تقيمى لطرق و مناطق الاسكندرية حسب استخدام ليها!و سمعنى سلام مطبات تحت كل بيت

[SHERIF MARLBORO]

الأسكندرية

كانت لحد فترة قريبة طرقها كنت افضل الطرق فى مصر مقارنة بالوجه البحرى كله اللهم اللى كانت نضيفة نسبيا كانت مطروح !!
الحال اليومين دول بقى شبه الطرق اللى فى القرى البعيدة و المطوحة ولا كأنك فى المدينة التانيه فى مصر!
نبدأها من
ابوقير و المعمورة
ابوقير الى حد ما مقفولة على نفسها علشان كده ليها مدخل/مخرج و فيه ليه بديل و الطرق الداخلية
الطريقة الرئيسى !! اسفلته لسه كويس بس الجزء قبل ماتوصل مزلقان المعمورة"قبل الشرطة العسكرية" اتضرب بالنار كله شوية حفر غريبة على كام نقر و حفرة كبار و النتيجة اسفلت كويس و مليان مصايد و تلاقى نفسى ماشى عامل بتاخد غرز مابين المصايد دى


و يارب الساعات اللى لعبنا فيها need for speed تنفعنا فى الطرق دى!
و تقيمى بالنسبه للطريق الرئيسى 6/10

"مش اى حد يعرفه"
الطريق البديل و ده اللى رايح طوسون و المرور او رايح ابوقير أو السكه الاصيلية زحمة و ده معظم الوقت: الجزء بتاع طريق الطابية و بعد كده تكسر شمال تدخل مساكن طوسن من الخلف! دى تعتبر كويسة و مش مستخدمة بس العجيبة النى الجزء بتاع المزلقان صعب انه يتشاف لنه خلف فيلا او مخزن حاجه كده بس جميل 9/10

اما الطرق الداخلية بقى!حدث ولا حرج شكلها متسفلتتش من ساعت لما عم قير مات ما اكتر النقر و الحفر و الطوب يحسسك انك ماشى على الطوب بتاع زمان اللى فى سوق الجمعة على سكة الترام ده
4/10
الجزء بتاع المعمورة البلد بصراحة المفرود يشغلوا فيه الكرته و الكارو بس حرام تخشه عربيات
و لو حد فاكر محمد هنيدى فى فلم مبروك لما كان بيصحح و يقول صيييييييييييفر هو ده التقيم
و للى ميعرفش المنطقة دى او اديك خلفية عنها:
الاكادمية العربية للعلوم و التكنولوجيا و عربيات الشهيرة بورش كماروى همرات و هاكزا 90% من الطلبة معاهم عربيات و الداكاتره
المينا و عربيتها التقيلة !!
كلية التربية الرياضية معهد ابوقير و المرور و التأمينات و كام مدرسه كده هناك حوالى 8 مدارس و الجزء بتاع القوات البحرية يعنى منطقة حيوية من الدرجة الاولة +الجزء بتاع المعمورة الشاطىء فى الصيف بيكون فيه ناس ياما فاتخيلوا انتو بقا ده غير الناس اللى سكان شوفو انتو بقى و كل ده شغال من محوار واحد بس و مستواه كده!!ربنا يكون فى عونهم
http://maps.google.com/?ll=31.309722...Egypt&t=h&z=14

------------------------------------------------------------------------------------------------------
الجزء اللى بعده
اول طريق مصطفى كامل الجزء اللى ناحية طريق الملاحات
من اول المزلقان اللى بتاع المعمورة الشاطىء لغاية مركز الامراض الصدرية اللى فى المندرة!
الطريق ده كان يعتبر طريق الدمام الرياض بتاعنا كل اللى عاوز يشد و يجرى يطلع عليه الحمد لله دخلته اعمال الحفر شكرا!و ابقى قبلونى هناك لو سفلتوا بعد ما يخلصوا
و فيه الشارع اللى بيويد المندرة السوق و تحت الكوبرى و مساكن الحرمين ده اسمه طقريبا شارع نبوى الشارع ده الحمدلله لسه كويس بس كل فتحة فيه مطب محترم لو اكلت واحد بسرعة اتصلى بكساحة تشيلك العربية لعد العفشجى.
------------------------------------------------------------------------------------------------------
الجزء بتاع العماروا بصراحة منطقة طروقها زبالة اه زبالة و ضيقة و عملها مشافت اسفلت

------------------------------------------------------------------------------------------------------
المناطقة اللى فى الزراعة دى زى المنشية البحرية بو انت راجل هات الغيار التالت !

