اليكم اخر الانباء

[douha_wise]

تم بحمد الله امس عمل بعض الصيانات و التجديدات على السيارة ما بين عفشة و تغيير موتور مساحات و سير و بلية كاتينة و غيرها من الأعمال و اليكم التفاصيل
1 - تم تغيير موتور المساحات و هو المانى لكن لم اعرف تبع اى موديل و كنت سألت عليه فى وكالة البلح بالتليفون قالوا بالشاسية ب 150 جنية لكن محمد متخصص الشيرى بالزاوية اشتراه لى على حد قولة ب 250 جنية و الشاسية مختلف فركب الموتور فقط
2 - تم تغيير سير كاتينة ماركة contitech المانية الصنع ب 80 جنية من احد متخصصى السيور بالتوفيقية و رقم السير GT.690 و الشركة معروفة و هذا رابط لها
http://www.contitech.de/pages/presse...presse_de.html
3 - تم تغيير بلية كاتينة تركى ( خامتها لم تعجبنى الى درجة الاقتناع و لكن ليست سيئة ) و اشتريتها من ابراهيم سليمان متخصص الفورد ب 100 جنية بالعافيه و كانت هناك اخرى ب 220 جنية و ممكن تنزل الى 200 و صناعتها المانى و لكن عند بدروسيان متخصص الفورد ايضا لكن الفلوس لم تكفى و ممكن ان شاء الله المرة الجاية اشتريها
4 - تم تغيير بلية العجل ببلية بولندى و عرفت من احد المتخصصين فى البلى بالتوفيقية ان هذا المقاس من البلى لا يصنع حتى الآن الا فى بلدين هما الصين و بولندا قال طبعا الافضل البولندى فبولندا مشهورة بهذة الصناعات و اعطانى سعر مميز جدا لها و هى 50 جنية للبلية و اشتريت اثنتين غير الخراط طبعا و على فكرة البحث عن هذا البلى اتعبنى جدا جدا و اشتريت بلى نوبيرا 2 و كان تشبه البلى عندى لكن الفارق من الداخل كان واحد ملليمتر و رفض الخراط تركيبها و بعد بحث مضنى نزلت التوفيقية و الحمد لله وجدتها بسهولة
الشركة المصنعة لهذا البلى مشهورة و معروفة ايضا و هذا رابط لها
http://www.flt.krasnik.pl/
5 - تم تغيير جلب المقصات لكلا الناحيتين و ثمن الجلبة الالمانى الصغير 20 جنية من فتح الباب و الكبيرة ب 30 جنية منه ايضا و معروف طبعا انها جلب جولف 2
6 - تم تغيير البطاحات و هى ايضا ارهقتنى فى البحث عنها لأن معظم الموجود صينى و محفور على الطبق انها المانى لكن بطريقة مريبة و البلية التى فى منتصف البطاحات ليس مكتوب عليها شئ و بعد بحث وجدتها عند جورج عبدالمسيح و بالعافية ب 75 الواحدة محفور على الطبق و البلية صناعة المانى و حتى على الكاوتش الخاص بالبطاحة و اشتريت اثنتين و هى بطاحات الجولف 2
7 - من نفس التاجر اشتريت تيل فرامل المانى كما هو مكتوب على العلبة ماركة ETG و التيل هو تيل الباسات او التوليدو 1 و ايضا الشركة المصنعة له معروفة و سعر التيل بالعافية 100 جنية و رابط الشركة
http://www.etg.de/etg/bremsbelaege.php?_l=1
8 - تك تغيير المساعدين الاماميين بمساعدين ساكس ( SACHS ) المانى زيت و غاز و هى من الشركات المصنعة للمساعدين و اشتريتهم من فتح الباب ب 675 بالعافية و هم مساعدين جولف 2 و رابط الشركة هو
www.sachs.de
9 - تم تغيير الطنبورتين الاماميتين بإثنين مستعملين عند محمد لكن كنت اراهم حالتهم جيدة لكن بعد استعمالى لهم اجد السيارة عند الفرملة بيحصل قيها اهتزازات و اظنها منها لذلك فسأعيدهما له و اشترى غيرهما ان شاء الله
اخيرا تم تغيير كاوتش الكبالن لأنها كانت مقطوعة و تنظيف الحوض و تغيير البوجيهات ببوجيهات 3 شمعات NGK يابانى خاص بالموتور الانجكشن و تعرفها من انه مطبوع على البوجية حرف R
المصنعيات / 250 جنيه و 15 جنية بقشيش
الخراط / 60 جنية بالعافية و 5 جنية بقشيش
لكن محمد نكد عليه فى الآخر و قال لى ان فيه تخبيط فى الموتور من تحت و ممكن تكون محتاجه عمرة برغم انها لا تأكل زيت فادعولى ربنا باخلاص
اسف للاطالة لكن احببت التوضيح بكل دقة لمساعدتكم

[hazem_khidr]

الف مبروك و ربنا يسترها معاك في موضوع العمره
هي العربيه نوعها ايه؟

[غريبو99]

[douha_wise]

المشاركة الأصلية كتبت بواسطة hazem_khidr الف مبروك و ربنا يسترها معاك في موضوع العمره هي العربيه نوعها ايه؟

الله يبارك فيك اخى الحبيب
و السيارة شيرى A11

[Neo206]

مبروك العمرة و ربنا يكرمك بالعربية
إن شاء الله