رشيت الرفرف :(

[mm_champion]

انا كنت اخدت خبطة محترمة في الرفرف اليمين وبعد ما سألت كذا حد قالي سمكره احسن ما تغيره كله فعملت بالنصيحة دي ,, والرفرف اترد على الساخن واترش والحمد لله رجع زي الأول ومفيش اي فرق في الألوان , بس انا خايف يا جماعة البوية دي بالوقت تقع ويبقى شكله وحش لاني عارف طبعا ان بوية الفابريكا مش زي البوية اللي بتترش وده واضح من ملمسها , لدرجة اني حاسس لو حكت بس البوية دي كلها هتتطلع , فأيه نصايحكم عشان احافظ عليها ؟؟؟؟؟؟؟

[lawyer9]

الحافظ هو الله
والحمد لله انها جت على قد كدا
بس انا معلوماتى ان الفيرنا بيتغيرلها علطول مبيتسمكرشى حاجه لأن صاجها خفيف
على كل حال ربنا يكفيك شرها ويعطيك خيرها

[mm_champion]

المشاركة الأصلية كتبت بواسطة lawyer9 الحافظ هو الله والحمد لله انها جت على قد كدا بس انا معلوماتى ان الفيرنا بيتغيرلها علطول مبيتسمكرشى حاجه لأن صاجها خفيف على كل حال ربنا يكفيك شرها ويعطيك خيرها

ونعمة بالله
انا فعلا كنت هغيرة وفي التوكيل بس الناس نصحتني ان الرفرف اللي هيركبلي هيترش برضه , والرفرف الاصلي بتاعها افضل من ناحية المقاسات فتوكلت على الله وسمكرته خاصة انه كان نص الرفرف بس هو اللي فيه المشكلة فترش نصه على القد ومفيش اي فرق في الألوان ولا باين اي حاجة , بس حاسس ان البوية دي هتقع مش عارف ليه , ممكن اعملها شمع او اي حاجة تحافظ عليها ولا انتم شايفيين , وشكرا على ردك واهتمامك

[memodina1]

يا صديقى الحمد لله اولا على كل شئ ثانيا كل واحد فينا راشش اكصدام رفرف وهكذا بص الرفرف لو اتحك بسيط عادى ممكن يعمر اما لو اخد خبطة اتلوى فيها حتى لو بسيطة البوية هتقع ودا امر مسلم بية فانت قضى بيها وان شاء الله مفيش خبط هيجى تانى فيها خد بالك من الركن عشان اللى جمبك ممكن هو اللى يخبط بس وسيبها على الله كلها سهلة وبسيطة

[mm_champion]

المشاركة الأصلية كتبت بواسطة memodina1 يا صديقى الحمد لله اولا على كل شئ ثانيا كل واحد فينا راشش اكصدام رفرف وهكذا بص الرفرف لو اتحك بسيط عادى ممكن يعمر اما لو اخد خبطة اتلوى فيها حتى لو بسيطة البوية هتقع ودا امر مسلم بية فانت قضى بيها وان شاء الله مفيش خبط هيجى تانى فيها خد بالك من الركن عشان اللى جمبك ممكن هو اللى يخبط بس وسيبها على الله كلها سهلة وبسيطة

لا إن شاء الله الواحد ياخد باله وربنا يستر , يعني هي البوية دي مش هتقع لوحدها من عوامل الجو مثلا الشمس والمطر وما إلى ذلك وشكرا على ردك واهتمامك