مساعده في اختيار عربية

[conan415]

بسم الله الرحمن الرحيم
السلام عليكم ورحمة الله و بركاته
بعد اذنكم يا جماعه محتاج اشتري عربية و محتار
انا عارف ان صعب الواحد يلاقي عربية فيها كل اللي عايزه
و لكن انا محتاج عربيه تحقق اكثر متطلباتي و هي :
1- انا مليش خبرة كبيرة في السواقه و لا ميكانيكا العربيات ( يعني بسوق علي ادي ).
2- هقلب العربية لتعمل بالغاز الطبيعي .
3- هسافر من 1000 الي 1500 كلم في الاسبوع .
4- السرعه القصوي 120 كلم .
5-العربية تكون يدوي (مانوال).
6-قطع غيارها متوفره ورخيصه .
7- مش مهم خالص شكلها ولا كماليتها ( عايز عربية عملية للسفر ) .
8- السعر 70 الف جنية او اقل كلما كان اقل كان افضل.

تنصحوني بايه
ارجو منكم افادتي
و شكرا

[hhhesham]

المشاركة الأصلية كتبت بواسطة conan415 بسم الله الرحمن الرحيم السلام عليكم ورحمة الله و بركاته بعد اذنكم يا جماعه محتاج اشتري عربية و محتار انا عارف ان صعب الواحد يلاقي عربية فيها كل اللي عايزه و لكن انا محتاج عربيه تحقق اكثر متطلباتي و هي : 1- انا مليش خبرة كبيرة في السواقه و لا ميكانيكا العربيات ( يعني بسوق علي ادي ). 2- هقلب العربية لتعمل بالغاز الطبيعي . 3- هسافر من 1000 الي 1500 كلم في الاسبوع . 4- السرعه القصوي 120 كلم . 5-العربية تكون يدوي (مانوال). 6-قطع غيارها متوفره ورخيصه . 7- مش مهم خالص شكلها ولا كماليتها ( عايز عربية عملية للسفر ) . 8- السعر 70 الف جنية او اقل كلما كان اقل كان افضل. تنصحوني بايه ارجو منكم افادتي و شكرا

هات لادا هى دى الامثل لمتطلباتك بس نصيحه هاتها موديل قديم بس مش اوى لان الموديل الجديد حيبقى غالى على الفاضى.
انا سمعت عن لادا روسى فيها بور و تكييف بس معرفش سعرها كام بس هى روسى

[محمود زيزوو]

عندك نوعين لانوس او فيرنا العربيتين قطع غيارهم رخيصة وعملية وتوفير فى البنزين جميل جدا وعربيات بتجرى وبتاعت سفر وربنا معاك وانتظر بردة رد باقى الاعضاء

[Tota El Masry]

جزاكم الله خيراً
أنا كمان محتارة بي الفيرنا الأوتو و لا المانوال بشدة
و أنا بسافر 750كم اسبوعياً و فيه ناس نصحوني بهيونداي I10
و خلااااااااااااااااااااااا ص دماغي لفت و صدعت
أفيدوني أنا و الزميل الفاضل أفادكم الله

[mous6fa]

من وجهة نظري المتواضعة أنا شايف إن المبلغ كويس ومحترم ويجيب عربية ع الزيرو كويسة بدل ما تجيب عربية مستعملة .... أدامك شيفورليه لانوس - رينو لوجان - هيونداي فيرنا - ونصيحة بلاش الأوتوماتيك فى اى عربية عمومااااا