|
#1
16-12-2011, 12:39 AM
|
||||
|
||||
حل مشكلة زبزبة صوت المسجل او ما تشغل الماتور ادخل بسرعه
السلام عليكم ورحمة الله وبركاته
انا مركب التسجيل ال MP3 ابو 120 جنية وامكانياته فلاشة وراديو وكرت ميمورى بس مينفعش تحط فيه شرايط كاسيت او اسطوانات او الكلام القديم ده  المهم المشكلة كانت كل لما مثلا حاطط الفلاشة واشغل التسجيل ده قبل ما ادور الماتور كان الصوت بيبقى صافى وجميل جداااا واكثر من رائع بس  :sycho2 6:اول بقى ما تشغل الماتور تلاقى الصوت بقى منيل خالص وخله زبزبه كده وتكتكه وكل ما تعلى سرعة الماتور كل ما التكتكه تزيد وكان بيجيلى حالة عصبية منه بجد ياعنى :sycho2 6:رحت للكهربائى قلتله بص انا على اخرى من البتاع ده قالى طيب شغل وورينى شغلت التسجيل قبل ما اشغل الماتور قالى الصوت جميل قلتله طيب اسمع بقى رحت مشغل الماتور الصوت بقى وحش جدا (الصوت مش وحش لدرجة انك مش بتسمع لا بتسمع وكل حاجه بس الصوت فى تكتكه كده وزبزبة فظيعه تنرفزك وتخليك تقرف من التسجيل) المهم قالى اقفل اقفل قلتله ايه الحل لقيته قالى افتح الكبوت فتحت الكبوت راح شايل وصله من وصلات البوجيهات لاقى سلوك البوجيهات اللى عندى نحاس قالى شوفت من ايه قلتله ايه قالى السلوك النحاس بتاعت البوجيهات بتسمع فى العربيه كلها فهى اللى بتعمل الصوت ده وحلها انك تجيب سلوك فايبر وخلى الميكانيكى يركبهالك قلتله عاوز كام قالى لا مش عاوز قلتله طيب الف شكر رحت النهارده رحت عند الميكانيكى بتاعى قلتله على الموضوع قالى ماشى المهم خد 60 جنية قالى السلوك ب 50 و هو خد 10 جنية راح جاب السلوك شكلها طبعا ضيف غير النحاس والسلك اللى بتعها اللى جوه سلك عامل كده زى شوفتوا السوست بتاعت المساعدين هى زيها كده بس رفيعه اوى اوى ولونها رصاصى راح مركب السلوك وقالى جرب جربنا التشغيل بتاع الماتور كله تمام ولله الحمد طبعا بقى قلبى فى اللحظه ديه كان بيدق وخايف ليكون ال60 جنية ضاعت على الفاضى جيت شغلت التسجيل وبسمع الصوت لقيت الصوت بقى زى الفل وبقى ماشاء الله ولا حول ولا قوة الا بالله بجد حاجه فل وبقيت فرحان جدا وكنت عاوز ارقص  :joy 23: ههههههههههههه بس وهى ديه الحكاية كلها فلو عندك المشكلة ديه ده حلها ان شاء الله ولو متحلتش او لو انت مثلا مركب السلوك بتاعت البوجيهات فيبر وعندك المشكلة فى حلين الحل الاول تركب دايرة زبزبة الحل الثانى تاخد وصلة دايركت على البطارية عدل بس كده وان شاء الله المشكلة تتحل وانا اتبراء امام الله ثم امامكم من الناس اللى عاوزه تظبط التسجيل على شان تسمع اغانى و السلام عليكم ورحمة الله وبركاته 
|
|
#5
18-12-2011, 03:45 AM
|
||||
|
||||
|
رد: حل مشكلة زبزبة صوت المسجل او ما تشغل الماتور ادخل بسرعه
بجد انتم اللى ردودكم اسعدتنى كثيرا وهو ده اللى بيخلينى اكتب على كل التجارب اللى بمر بيها وانا فقط اتمنى من الله عز وجل ان يجعله فى ميزان حسناتى يارب
|
 |
|
|
