|
سلامتك على الطريق خاص بالسلامة المرورية ووسائل الامان ونظم حماية البيئة |
|
أدوات الموضوع |
#1
|
النوم أثناء القياده ( قصه حقيقيه ) !
طول عمرى أسمع عن حوادث سيارات على الطرق السريعه يكون سببها نوم السائق أثناء القياده ولآن هناك
مبدأ مشهور عند الناس كلها مفاده أن ( هذا لايمكن أن يحدث لى ) فلم أكن أتخيل أبدآ أن يحدث معى شخصيآ هذا الموقف الذى لو اكتمل بنهايه غير سعيده لما كنت جالس الآن أدق على الكى بورد و أتنفس ! من زمن فات كنت أعمل بمستشفى مدينة السلام و كنت نائب أمراض تساء و توليد وكنت مطبق نوباتشيه يعنى ذهبت المستشفى صباح يوم ما و خرجت منها ظهر اليوم الثانى وما بينهما عمل متواصل كله مفاجئات ومخاطر و خناقات والخلاصه ما فيش نوم نهائى مع عمل متواصل ! ورجعت المنزل طبعا حمام جامد و غذاء محترم ولم أستطع النوم فقلت للآولاد هيا بنا نعمل خروجه أو فسحه لآن هذا واجبى ناحيتهم ! وعندما سرنا بالسيارة وكانت الساعه الخامسه عصرآ و صيفآ - طقت فى دماغى نزور أحد الآقارب بالاسماعيليه وقلت ساعه رايح وساعه نشرب الشاى معهم وساعه راجع و أكون بالمنزل الساعه 8 ثم أنام ! المهم القعده طولت وخرجنا من عند الناس الساعه الواحده صباحآ رغم الحاحهم لنا بالمبيت ! لكن كان عندى شغل ثانى يوم لآ أستطيع تركه ! توكلنا على الله و طبعآ دماغى تقيله بس ماشى الحال ! وقبل العاشر أحسست برغبه شديده فى النوم لكنى قهرت نفسى و سكت ورغم أن زوجتى سائقه بارعه الا ان ازاى مرسى الزناتى ينهزم يا رجاله ! وعليها لم أدرى الا بزوجتى بتهزنى من ذراعى اليمين بشده و هى بتقول لى بذعر ( انت بتهزر - انت بتهزر )! أتارينى يا خوانا نمت عيناى مفتوحتان ولآن والحمدلله الطريق كان مستقيم فكل اللى حصل ان السياره ابتدت تحدف يمين واحده واحده لغاية ما نزلت على الطبان وأصبحت العجلتين اليمين تحت والشمال فقط على الآسفلت وشوية صغيره و ح تنقلب ! ولآن عيونى كانت مفتوحه لذلك اعتقدت زوجتى انى بأهزر !! طبعآ قلت لها آه بأهزر و بأشوفك صاحيه ولا لآ ! وتمالكت نفسى وبعد دقيقتين أحسست فعلا المره دى انى بأنام ! وعينى بتقفل غصب عنى ومن فضل الله وجدت مسجدآ على اليمين و بجواره كافيتريا فدخلت حمام المسجد ووضعت رأسى كله تحت الماء البارد أعقبه كوب شاى ساخن جدآ أوصلنى بالسلامه الى المنزل !ptmnlo123per154 الخلاصه : لاتعتقد أن ما يحدث للناس من حوادث لا يمكن أن يحدث لك ! و دايما خليك محترس خاصة فى المساء وخاصة لو معك الآولاد و الآنيل لو السيارة مش فى حاله جيده ! ptmnlo123per1106 Dr. Bolbolan |
#2
|
||||
|
||||
رد: النوم أثناء القياده ( قصه حقيقيه ) !
الحمد لله إن ربنا سترها يا دكتور
و فعلا النوم سلطان
__________________
شارك دافع عن أفكارك
|
#3
|
|||
|
|||
رد: النوم أثناء القياده ( قصه حقيقيه ) !
حمد لله علي السلامة يا دوك
تعيش و ماتخدش غيرها و نصيحة لكل اللي بيسوقوا اول ماتحس ان عينك بدأت تتقل تقف فورا و تحاول تغسل وشك و تشرب حاجة تفوقك انا برضو حصلي نفس الموضوع بس كنت مسافر من طنطا لأكتوبر بلليل متأخر علشان كان في حالة وفاة و كنت بقاوم النوم بشدة و عيني بتقفل لو كنت صبرت علي نفسي 5 دقايق كنت اكيد هنام و انا سايق ركنت العربية و غسلت وشي و عند اول كافيتريا اديتها 2 شاي معلش بيبقي غصب عننا بس لازم ناخد بالنا زي ماقال الدكتور لو معاك الأولاد ربنا يكفينا شر الطريق
__________________
No Pain No Gain Dr. Mohamed El-Refaey Radiologist |
#4
|
||||
|
||||
رد: النوم أثناء القياده ( قصه حقيقيه ) !
انا بقى يا دوك عندى حالة عكسية
مابعرفش انام فى اى وسيلة للمواصلات حتى التوك توك مابنامش فيهptmnlo123per155 ههههههههههههه مابالك بقى وانا سايق ومانمتش بقالى يومين وسايق كويس جدا وبعمل المشوار ده كتير الحمد لله وعقلى صاحى مش سرحان خالص بس المشكله عندى ان جفونى بتوجعنى وانا مفتح ساعتها بحس ان العين ناشفة وساعات بتزغلل بس عايز تفوق بجد قبل ماتسافر بليل اشرب باور هورس بتاع الطاقة ده لقيته مخلينى صاحى بطريقة مالهاش حل مش موجوده لا فى الشاى ولا القهوة ومرة كنت مسافر من دمياط لأسوان كنت حاموت من الغيظ فى القطر لأنى مش عارف انام خالص والسفر كان 24 ساعة تقريبا
__________________
Romeeoo MUST die مـــوضـــوعـــاتـــى:- ممنوع منعا باتا نقل مواضيعى الى اى منتدى سيارات اخر وشكرا لتفهمكم |
#5
|
رد: النوم أثناء القياده ( قصه حقيقيه ) !
الى الآح روميو - أهو الكلام اللى بتقوله ده هوه بالضبط اللى طول عمرى كنت بأقوله ! فعلا كنت لا أنام فى أى
وسيلة مواصلات ولا أنام لمدة يومين وراء بعض مع العمل المجهد المتواصل من غير أى منشطات ! لكن غلطة الشاطر بألف كما يقولون ! بعدين Romeo may Die !! ptmnlo123per144 ويتحول الى ptmnlo123per122 روميو سابقآ .................ptmnlo12 3per1106 Dr. Bolbolan |
|
|