حجزت فيرنا GLS فامية

[squies]

شباب باركولى انا المفروض استلم فيرنا GLS فامية ب 72750 بكرة ان شاء اللة من التوكيل

بس سؤال - المفروض الورق اللى استلمة يكون اية ؟
و اشيك على اية فى العربية ؟
و هو المفروض يبعت معايا حد للمرور ؟ و لا انا اخد الورق و اعيش مع نفسي ؟

[خالداعزالناس]

متابع +111111111111111




مبرووووووووووووووك عليك مقدما

الله يعطيك خيرها ويكفيك شرها

[M.TONSY]

مبروك ... ولو شاريها قسط هيطلع معاك مندوب من المعرض للمرور ومعاه جواب المرور اللى فيه مواصفات العربية وارقام الشاسيه والموتور وهيفض المندوب معاك لغاية متستلم الرخصة وياخد هو صورة منها علشان البنك يديهم فلوسهم ولازم تتاكد اثناء الفحص ان مهندس الفحص كاتب انها فاميه علشان تتثبت فى الرخصة بس هو عموما بيبقى مكتوب فى جواب المرور بتاع العربية
اما لو حضرك جايبها كاش هتاخد الجواب وتعيش حياتك بقى

[screamseko]

شباب باركولى انا المفروض استلم فيرنا GLS فامية ب 72750 بكرة ان شاء اللة من التوكيل
الف مبروووووووووووووووك ربنا يباركلك فيها ويديك خيرها ويكفيك شرها

بس سؤال - المفروض الورق اللى استلمة يكون اية ؟
مش عارف بالظبط الاعضاء يفيدوك في الموضوع ده

و اشيك على اية فى العربية ؟
بص يا ريس انا عايزك تفلي العربيه بمعني الكلمه كل سنتي فيها ومتزهقش بداية من العداد حاول يكون ماكسيمام عامله 25 كيلو اكتر من كده قوله مش عايزها والصاج تبص عليه كويس من تحت والجناب وتشوف لو في اي خربوش اي حاجه مش مظبوطه تجرب دراع النور الاشارات تشوف كل الفوانيس تجرب الكاسيت وتشغل راديو تشوف الايريال حيفتح ولا لا وتشغلالتكييف تجرب سخن وبارد تفتح الكابوت تجرب الدراع بتاعه تانك البنزين تفتحه وتجرب تعشك الغيارات كلها تشوف حتعشق بسلاسه ولا في حاجه وتبص عالاستبن ورا وتحاول تاخد استبن من نفس النوع اللي في العربيه مش الاستبن الصغير وبتستلم كوريك ومفتاح العجل حاول تدور علي اي غلطه لانك مجرد متطلع من المعرض المعرض مبيعرفكش خلاص ويقولك روح للضمان

و هو المفروض يبعت معايا حد للمرور ؟ و لا انا اخد الورق و اعيش مع نفسي ؟
هو بيبعت معاك مندوب يومها او تاني يوم علي حسب معاد ااستلام بيروح يخلصلك كل حاجه وانت قاعد زي الباشا

[moustafa.peace]

انا كنت سمعت من عضو قبل كده ان من الافضل عدم تشغيل تكيف السيارة قبل مرحلة التلين او الالف كيلو الاولى الكلام ده صح ولا لانى برضة ان شاء الله هستلم عربيتى قريب