|
Accent Verna RB اكسنت فيرنا Hyundai Accent - Verna - RB جميع اجيال اكسنت وفيرنا Hyundai Accent - فيرنا الجيل 2 Hyundai Accent - اكسنت الجيل 1 Hyundai Accent - نيواكسنت الجيل 3 Hyundai Accent - اكسنت ار بى RB الجيل 4 |
|
أدوات الموضوع |
#1
|
||||
|
||||
مساعدة عاجلة في شراء فيرنا
جزاكم الله خيراً يا جماعة كلكم أنا مبسوطة بوجودي بين أسرة مصر موتورز و حاسة أنكم زي أخواتي و محتاجة نصيحة لله تعالى بعد ما استخرت ربنا أنا ناوية بإذن الله أجيب فيرنا أوتوماتيك لكن كلام الناس مخوفني منها بس كلامكم شجعني جداً بس أحب أعرفكم ظروفي و تقولولي الفيرنا كده تمام و لا أعلي الفئة حبتين و آخد مانيوال و لا الأوتوماتيك و لا أجيب I10 أو I30 الجديدة؟؟؟ 1- بسافر 140كم 5 أيام أسبوعياً 2- طريقي أغلبه طرق سريعة و أخاف تعطل مني مش أعرف أحركها(الأوتوماتيك بالتحديد) 3- ظروفي الصحية الحمد لله مش تمام خالص(بتعالج من أرورام متعددة من خمس سنين و الحمد لله فاضلي عملية و رحلتي تنتهي و أبقى طبيعية) و بتعب من أقل مجهود بدني و عندي ضعف في رجلي الشمال حبتين لكن الحمد لله كله خير 4- بحتاج في بعض الوقت آخد أخواتي معايا يعني محتاجة سيارة تنفع تبقى عائلية و لو يوم أسبوعياً 5- هذه أول سيارة و أنا أبيض يا ورد سيارات بس قلبي الحمد لله حديد مش بخاف قوي من القيادة 6- محتاجة سيارة لما آجي أبيعها بعد 5سنوات ما أخسرش فيها و سهلة الصيانة و قطع غيارها متوفرة و بعقولة و البنزين عادي نار عربيتي الخاصة أرحم من الإيجار و تاكسي العاصمة أكيد أرجوكوا تساعدوني آخد قرار لأني متحملة مسؤلية السيارة و قرارها و أخواتي سايبنلي الحرية في القرار و ده مسؤلية خطيرة جداً و أنتوا سيد العرفين و أنا مش مقتنعة بأني أشتري مستعمل أتعلم فيه و أبقى أشتري جديد لأن نظريات الإقتصاد عكس كده " أنا لست غنياً كي أشتري شيئاً رخيصاً" و كل يوم يعطل غير احتمال إن المستعمل يكون معيوب آآآآآآآآآآآآآآآآآآآآسفة جدااااااااااااااااااااااا ااااً على التطويل : 01F577~130: <!-- / message --> |
#2
|
||||
|
||||
رد: مساعدة عاجلة في شراء فيرنا
الف سلامه ربنا يشفيكى بالنسبه للعربيه الفرنا كويسه قطع غيار رخيصه انا مش من ملاك الفرنا بس منتشره كتيروان شاء الله الناس تفيدك
|
#3
|
||||
|
||||
رد: مساعدة عاجلة في شراء فيرنا
جزاكم الله خيراً و شكراً ليك ربنا يباركلك و يسلمك من كل سوء
|
#4
|
|||
|
|||
رد: مساعدة عاجلة في شراء فيرنا
توكلى على الله الفيرنا عربية عملية جدا وبتاعة بهدله
قطع غيارها متوفره عند البقالين وفى نفس الوقت حتلاقى منها الاصلى والتقليد ودى ميزة يعنى لو الميزانية على القد اجيب التقليد لحد لما ربنا يكرم واجيب الاصلى مثال تيل الفرامل ممكن تجيبه ب 50 جنية لحد الاصلى 165 الاسطوانة والدبرياج كنت سئلت عليهم لقيت ممكن اجيبهم 280 جنبة والاصلى بتاعهم 450 جنية يعنى من الاخر حاجات فى اللذيذ نيجى بقه للصيانة اى ميكانيكى ملوش لزمة بيشتغل فيها وسعر اعادة البيع ممتاز وكنت افضلك مانيوال لكن لظروفك الصحية وربنا يشفيكى خليكى فعلا اتوماتيك اجدع واى استفسار او خدمة لا تتردى فى طلبها |
#5
|
رد: مساعدة عاجلة في شراء فيرنا
اهلا بيكى يا توتا وسط اخوانك ونورتى المنتدى
بالنسبة للظروف اللى انت شرحتيها وربنا يا رب يشفيكى ويعافيكى انت وكل مرضانا وينعم عليكى بالصحة التامة فانا ارشح لك الفيرنا الاوتوماتيك عربية ممتازة فى فئتها وتعتبر احسن عربية اوتوماتيك فى فئتها السعرية واعطالها نادرة طالما انك هتابعى صيانتها باستمرار فى التوكيل او اى مركز صيانة محترم وانا ندمت انى جبتها مانيوال بصراحة الاوتوماتيك متعة وراحة ما بعدها راحة انما لو ظروفك المادية متيسرة شوية هاتى الينترا استيب ترونيك حدوتة تانية خالص واوبش اعلى وكله فى الاخر راجع لظروفك انما الفيرنا عملية وقطع غيارها رخيصة واعادة البيع فيها جيدة ولها سوق عريض وبالتوفيق ان شاء الله
__________________
لا اله الا الله ..... محمد رسول الله
سبحان الله وبحمده عدد خلقه ورضا نفسه وزنة عرشه ومداد كلماته وصلى اللهم على سيدنا محمد وعلى آله وصحبه وسلم |
|
|