|
#1
20-03-2012, 04:01 PM
|
|||
|
|||
ما هو اسوأ مرور ممكن تتعامل معاه فى مصر؟
الفكرة هى كل عضو يكتب اسوأ مرور اتعامل معاه وكرهه فى نفسه ونعمل تقييم فى الاخر ونشوف اعلى نسبة فيها شكاوى .. وكل واحد برده يكتب السبب علشان منكنش بنفترى على مرور معين .. وممكن نفيد اعضاء كتير جدا من خلال الموضوع ده بحيث لما يروح المرور الخاص به يبقى عارف حيطلع عينه فى ايه فيكون مستعد لاى حاجة تحصل معاه هناك وميكونش مصدوم زى ما بيحصل مع ناس كتير عند تعاملهم مع اى مرور
|
|
#2
20-03-2012, 04:15 PM
|
|||
|
|||
رد: ما هو اسوأ مرور ممكن تتعامل معاه فى مصر؟
انا عن نفسى اسوأ مرور هو مرور السلام وما ادراك مرور السلام
 فى شهر يناير السنة ده روحت مع والدى علشان يجدد رخصة العربية وطبعا من اول ما دخلنا وعدد كتير جدا من البلطجية والحشاشين بيعرضوا عليك انهم يخلصولك الورق كله وانت تقعد على القهوة وتشرب كوباية شاى وطبعا كل حاجة ليها تمنها .. طبعا رفضنا فلقيت واحد منهم بيقولنا خلاص انت حر تبقى تقابلنى لو خلصت حاجة النهاردة وخليك واقف فى الطوابير .. طبعا طنشنا الكلام ده لانى كنت واثق ان الامور بعد ثورة 25 يناير اتغيرت والموظفين بقه عندهم ضمير اكتر من الاول وحيمشوا مصالح الناس بسرعة بس اتصدمت لما لقيت فى مرور السلام مفيش حاجة اتغيرت ولا كأن حصلت ثورة من الاساس وكان الى حيجننى اكتر ان الموظفين بتتعامل مع البلطجية ده وبياخدوا نسبة من الفلوس الى بياخدوها من الزبون طبعا .. طبعا مش كل الموظفين الا من رحم ربى لان فى ناس اشراف بينهم وميقبلوش على نفسهم قرش حرام .. ده حتى مهندس الفحص ما بيطلعش يفحص بنفسه ويخلى بلطجى هو الى يا خد منك العربية ويخلصهالك وبعد كده يقولك الحلاوة وما ادراك ما الحلاوة طبعا يضربلك مبلغ عالى 300 جنيه ولو قلتله انا حخلصها بنفسى يقولك انت فاكر ان المبلغ ده حاجة ده انا حاخده منك واوزعه والمهندس حياخد نسبة منه ولما تروح تفحص تلاقى فعلا كلامه صح والمهندس بيسيب البلطجية هما الى يخلصوا للناس فحصهم والباقى معروف .. المهم بعد طول عذاب ووقوف فى جميع الطوابير والانتظار الطويل جدا والعروض الى كل شوية تجيلك تحب اخلصلك الورق .. الرخصة طلعت بسلام وطبعا ده بفضل ربنا فى الاول ثم علشان كنا بنقسم نفسنا انا ووالدى على الطوابير علشان نخلص ونطلع الرخصة فى نفس اليوم  الخلاصة الواحد بيتمنى ان تكون الامور اتغيرت فى مرور السلام دلوقتى برغم ما عدش غير شهرين من يناير لمارس .. وان البلطجية دول الشرطة تمحيهم من على الوجود لان لولا تعامل الموظفين وامناء الشرطة مع البلطجية دول مكنش حيكون ليهم اى اثر .. لان الموظف بيعطل مصالح الناس علشان يجبرك انك تتعامل معاهم فى الاخر علشان يطلعله فلوس حرام فى الاخر يأكل بيها نفسه وعياله .. وربنا يهدينا جميعا ياريت الكل يشارك ويحكيلنا المواقف الى حصلت معاه داخل المرور يمكن مع مرور الوقت نعمل موضوع احسن مرور فى مصر ونقارن بينهم جميعا 
|
|
#3
20-03-2012, 04:17 PM
|
||||
|
||||
|
رد: ما هو اسوأ مرور ممكن تتعامل معاه فى مصر؟
اولا احب اقدم تحياتى على الفكرة الحلوة
بص يا سيدى اسواء مرور اتعاملت معاه مرور السلام فعلا مالوش حل عدد الناس كتير جدا لانه شامل اجرة وملاكى ونقل وفى نفس الوقت اللى بيقدم الخدمة عدد قليل م الموظفين انا وقفت من 8 ونص الصبح لواحدة الضهر بس علشان اجيب براءة ذمة فتخيل بقى بقيت الاجراءات بتبقى ازاى ده غير العدد المهول من النصابين اللى واقفين هناك اكتر من الناس ولا الشمس تحس انها ملمومة كلها فى المرور ده لما كنت هفطس
|
|
#4
20-03-2012, 04:22 PM
|
|||
|
|||
رد: ما هو اسوأ مرور ممكن تتعامل معاه فى مصر؟
|
|
#5
20-03-2012, 04:43 PM
|
||||
|
||||
|
رد: ما هو اسوأ مرور ممكن تتعامل معاه فى مصر؟
1-مرور فيييييييييييييييييييييييي صل
2-مرور الدقيييييييييي:070104~242 :
__________________
 استفسر عن دهان سيارتك !!! اللهم لك الحمد كما ينبغي لجلال وجهك وعظيم سلطانك ورشة إيه آي أوتو بينت لسمكرة ودهان السيارات
|
 |
| الكلمات الدليلية |
| مرور, سيارة, ترخيص سيارة |
|
|