------------------------------------------------------------------------------------------------------
الراس السوادا و احمد عبد الوهاب شغل مطبات صناعية و حفر و نجم النجم الغاز الطبيعى و دلعنى بعدد العماير فى المنقطة يا محافظ
الفلكى عمرها مشافت اسفلت و لو انت فى الشتاء عربيت ممكن تغرز عاااااااادى خالص!!
------------------------------------------------------------------------------------------------------
العصافرة كويس بحرى و شارع 45 جميل برضوا و شارع 30 مش واحد لكن القبلى كله تعبان بس 7/10 احسن من غيره

------------------------------------------------------------------------------------------------------
سيدى بشر قبلى كلها تعبانى غاز طبيقى و كميت مطبات غرييبة يمكن احسن حته فيها فيصل !
و شارع القاهرة لغاية الامن المركزى كويس
------------------------------------------------------------------------------------------------------
السياوف متهالكة و الحفر مكان الغازى الطبيعى على طبيعته عمق المطبر ممكن يبقى 15 سم متر اللى عربيتك تنزل متطلعش :×

------------------------------------------------------------------------------------------------------
فكتوريا الحمدللله شواريعا الكبيرة لسه سلية محمد نجيب و الترام و ابوقير و كده 9/10

------------------------------------------------------------------------------------------------------
منطقة الرمل! "اللى انا منها"
الرمل الميرى غبريال ابوسليمان الظاهرية الحجر العوايد كبرى الناموس البر التانى ش20 ونجت باكوس فلمنك الجزء ده كلها محتاج يتفجر و يتبنا من تانى و الناس كمان محتاجة تتبدل
الجزء ده ممكين ليه؟!؟! شوارعه واسعة بنسبة كبيرة بس!
المحلات و الورش بتاعخد تقريبا 40% من مساحة الشارع و الاسواق القهواى واخدة وضعها قوى قوى !المنطقة نفسى زحمة جدا!

الرمل كله كوم و اسفلت شارع الترعة المردومة كوم تانى اسفلت عالمى بجدا بس برضوا متعرفش تمشيه فيه(بس لما تقالنه باللى حوليه يتعمل عليه سباق)
الطرق ده واسع جدا كانت ترعة و اتردمت و تقريبا فى اتساع الكورنيتش ممكن 6 حرات رايح و 6 حارات جى!مع الاشغالت و الجراشات و الورش و بتوع الخغرة الطريق ده شغل 1 حاره رايح و 1 جاى و فيه حتت منه واسعه

------------------------------------------------------------------------------------------------------
انا مش هكمل الموضوع كفايا عليكو كده اسكندريه كلها عوزه تتفجر و تتبنى تانى خلاص بالذات الجزء القبلى كله و لو فضلت اكتب من هنا لبكره هتلاقينا عمال اقول مكسره مكسره قول واحد يدخل يدينا خلفية عن المنتطقة بتاعتوا عامله ايه!
سلام و ربنا يعيننا على الطرق دى

[Neo206]

فعلا و الله عندك حق
أنا برده من أسكندرية بس من حى وسط
الدنيا متختلفش كتير شوارع رئيسية متكسرة و متسفلتتش بقالها أكتر من سنة
مطبات الناس عملاها بجد أزيه لكل واحد عنده عربية بجد عقاب
يا رب يصلح الحال

[karem ali]

و الله عندك حق يا شريف
بس انا اكتر مكان بيتعب قلبى و العربيه هى المنشيه و السبع بنات بصراحه انا قلبى بيوجعنى و انا هناك حتا و انا راكب مواصلات

[kimo10]

خش على العجمى
مطبات تكسر احسن عربية وحفر احلى كلام والبلاعات اوعى تغمض عينيك
بالرم انى بحب احفظ المطبات والبلاعات والحفر الا انه دائما يوجد جديد
واصعب شىء انك لزم تكون بلطجى عشان تتصرف مع الميكروباصات والبائعين
بجد احنا شعب محتاج تاهيل لسوكياته

[ringoo]

نسيت شارع جمال عبد الناصر من بعد كوبرى 45 لحد المندرة تحس ان فيه قنبلة نووية انفجرت فى الطريق دة .. ربنا يرحمنا دة احنا عايزين دبابات نمشى بيها فى اسكندرية