده ميكانيكى محترم وفاهم ده فى الحرفيين خلف بلوك 8 ولما تروحله قوله انك من طرف مهندس احمد عشوب الى معاه البولو السماوى علشان يوفر عليك الدنيا وتبقى طمنى

[amoooh2004]

المشاركة الأصلية كتبت بواسطة ashoub انت ممكن تركب باور وتكييف هيكلفك 5 الاف جنيه الباور 1300 والتكييف حوالى 3500 انا لسه مركب تكييف روح لرضا ده ميكانيكى محترم وفاهم ده فى الحرفيين خلف بلوك 8 ولما تروحله قوله انك من طرف مهندس احمد عشوب الى معاه البولو السماوى علشان يوفر عليك الدنيا وتبقى طمنى

انا كنت راكب بولو متسقطلها موتور البولو 96 بتاع بره كان تحفه ازا السحب بطئ انا مش فاهمك انا كنت بطلع من عربيات كتيررررررررر
ما انصحكش بفتيس اوتوماتيك لان الاستيراد ها يعكنن عليك لو باظط فيه حاجه حاول تخليك في العاده و اتاكد ان الفتيس الي راكب ينفع لل1600 و الي عملي الشغل كله ابراهيم جولف في الحرفيين و هو من ناحيه جسر السويس و ورا التوحيد و النور و انا تحت امرك في اي استفسار