هواء نقى عجيب

[غريبو99]

بسم الله الرحمن الرحيم
الأخوة الكرام أعضاء المنتدى المحترمين
السلام عليكم
وبعد التحية

بالأمس الأربعاء 14-12-2011 خرجت من منزلى الساعة 7.30 صباحا وقدت سيارتى بهدوء عجيب وكأنها تعرف طريقها بطريقة سهلة وناعمة وجميلة وفوجئت بالتالى :-
1- هواء نقى بارد ذو رائحة جميلة تدخل فى الصدر تنعشة وتشعر الجسم بالرجفة والفرحة.
2- هدوء عجيب غريب جميل يسود مدينتى.
3- الشوارع فارغة من الناس والسيارات غير كل يوم اذهب فية للعمل.
4- اتجهت لمدرسة المعدات الثقيلة بالأسماعيلية.
5- سألت عن بوابة المدرسة فدلونى بعض الشاب المحترم.
6- وقفت عند باب المدرسة فوجدت تشريفة مصرية مكونة من صف ضباط جيش وصف ضباط شرطة مصطفين على باب المدرسة من أنظف وأنقى ضاط الجيش والشرطة الذين لم اراهم من قبل فى مصر.
7- دخلت اللجنة الأنتخابية وكاننى داخل امتحان الثانوية العامة وتذكرت هذا بالفعل فى هذة اللحظة.
7- قدمت بطاقتى وانتخبت ويدى ترتجف وبها القلم بكل سهولة ويسر واحترام.
8- خرجت من اللجنة الأنتخابية وانا ابكى من الفرحة وكأن الفرحة نستنى انا راكن السيارة فين مش شايف من الدموع المنهمرة على وجهى ومشفتش العربية.
9- توجهت لعملى و دخلت مكتبى وانا رافع أصبعى المبلل بالحبر السرى فرحان ورافع يديى فوق عايز ابين الحبر للعالم كلة.

اول مرة انتخب
أول مرة احس اننى شاركت
اول مرة محدش يقولى ملكش بطاقة انتخابية
اول مرة ابكى من قلبى بجد
اول صباح استنشق هواء نظيف
اول مرة اذهب مكتبى فرحان
اول مرة عربيتى فرحانة
اول مرو بنتى (13 سنة) تتصل بية تتطمن علية وتقلى انتخبت مين
اول مرة زوجتى تتصل بية تقلى عايزة اروح انتخب وهى مش مصرية ومصرة على الذهاب
اول مرة أحتفل مع اصحابى فى المساء لوقت متأخر من الليل
مش لاقى كلام اقولة اكتر من كدة

اول مرة احس انى (بنى آدم) مش بنى تزوير
وشكرا
وآسف للأطالة

[mr_astra]

مبروك على الحرية
كلنا زيك والله بالظبط
وربنا ييسر الامور وممكن فى خلال سنوات معدودة نبقى حاجة تانية
واذكر بعهد سيدنا "عمرو بن عبد العزيز"

[mar mar]

فعلا احساس روعه : THUMBS~220::T HUMBS~220::TH UMBS~220::THU MBS~220:

[غريبو99]

شكرا على التعليقات الجميلة
وربنا يديمها محترمة وحرية
وتكمل مستورة ومحترمة
وشكرا لكل الأعضاء

[ahmed_eng2001]

احساس جميل جدا و وعى الواحد حاسس بيه من ايام الاستفتاء الاولانى