مشكلة عايزة مساعدة في شاهين 1400 موديل 2006 انجكشن

السادة المحترمين اخواني اعضاء المنتدى
سيارة اخويا شاهين 1400 انجكشن موديل 2006
كل شوية يغير طقم البوجيهات بسبب انه بتضرب وينزل يدور العربية ولا حس ولاخبر
مع انه بيجيب الطقم المفروض انه الاصلي....ايه السبب يا ترى؟!! رجاء المساعدة

20 مشاهدة ولا رد واحد

[hazem_khidr]

هي مشكله غريبه
عمري ما سمعت عن بوجيه بيضرب
هو يا اما البوجيه يطوله زيت بسبب ان الموتور خفيف
و ساعتها العربيه تبقي مبرجله لكن تدور لان الزيت مش هيوصل للاربع بوجيهات
يا اما البوجيهات مرطبه و دا بيحصل كل فين و فين
انما تضرب دي اول مره اسمع عنها
و كمان الاربعه سوا يبقي كده في غلط يا وليد باشا
حاول تشخص لي العطل مره تانيه

المشاركة الأصلية كتبت بواسطة hazem_khidr هي مشكله غريبه عمري ما سمعت عن بوجيه بيضرب هو يا اما البوجيه يطوله زيت بسبب ان الموتور خفيف و ساعتها العربيه تبقي مبرجله لكن تدور لان الزيت مش هيوصل للاربع بوجيهات يا اما البوجيهات مرطبه و دا بيحصل كل فين و فين انما تضرب دي اول مره اسمع عنها و كمان الاربعه سوا يبقي كده في غلط يا وليد باشا حاول تشخص لي العطل مره تانيه

بالتأكيد احب اشكرك ياباشا على مشاركتك ومساعدتك القيمة
بس هما مش الاربعه طبعا اللي ضربو
بس طبعا لما بيغير هايجيب الطقم ويغيرو كله
بس اعتقد هو قاللي في واحد منهم علية زيت
تفتكر السبب ايه؟ اسف لازعاجك
**سؤال مهم جدا دلوقتي لو بوجية ضرب هل العربية تدور وتبقى مبرجلة ولا ماتدورش خالص...لان في حالة عربية اخويا العربية كانت لا تدور نهائيا لغاية لما جاب طقم بوجيهات جديد دارت ومافيهاش مشكلة**

[فادى]

زى ما قال استاذ حازم لو بوجيه ضرب العربية هتدور عادى لكن هتبقى مبرجلة و "متلتة",
و لو البوجيه مرطب بينشف بعد فترة من المشى بالعربية و بيشتغل عادى. و ده ممكن يحصل لو بتسيب العربية فترة و ترجعلها.