استشارة فنية .. محتاج رأي الخبراء

[zema]

السلام عليكم ورحمة الله و بركاته

دلوقتي يا جماعة انا مركب كاسيت صيني كده في عربيتي نوعه Viga
المهم ان صوته زي الفل bass و treble وحاجه دلع الدلع ومعاه ريموت و محسسني اني مركب بايونير

بس عندي مشكلة بقي وهي ان لما ببقي مشغله و العربية مبطلة بيبقي شغال تمام و مفيش مشاكل اول بقي لما ادور العربية الصوت يبدأ يقطع كل ثانيتين او تلاتة و ممكن يقعد ساعة ميقطعش ويرجع يقطع تاني
المشكلة دي ممكن يبقي ايه حلها
انا موافق علي اي حل ما عدا اني ارجعه للي انا شاريه منه عشان ده تالت كاسيت اجيبه منه و ارجعه عشان كنت بجيب حاجه خارج الصوت بتاعها اقوي و لو حاولت ارجعه ممكن يدبحني
في انتظار رد الاخوة في المنتدي و اعتذر عن الاطالة
دمتم بخير

[AbOnOrA]

يعنى فى كل الكاسيتات اللى جربتها قبل كده كانت بتظهر نفس المشكلة ولا المشكلة فى ده بس !!

[lol]

fe 7aga 3'alt fe dayret elkahrba we nase7a 3'ayr elkasset we balash seny yagma3a hatsrf 3lih aktr mn ay kassite tany

[zema]

المشاركة الأصلية كتبت بواسطة AboNoRa يعنى فى كل الكاسيتات اللى جربتها قبل كده كانت بتظهر نفس المشكلة ولا المشكلة فى ده بس !!

الف شكر يابو نورا علي الاهتمام و الرد
بص يا سيدي دي القصة من اولها
اول كاسيت اشتغل تمام كان علي سماعات تعبانة كده
و فجأة الكاسيت مبقاش يشتغل ... بقي يشتغل راديو بس لكن الفلاشة ما تشتغلش
طبعا قلت اكيد العيب فيه و رحت للراجل وهو راح مرجعهولي علي طول من غير مشاكل
تاني كاسيت قلت بدل ما ابدل بنفس النوع اجيب حاجه اعلي شويه و نسمع صوت احلي
جبته و ركبته و اشتغل و احنا بنجربه بقي الاغنية تمشي عادي جدا و لما تيجي عند الثانية 19 او 20 في الرينج ده تقوم الاغنية تقلب نفسها و الاغنية رقم 5 بالتحديد هي اللي تشتغل
قعدت اجرب فترة برضه نفس الموضوع يحصل الصوت تمام و زي الفل لكن نوصل لعشرين ثانية تقلب و تيجي الاغنية رقم 5
المهم قلت اكيد العيب في الكاسيت و رحت للراجل هو اضايق مني شويه بس برضه رجعه و قاللي مفيش مشكلة
و خدت الكاسيت التالت و برضه انا متعمد اجيب كل مرة حاجه اعلي عشان يبقي خارج الصوت بتاعه اقوي و جبت سماعات كمان من عند نفس الراجل و شغالة زي الفل الكلام ده قبل العيد
الكاسيت التالت بقي اللي راكب دلوقتي بتحصل فيه المشكلة بتاعت التقطيع
طول ما العربية مبطلة هو تمام اوي ندور و نمشي يقطع زي منا قايل في الموضوع فوق
عشان كده بصراحة انا مقدرش اروح للراجل ده تاني و اقوله عايز اغيره فعلا حاجه تزهق
تفتكروا ايه الحل انا فعلا زهقت منه جدا

[zema]

المشاركة الأصلية كتبت بواسطة lol fe 7aga 3'alt fe dayret elkahrba we nase7a 3'ayr elkasset we balash seny yagma3a hatsrf 3lih aktr mn ay kassite tany

يا باشا انا عارف والله ان الصيني تعبان
بس انا هبيع العربية ان شاء الله في خلال شهرين بالكتير و هعمل حاجه نضيفه في العربية الجديدة باذن ربنا
فا قلت مش مستاهله دلوقتي نجيب اي حاجه صيني تسلك اليومين الباقيين دول
بس يعني ايه في مشكلة في دايرة الكهربا ؟؟ و تتصلح ازاي لو موجوده فعلا ؟؟
انا عربيتي 128
شكرا لاهتمامك