لى الشكمان وكاوتشة الكوبلن

[lawyer9]

موضوع لفتح حوار والافادة والاستفادة
من يومين لاحظت صوت الموتور على شويه راجعت على الزيت يمكن نقص لقيته تمام قولت يمكن اللزوجه بتاعته عاوز يتغير لكن انا لسه مكملتش ألف ونص وهوا المفروض ألفين قولت هكمل لما يبقى ألف ونص واغيرة وبعدها بليل بركب العربيه لقيت ريحة عادم وتراب محروق دورت العربيه لقيت صوتها عامل زى الدبابة النص نقل .. رحت للميكانيكى قالى غير زيت مرتاحتلوش رحت لميكانيكى تانى فضل يدوس بنزين ويسيب ولقينى بسمع من الكابوت صوت الموتور بيعمل صوت غريب لما بيهدى الاكسراتير قالى روح غير حاجه اسمها ( لى ) الشكمان
روحت لبتاع الشكمانات غيرلى ال لى دا ب 80 جنيه بالتركيب ووهوا رافع العربيه انا حبيت ابص عليها فرصه لقيت فردة الكوبلن الشمال كاوتشتها مقطوعه رجعت للميكانيكى وجبتله معايه كاوتشة كوبلن بالشحم الناعم بتاعها عشان انتوا عارفين ان ديما بداية تلف الكوبلن قطع الكاوتشه بتاعته المهم جبت الكاوتشه بأنبوبة الشحم بالصاموله بالتيلتين تيلة الصاموله وتيلة الاكس إلى بتخش جوا الكوبلن جبتهم ب 25 جنيه وتركيب 25 زيهم وبالكلام مع الميكانيكى اكتشفت ان كان ممكن اجيب ال لى دا كورى ب 110 ويركبه بتاع الشكمانات بس كان خلاص المصرى ركب
واخيرا خلصت وخلصت منهم .. أسف على التطويل بس حبيت أقولكم على إلى حصل معايا واسعار الحجات إلى جبتها

[mr_astra]

تسلم
ومشكور لنقل التجربة

[rabet007]

شكرا لنقل تجربه حضرتك بارك الله فيك

[.EhAb]

[Hisham.Elgazzar]

سوستة الشكمان نفست عندى برضه فى العربية الفيرنا
وغيرتها عند بتاع الشكمانات كله بالمصنعية 100 جنيه
السوستة الأصلى Sheilded من برة وجوا أفضل من المصرى
أفضل طريقة للحفاظ على كاوتش الكوبلن
عدم أخذ الملفات بالسيارة بسرعة و عدم كسر الدركسيون إلى أقصى مدى ثم التحرك المفاجئ بالسيارة
تقبلوا مرورى