استفسا عن زيت الفتيس الاوتوماتيك

[soltanfriend]

السلام عليكم
انا شارى العربية من سنه واللى كان شاريها قبلى كان مخرجها من الجمرك وما اتغيرش زيت الفتيس ليها خالص على ما اعتقد
انا كذا مرة اسأل اكتر من ميكانيكى على الزيت وبعد الكشف يقولى لأ تمام ومنسوبة مظبوط والعربية عامله اكتر من 200 الف كيلو
هو انا بشكل عام مش بشتكى من حاجه فى الفتيس خالص والحمد لله العربية بتنقل عادى والكيك داون بتاعها شديد وكله تمام
فأكبر دماغى ولا اغيره ولو اغيره اجيب ايبرو الامريكانى(25 جنيه للتر) ولا موبيل المصرى(27 جنيه للتر) ؟

[tamer.koko]

200 الف كم كتير لازم تغيره حتي لو الفتيس معملش حاجه بس الموبيل احلي من الابرو
وللعلم فقط السعر 27 ده للموبيل ATF 220
بس الافضل منه وعن تجربه لبموبيل ATF320 وسعره 40 جنيه

[ORGANIC_MAGIC]

بص ياباشا انا جربت الزيت الامريكي ده و الموبيل

انا العربيه كانت معايا تمام ومفيش مشاكل غيرت وحطيت الزيت الامريكى الاول وفكيت الفلتر ونظفته (مش لاقي منه جديد) العربيه بعد تقريبا شهر بدات تنتش ومشاكل زفت في الفتيس رحت نزلت الزيت كله كان عامل زى زيت الطبيخ هو لو نه اصفر مش احمر وكان سائل خالص ولا فيه اى لزوجه (كنت جايبه ب 35 جنيه من 7 شهور)

غيرت وحطيت موبيل وبرضك نفس المشكله

نزلت الموبيل وغيرته تانى موبيل برضك نفس المشكله بس المره دى الزيت نزل برغاوى (يعنى تقريبا الفتيس بيفوت نقلات)

وادينى بدور علي فتيس بالجير بتاعه

عربيتى القديمه كانت جوليت اتوماتيك ومشيت بيها اكتر من 200 الف ولا غيرت ولا مره زيت الفيس وكانت زى الفل

انا مش بخوفك

انا بحكيلك تجربتى

[soltanfriend]

يا نهار ابيض يعنى اعمل ايه اغيره ولا ما اغيروش ؟؟؟؟؟
ولو غيرته لازم انزله كله ولا نصه مثلا لأنه بياخد اكتر من 5 لتر؟؟؟

[soltanfriend]

اعمل ايه يا جماعه؟؟؟؟؟