لو مخنوق ومش طايق عربيتك تعمل أيه عشان تحبها ؟!

[ahmedraafat00]

السلام عليكم

انا يا جماعه بكتب الموضوع ده لانى حاليا مخنوووووووووووووق من العربيه وحاسس انى كارهها انا عربيتى جيب شيروكى اللى مضايقنى انى نفسى ألاقيها كامله على طول لازم يبقى فى حاجه فيها مش شغاله مره الكلاكس واقف مره الاشارات مره الازاز حاجه زفت
العربيه كانت عند الميكانيكى ست شهور عشان بيتعمل فيها عمره موتور ومتستغربوش المده الموضوع ده كبير وبتنرفز لما أفتكره
المهم روحت جبت العربيه امبارح والحمد لله الموتور كان زى الفل والعربيه طياره وعايزه سكه وتدوس فيها لكن كالعاده الحلو ميكملش الفتيس وحش جدا بس الميكانيكى قالى انه مع المشى هيتظبط هيا عايزه طقم دبرياج و ده سعره 2000 جنيه ومش موجود أصلا بس الحمد لله النهارده الصبح روحت أسخنها لقيت الفتيس كويس ربنا يهديه
تانى حاجه درج التابلوه لاقيته قافل ومش عايز يفتح خالص تقولوش شايلين فيها مخدرات ومش عايزين حد يفتحه
تالت حاجه ودى اكتر حاجه غايظانى كنت عامل حسابى الاسبوع ده انزل أشترى سماعتين كويسين أهوه الواحد يزود وسائل الترفيه فى العربيه ممكن يحبها شويه لقيت الكاسيت شريط الام بى ثرى محشور جوه وحالف ماهو طلع ومش بيشتغل غير راديو بس
وصلت لمرحله انى كنت بفكر اروح حته فاضيه و أدلق عليها جاز وأولع فيها وأخلص من قرفها كرهتها
مش عارف أعمل ايه : 010105~332:

[حسام البورسعيدى]

بص يا باشا ..

اللى انا اعرفه انك يوم لما تسيب عربية عند ميكانيكى 6 شهور يبقى العربية دى مش لازماك ومستغنى عنها .. وانسى طبعا انك تاخدها 10 / 10 ..

حاجتك عمر ما حد هيخاف عليها قدك .. علشان كده لازم انت تكون بتشرف على اى حاجه بتتعمل فى عربيتك .. واعتقد انى نصحتك النصيحه دى قبل كده زمان ..

وساعتها بس هتلاقى عربيتك سليمه وهتقدر تتآلف معاها ومتبقاش مخنوق منها ..


وبعدين 6 شهور فى عمره موتور .. دى لو كانت بتتصنع من اول وجديد كان زمانها خلصت يا معلم ..

[tamer.koko]

المشاركة الأصلية كتبت بواسطة حسام البورسعيدى بص يا باشا .. اللى انا اعرفه انك يوم لما تسيب عربية عند ميكانيكى 6 شهور يبقى العربية دى مش لازماك ومستغنى عنها .. وانسى طبعا انك تاخدها 10 / 10 .. حاجتك عمر ما حد هيخاف عليها قدك .. علشان كده لازم انت تكون بتشرف على اى حاجه بتتعمل فى عربيتك .. واعتقد انى نصحتك النصيحه دى قبل كده زمان .. وساعتها بس هتلاقى عربيتك سليمه وهتقدر تتآلف معاها ومتبقاش مخنوق منها .. وبعدين 6 شهور فى عمره موتور .. دى لو كانت بتتصنع من اول وجديد كان زمانها خلصت يا معلم ..

: THUMB_~112:

[almoez]

6 شهور كتير اوي

بس عموما لم عايز تحبها شوف هيا عايزة ايه واعمله واحده واحده يعني اي مشاكل دي وارد تظهر حلها واحده واحده والدنيا هتبقي زي الفل

انا بكون مبسوط لما بنضف العربيه لحد مااطمن ان العربيه كاني مستلمها من الوكاله

شوف انت ايه اللي يبسطك واعمله حتي لو هياخد وقت

طب انا بقي مشاكلي غيرك نهائي انا بعد مارشيت العربيه ابويا دخل فيه موتوسيكل وبعدها دخل في بلاعه قشر الاكصدام وقبلها راكنها في امان الله السايس جه يطلعها معرفش يطلعها من المطلع اصل المطلع عندنا زي الزفت اتزحلقت خبطت في عمود كسر الاسبويلر والاكصدام والقزاز

والنهارده كنت في التوكيل حكوا الكبوت قول انا اعمل ايه !!!

[ahmed_eng2001]

من ملاحظتى لموضوع العمرة ... لما حضرتك تخلص العمرة حتلاقى فيه حاجات تانية لازم تعملها فى العربية و دى حاجة طبيعية .... حتفضل شوية كدة فاتحة بقها لغاية لما تتظبط ... و ربنا يديك طول العمر