ازاى نساعد الناس دى ؟

[esafegypt]

السلام عليكم ورحمة الله

بالصدفة وانا بتصفح فيسى بوكى لقيت صفحة مشروع انشاء او سيارة مصرية
( تحرير )

وطبعا طلعت بخيالى كتيير اوى وتخيلت ان مصر عملت العربية وانا اشتريتها وكل شوية انزل اعمل لها تعديل واخليها رياضية او اجيب لها اكسسوارات وادلع العربية اخر دلع يااااااااه احساس جميل فعلا ان بلدك تعمل سيارة
موش هكتر عليكم انا قولت اعرض عليكم الموضوع هنا بردوا يمكن حد يقدر يساعد الناس دى ويتصل بيهم وانا عن نفسى ممكن اساعد بردوا حتى لو همسك لمبة وانور للناس اللى بتشتغل فى وقت الليل وسهرانه حتى لو هعمل لهم قهوه وشاي بس فعلا يا جماعة مصر موش صوغيرة علشان ميكون عندنا سياره مصرية وموتور مصرى
ده رابط الصفحة .............

http://www.facebook.com/egycar?ref=pb&sk=wall

[mar mar]

انا اللي غايظني انهم بقالهم سنه اهو مطلعوش حتي توكتوك

[esafegypt]

طيب علشان الكلام يكمل الاول الناس دى طلعت موش اى كلام لان مخترع السياره عمل الموتور فعلا واعتقد ان اهم حاجه الموتور علشان يكون اول موتور سيارة مصرى 100%
دلوقت هما بيدوروا على ممول طبعا فلو فى حد هنا يعرف شخصية من رجال الاعمال ياريت يوصل لة عنوان الشخص ده على الفيس بوك على اللينكه دى
http://www.facebook.com/#!/profile.php?id=1000030978 09414

[nktis]

المهم ان رجل اعمال يتبني هذا المشروع................

[esafegypt]

ياريت انا بدعيلهم انهم ينجحوا حرام ان كل مخترع مصرى يرمى اختراعة بسبب التمويل يعنى الفقر ورانا فى كل مكان وسبب اننا منتحركش ومكتفنا طول الوقت مع ان موضوع زى السيارة ده هيبق مربح جدا لو اتعمل لان مصر فيها خبرات كتيرة فى موضوع السيارات وفى نفس الوقت سوق السيارات فيها جيد يعنى لو المصنع هيبيع داخل مصر فى الاول فقط هيكسب وبعد كده يفتح اسواق خارجية يبتدى بأفريقيا مثلا وبعد كده امريكا الجنوبية وشرق اوروبا المناطق دى فيها شريحه كتيرة من الشعوب اللى بتحب العربيات الاقتصاديه والدليل على كده ان العربيات الرخيصة لسه ليها سوق فى دول كتير واولها ال ماروتى وبعدها العربيات المينى وكل شركه الان بتتنافس علشان تنزل عربيات ارخص وبتوفر للمستهلك