|
#1
19-02-2012, 07:40 PM
|
||||
|
||||
عندى مشكلة فى فيتيس السيارة أرجوا الافادة
يوم الاحد الماضى وفجاة وانا ماشى بالسيارة لقيت الفيتيس الاوتوماتيك فصل فجأة ، ركنت على جنب وفتحت الكبوت ومبقتيش عارف اعمل ايه لقيت كل حاجة تمام ، لايوجد تسريب زيت مثلا أو سلك مقطوع
المهم : دورت تانى ونقلت وجربت امشى لقيت السيارة مشيت شوية ( 10 متر ) وفصلت تانى - وفضلت أعمل كده لحد ماروحت وركنتها وتانى يوم ودتها للميكانيكى - بجوار البيت - وكشف عليها وصدمنى وقاللى : الفتيس ده باظ ولازم يتغير لان تكلفة أصلاحه تساوى واحد تانى استيراد ، وبعد تلقى الصدمة واستيعاب الموقف وعدم وصولى مع الميكانيكى لسبب منطقى وملموس لهذا العيب المفاجئ وان ده ممكن يحصل لكل الناس وان ده من اكبرعيوب فيتيس النوبيرا الاوتوماتيك - توكلت على الله وقررت اغير الفتيس بواحد تانى استيراد يوم الثلاثاء نزلنا انا والصنايعى للحرفيين واشترينا فيتيس ب 1200 جنيه بعد الفصال وكمان اشتريت 4 ليتر زيت فيتيس موبيل بسعر 180 جنيه ، وتم تركيب الفيتيس وتم تدويره بزيت فتيس مصرى اولا ( للتنظيف ) 4 ليتر ب 40 جنيه ثم غيره الميكانيكى بزيت موبيل وطلعنا جربنا وهنا المشكلة بالنسبة لى : السحب اصبح كويس جدا وخصوصا فى الطلعة الاولى صوت السيارة اصبح عالى جدا عن الاول نقل الفيتيس من الاول الى الثانى ثم الى الثالث مشوارهم طويل ( بتنقل متأخر ) عداد لفات الموتور فى النقلة الاولى يصل الى 3000 لفة ثم عند النقل للنقلة الثانية ينزل العداد الى 2500 ثم 2000 لفة ثم يصعد العداد الى 3000 لفة مرة اخرى فى النقلة الثانية وعند وصوله للنقلة الثالثة ينزل العداد مرة اخرى اصبح استهلاك البنزين عالى جدا عند الشكوى للميكانيكى لم يقتنع بما قولته سابقا - لان الفيتيس بيطبع اصبحت خائف جدا من السيارة وبفكر ابيعها وبفكر مرة تانية اوديها لمتخصص فى الفيتيس ( مثل محمد الونش فى الحرفيين مثلا ) بس خايف يرجعنى لنقطة البداية من أول وجديد وهناك من نصحنى ان احولها لفيتيس عادى واريح دماغى وأخرون حذرونى من هذه الخطوة بصراحة مش عارف أعمل أيه ارجوا الافادة من خبراء الدايو وخصوصا المهندس : سمير عياد وشكرا مقدما لكل الاعضاء واسف على الاطالة ملحوظة ك نسيت أقولكم ان تكلفة الميكانيكى 200 جنيه - 25 جنيه للصنايعى 50 مواصلات ومشال وشكرا 
|
|
#2
23-02-2012, 10:21 AM
|
||||
|
||||
رد: عندى مشكلة فى فيتيس السيارة أرجوا الافادة
الحل هوالذهاب لميكانيكى متخصص فى الفيتيس الأوتوماتيك واعتقد ان المتخصصين الأن كثر معدش زى زمان ,انت عارف حضرتك الفتيس ده من خمس سنوات كان ثمنه استيراد 7 الاف جنيه ,المهم الأن الأمور اصبحت بسيطة كل الموضوع انه محتاج واحد يكون فنى على درجة عالية وايضاً الأمر اصبح مش مقلق لأنهم كما قلت لحضرتك موجودين بكثرة وإن شاء الله كله محلول,وارجوا الأفادة عن قريب بحل يفرحك ويفرحنا تحياتى لحضرتك
__________________
|
|
#3
23-02-2012, 10:52 AM
|
||||
|
||||
|
رد: عندى مشكلة فى فيتيس السيارة أرجوا الافادة
عايز اقول لحضرتك حاجة ، مش كل الفتايس الاستيراد بتكون حالتها كويسة سعات بيكون قتيس التروس بتاعته بايظة و.... فكان المفروض التاجر اللي بتشتري منه يديك ضمان يومين تجرب الفتيس لو عنده ضمير ، عشان الميكانيكي وهو بيختار عمره ما يقدر يحدد حالة الفتيس ( عشان بيكون مقفول) ، انا عن نفسي لما غيرت فتيس عربيت ركبت 3 فتايس اول اتنين معجبنيش سحبهم وكانو بياخروا نقلات بس طبعا اتخيط في المصنعية
لو عربية حضرتك كويسة متغيرهاش وموضوع الفتيس حاول ترجع للتاجر تبدله واقوله انك موافق يخصم جزء من تمنه مثلا 300 او 400 جنيه وخد من عنده فتيس تاني انما فكرة انك تروح تصلحه شايف انها حرام يعني حضرتك شاري فتيس عشان تصلحه وعطلة وفلوس وعمر الاوتوماتيك لو اتفتح ما هيرجع زي الاول وهيبوظ بعد فترة بسيطة بس اتأكد الاول عند حد متخصص ان العيب في الفتيس
|
|
#4
23-02-2012, 11:09 AM
|
||||
|
||||
رد: عندى مشكلة فى فيتيس السيارة أرجوا الافادة
__________________
|
|
#5
23-02-2012, 05:36 PM
|
||||
|
||||
|
رد: عندى مشكلة فى فيتيس السيارة أرجوا الافادة
متشكر لكل الاخوة اللى ردوا على
حاروح لمتخصص فى الفيتيس واقولكوا على النتيجة انا بالفعل واخد 15 يوم تجربة ، والميكانيكى اللى ركبه قاللى الفيتيس كويس بس حاياخد وقت عاشان يطبع واللى ملاحظه بالفعل ان صوت العربية بقى اقل من الاول وتحسن - وربنا يستر ومتشكر مرة اخرى لكل الاعضاء
|
 |
|
|
