عندى مشكله اعتقد انها كبيره وانا بصراحه مش مستحمل

[هيثم سامى]

السلام عليكم ورحمه الله وبركاته أزيكم يجماعه عاملين ايه بصوا انا عندى مشكله اعتقد انها كبيره انا حشرحلكم ايه الى حصل وايه الى بحس بيه وياريت تفيدونى اعمل ايه من كام يوم كنت ماشى على الاوتوستراد رايح مدينه 15 مايو واتظاهر انى سرحت شويه قمت واخد مطب حكايه حسيت ان العربيه قطمت نصين نزلت بصيت ملقتش اى حاجه غريبه فى العربيه وبعد ما مشيت شويه حاسس بحاجات غريبه مش عرف اوصها ازاى بس ححاول اشرحلكم اول حاجه العربيه صوتها على جدا وفى نحره غريبه جدا فى الماتور وتانى حاجه لما بجيب الدريكسيون ناحيه اليمين بسمع صوت حكه جامده جدا وصت طقطقه فى العربيه كلها من تحت اعتقد انها مش من الكبالن لانى لسه مغيرها اصلى يعنى الصوت الطقطقه جى من ورا مش من قدام وساعات بحس انا كل حاجه بتحصل فى العربيه بتكون فى ايدى يعنى فى الدركسيون والسحب بقى ضعيف جدا والعربيه صوتها بشع ياريت حد يقولى ايه الى ممكن يكون حصل وبرجل العربيه بالشكل ده بس لو حاجه كبيره قولوهالى براحه عشان ميحصليش حاجه عشان انا مش مستحمل اولا بقالى شهرين مقبضتش وكمان لسه ربنا رازقنى بمعاذ من اسبوعين والعمليه ناشفه على الاخر وربنا يستر معلش الموضوع طويل اوى ياريت متزهقوش

[احمد على 1999]

و الله يا اخى ربنا معاك و معانا و يرزقنا جميعا رزقا طيبا
و الله حاسس بيك و مين فى شوارعنا دى محصلوش اللى انت بتحكيه ؟
و الله اعلم الشاكمان حصله حاجة غالبا من عند الزور
لازم تكشف على العفشة كويس جدا لان ممكن يكون مقص اتعوج

[هيثم سامى]

شكرا ياحمد وربنا يسترها معانا جميعا ويرزقنا ويكفينا الشر يارب

[crime]

تعالى يا باشا شرفنى ف المركز ومتخفش سهله باذن الله افرح انت بس ب معاذ ومتشلش هم العربيه

ابقى كلمنى نرتب مع بعض ونتقابل

تقبل تحياتىى

[هيثم سامى]

شكرا ياكريم ربنا يخليك بس ابقى اكتبلى رقمك