باركولى يا جماعة اصبحت من اصحاب الفيرنا

[ahmedxy]

السلام عليكم اخوانى الكرام
الحمد لله وبعد طول انتظار ربنا كرمنى واشتريت فيرنا كاملة 2012 مستفيد من عرض غبور واشتريت ب 67000 وقد استفدت من المنتدى كثيرا وعلى فكرة دى اول عربية لى وانا لست من هواة السرعة فافيدونى بنصائحكم و شوية تظبيطات كدة وقد لاحظت ان الكاوتش تركى مش مصرى فهل دة احسن من المصرى

[احمد سويلم]

ربنا يبارك فيها ان شاء الله ويكفيك شر طريقها
الكاوتش اللى فيها للاسف تعبان جدا واصبر عليه شويه وغيره بجى تى او اى نوع تانى
ومستنين تقرير ليك تقولنا ايه رايك فيها ومميزاتها وعيوبها

[rabet007]

مبرررررررررررروك اخي الكريم الهم يعطيك خيرها ويكيفيك شرها ويبارك ليك فيها يا كبير يارب العالمين

[M.TONSY]

مبروك عليك ايها الفيرناوى الجديد
وعلى فكرة الكاوتش اللى فيها لاسا تركى وهو ممتاز عدى نص مدته ومعملش معايا مشاكل ولله الحمد
فسيب الكاوتش متغيروش لو عايز تظبط فعلا هات وحدة رفع ولو مفيش انذار ركب انذار spy 2 جامد اخر حاجة وركب فوجات وعيش واستمتع يا فيرناوى

[Hisham.Elgazzar]

المشاركة الأصلية كتبت بواسطة ahmedxy السلام عليكم اخوانى الكرام الحمد لله وبعد طول انتظار ربنا كرمنى واشتريت فيرنا كاملة 2012 مستفيد من عرض غبور واشتريت ب 67000 وقد استفدت من المنتدى كثيرا وعلى فكرة دى اول عربية لى وانا لست من هواة السرعة فافيدونى بنصائحكم و شوية تظبيطات كدة وقد لاحظت ان الكاوتش تركى مش مصرى فهل دة احسن من المصرى

الف 1000 مبروك ربنا يباركلك فيها يارب
الكاوتش التركى احسن من المصرى للعفشة
وسعر الفردة التركى دلوقتى 320 جنيه
المصرى ناشف وغالى سعر الفردة جديدة بيعدى 350
الف مبروك وربنا يكفيك شرها