امبارح دة كان يوم غرييييب

[Mo7amed Elnimr]

امبارح نازل الصبح ومعايا الحج والحجة والدنيا زحمة موووووووووووووت
والناس مبقاش عندها اى ذوق او تفكير كلة عايز يتحرك بعربيتة مش مهم حيقفل الطريق ولا لأ و طبعا الواحد بيبقى فى قمة الاحترام لما يبقى معاة الحج والحجة
المهم من الساعة واحدة لحد 3 عشان اروح من سيدى بشربحر للمنشية
وعند دخلة المنشية اللى ورا المحكمة داخل على يمينى اتوبيس داخل بغشومية لطش مراية عربية ادامى فوقفت انا لحد ما يعدى وبعدين اعدى ببص فى المراية الشمال لاقيت حتة bmw x6 دخلة عليا بكصدمها الفظييع دة
وحيلبس فيا لسا بفتح الازاز واقولة داخل فين ياعم الحج كان دخل فى الرفرف والباب ومكمل بس الناس قامت بالواجب انزل بقى اللاقى صاحبنا بتاع البى ام راح قافل الازاز وولا هو هنا انت ياعم
مفيش ولا حتى بيبصلى متنزل يا سيدى شوف انت عملت اية وهو ولا هنا قفل على نفسة وحالف انو محينزل الناس هناك البايعين بتوع الرصيف بقى كسرلو العربية يا هندسة واللى راح جاب شومة وبيقولى نكسرهالو يابية وخد عوضك منة وافتكرنة فى الحلاوة لا بلااااش سبوووة انا مسامح حسبى الله ونعم الوكيل
بينى وبينكم اول خبطة فى الفابريقة بتوجع اوووى

المهم بعد لما رجعت البيت بتصل بواحد صحبى بقولة شفت اللى حصلى قالى شفت انت اللى حصلى الباشا واقف فى شارع العيسوى بيتكلم فى الموبيل جة اتنين راكبين موتوسكل خدو الموبيل وخلعو قعدت اتضحك علية وسبتهم كدة مكنتش عارف اللى حيحصلى ونزلت للسمكرى فى منطقة زى الزززززززززفت اكيد ابناء اسكندرية فى المنتدى عرفينها شارع مصطفى كامل طريق الملاحة
ماشى فى الطريق المكسر وبقول فى سرى مكنت روحت للأشرف السمكرى بتاع الابراهمية بدل البهدلة دى كان قدامى فيرنا رصاصى فيها عائلة وورايا متوسكل صينى بسماعات صينى برضو واغانى
وعمال يرقص بالمكنة يمين وشمال اخد شمالى عشان اعدية بدل ما يخبطنى هو كمان
وعدا راح لاطش فى مراية الفيرنا اللى قدامى الراجل بتاع الفيرنا محترم عاتبة ومشى عادى يعنى
ابص اللاقى الولا بيطلع مطوا من ورا وبيجرى عالفيرنا عايز يتعارك وساب المكنة قدامى عالطول وورايا مكروباص لازق وتيت تيت المهم خلصت بعد عزاب وقلت والله لرجع البيت رجعت ومعجزة لاقيت ركنة عالطول احمدك يارب اصحابى اتصلو بيا احنا رايحيين كارفور تمام حستناكو على البحر وحسيب عربيتى تحت البيت
وقاعد بقى باشا على سور الكورنيش وحاطط رجل على رجل وكان جامبى من على اليمين شاب ولابس بالطو اسود وبيلعب بالموبيل وهوب برضو مكنة صينى ومشغليين الاغانى الغريبة بتاعتهم عليها اتنين جايين من اليمين و اول لما عدو ادام الشاب اللى جانبى الواد اللى ورا بتاع المكنة بخشبة على دماغ الشاب اللى قاعد ونزل من المتوسكل بيضرب فية والتانى جة اخد الموبيل وبووم بوووم ضرب ضرب قلعوة البلطو وانا ابص يمين وشمالى ان حد من الناس يجى
وبصراحة انا كنت مرعووووووووووب ولا كنت اقدر اضرب كنت حتضرب واتسرق ووش
وقال اية الواد اللى سايق المكنة بيشاور عليا
فى اقل من ثوانى كنت معدى البحر وواقف تحت بيتنا ازاى معرفش
بس طبعا اعصابى كانت ايييييييية
وختمت بقى روحنا للشيخ وفيق فى بحرى اصحابى قالو يهدولى اعصابى
وطلعنا قعدنا فى قهوة هناك ومرة واحدة تقوم عركة
وعركة عمرى ما شفت زيها بسيوف وسكاكين
طلعنا نجرى على العربية قبل ما تتكسر لاقينا عيل صغير كدة مفعوص ماسك سيف اكبر منة وفى ايدة التانية صندوق بيبسى ويحك السيف فى الارض يحمل شرارة وراح خابط السيف فى الصندوق خلاة حتت
واخيرا روحت صليت ركعتين شكر لله
ونمت zzzzzzzzzzzzzzzzzzzz


معلش وجعت دماغكو بس كنت عايز افضفض

[YahiaAshraf]

الاول الف سلامه على رجوعك بخير


بالنسبه للسيوف دى فانا من اسكندريه برده

فدى عادى فى اسكندريه

ببقى قاعد فى البيت و الاقى
نفسى فى ايام الهكسوس
و بالسكاكين و الشوم و السيوف و الخ




و الله حاجه تخنق بجد


حتى فى ايام الثوره الناس فى الميدان روحه بتطلع

و هما مشغلين الكاسيت بصوت عالى فى الموتوسيكلات

و اغانى غريبه و زباله

[Muhammad A]

الحمد لله انك بخير
اسكندريه بأت وحشة اليومين دول
بس حعمل ايه بحبها

[M.TONSY]

حمد الله على السلامة وربنا يصلح حال البلد لان البلطجة بقت حاجة تقرف

[Ahmed Salah ahmed]

يوم لذيذ جدااااااااااااااااا

ههههههههههههههههههههههههه هه