صفارة اثناء الدوارة

[mody112]

باين من عنوان الموضوع انه بيحصل صفارة وانا بدور العربية الصبح وبكون لسه طالع من الجراج والجو ساقعه تلج ولما باجى ادور العربية مش بتدور من اول مرة ممكن من المرة التانية ولو دارت من المرة الاولى بتغيب فى الدوارة مع سنة تعتيله وبعد ماتدوؤ بسمع صوت صفؤة او تزييقة وبيكون صوتها عالى ولكن لا تستمر اكثر من تانيتين ومع اول تزويدة بنزين الصوت يختفى .
ولو العربية اتركنت يوم بليله وجيت ادورها بعد كده لاممكن تدور من اول مره ابدا وممكن مش من التانية كمان انما ممكن تلقط من التالتة برده مع سنة التعتيل دى وكمان الصفارة الملعونة انا مش هرف المشكلة دى من الساقعه ولا ايه مع ملاحظة وجود دخان رمادى خارج من الشكمان فى الصباح الباكر وهو غير مستمر يعنى ممكن يوم لا ويوم اه وكده والدخان ده بيطلع وخصوصا لو العربيه اتركنت يوم يليله وممكن يحدث من غير العربيه ماتتركن.

[حسام البورسعيدى]

موضوع الصفاره بسيط جدا باذن الله .. الموضوع كله ان سير الدينامو محتاج يتشد .. وممكن سير الباور بس غالبا هو سير الدينامو ..

اما غياب الدوارة والتعتيله دى فلازم تتأكد ان المارش سليم ومش محتاج جلب مثلا .. وتتاكد ان كهبة العربية مظبوطة .. وبعدين تشوف فلتر الهوا وفلتر البنزين لو بقالهم فتره طويله غيرهم او غير فلتر البنزين ونضف فلتر الهوا ..


لو كل ده تمام ممكن تكون طرمبه البنزين ضعيفة شويه .. جرب قبل ما تدور الصبح افتح الكونتاكت 5 ثوانى وبعدين اقفله ثانيتين وافتحه تانى 5 ثوانى .. وده علشان الطرمبه تحضر بنزين للموتور ..

جرب وبلغنى بالجديد ...

[amr elsisi 1]

السلام عليكم سير الدينمو والبور في مجمعة وحدة قبل ما تشدة اتأكد ان هوا سليم وش مشعر او انت اخر مرة مغيرة امتا
ثانيا لازم تفتح الكوناكت وتسيبها لغايط ما صغارة الكونتاكت تروح علشان تحضر بنزين
وبعدين تتدور ولو غابت حتلائي حساس علي ترس صغير علي عمود الكرنك نظفة
حتلائي حساس علي المنفو خلف بكرة واير البنزين بمسمارين فكها ونظفها بw40
وحاول تكشف علي شمعات الاشتعال لو بئالك فطرة مغيرها
رغم كل الكلام دة بس الدخان الابيض بيدل علي الرشاشات ربنا يسترها معاك حاول تروح تكشف عاليها كمبيوتر وطمنا ان شاء الله خير

[Mahmoud Nawar]

المشاركة الأصلية كتبت بواسطة amr elsisi 1 السلام عليكم سير الدينمو والبور في مجمعة وحدة قبل ما تشدة اتأكد ان هوا سليم وش مشعر او انت اخر مرة مغيرة امتا ثانيا لازم تفتح الكوناكت وتسيبها لغايط ما صغارة الكونتاكت تروح علشان تحضر بنزين وبعدين تتدور ولو غابت حتلائي حساس علي ترس صغير علي عمود الكرنك نظفة حتلائي حساس علي المنفو خلف بكرة واير البنزين بمسمارين فكها ونظفها بw40 وحاول تكشف علي شمعات الاشتعال لو بئالك فطرة مغيرها رغم كل الكلام دة بس الدخان الابيض بيدل علي الرشاشات ربنا يسترها معاك حاول تروح تكشف عاليها كمبيوتر وطمنا ان شاء الله خير

كلام سليم 100 %

[samirayad]

مع ملاحظة وجود دخان رمادى خارج من الشكمان فى الصباح الباكر وهو غير مستمر يعنى ممكن يوم لا ويوم اه وكده والدخان ده بيطلع وخصوصا لو العربيه اتركنت يوم يليله وممكن يحدث من غير العربيه ماتتركن.

بالإضافه لما قيل

حاول أولا

1- تكشف على البوجيهات هى وأسلاكها أو تغيرهم

2- تعملك مشوار محترم على طريق سريع لكنس كل الكربون المتحوش بعلب الشكمان

3 - تبقى تفصل الدبرياج قبل ماتدور

هتلاقى الوضع تغير للأفضل بكثير