تقرير كدا علي الماشي بعد 40 الف كيلو مع فيفي

بعد مرور اربع سنوات علي عيد جوازي انا ومدام فيفي قولت لازم اعملكم تقرير عنها وعن بلاويها علي فكرة البلاوي ديه حاجه حلوه مش حاجه وحشه علشان محدش يشبط في الكلمة هههههه



اولا الحمد لله مفيش شكوي ميكانيكية كانت في الفترة ديه

من يوم ما اشتريتها غيرت بطارية وبوجيهات وفلتر بنزين وفلتر هواء وكوليه لخرطوم زيت الباور فقط لا غير

العربية الحمد لله تقريبا مستواها زي ما هو من يوم ما اشتريتها

عايز يتغيرلها بس رفرف شمال لانه متروق في خبطة من شهرين

الزجاج الامامي مشروخ بالطول والعرض من سنتين ومكسل اغيره

عيب الفيبرشين اللي فيها ده لسه موجود لحد ما اجرب موضوع اخويا ميمو مع مركز خدمة السويس

واكبر عيب فيها مضايقني بصفة شخصية انها واطيه علي الارض

من بعد صيانة ال 20 الف مبروحش التوكيل الا كل 10 الاف كيلو علشان بس بتصعب عليا

اسوء مركز صيانة اتعاملت معاه كان كارتك العبور
يليه ابو رواش
يليه قليوب

احسن مركز صيانة اتعاملت معاه كان ابو غالي العبور

انا راضي عن العربية بنسبة 80% الحمد لله

اي حد عنده اي استفسار عن اي حاجه انا تحت امره

[SHABRO]

ربنا ديك خيرها يا باشا ويكفيك شرها ....بالنسبة للعدادات الجامدة عملتها فين وبكام ؟؟

[mar mar]

الف سلامه علي فيفي كويس انك مهتم بيها
وعقبال صيانه ال 1000000كيلوا

المشاركة الأصلية كتبت بواسطة SHABRO ربنا ديك خيرها يا باشا ويكفيك شرها ....بالنسبة للعدادات الجامدة عملتها فين وبكام ؟؟

الله يخليك يازعيم وبالنسبة للعدادت انا اشتريتها من واحد عزيز عليا عضو معانا هنا في المنتدي اسمه الكومي هو من طنطا

المشاركة الأصلية كتبت بواسطة mar mar الف سلامه علي فيفي كويس انك مهتم بيها وعقبال صيانه ال 1000000كيلوا

الله يسلمك يا مرمر ونورتي الموضوع وتقبلي تحياتي

[Neo206]

ربنا يباركلك فيها و تفضل على طول كويسه