مقبل على شراء جولف 5 موديل 2008

[masterzmind]

السلام عليكم يا شباب ان اول مرة اكتب فى منتدى فولكس بس اهوة إن شاء الله و يارب بس تكون من نصيبى واحد قريبى هيبع جولف 5 موديل 2008 عاملى 30 الف كيلو صيانة بالتوكيل عاوز اعرف كل المعلومات عن العربية دى
1- اسعار البيع يعنى اشتريها فى حدود كام
2-العربية كالقوة متورعاملةاة
3- اسعار الصيانة وقطع الغيار
4-كام فئة منها واة هى ال options الى فى كل فئة
5- اهم حاجة التكيف عشان انا مش بحب الحر خالص

وشكرااا ويارب الاعضاء متبخلش عليى بالرد

[s_shekabala]

السلام عليكم
اولا طبعا ربنا يستر على البلد ويعدى الايام دى على خير
انا كان معايا جولف 5 2008 ماشية 45000 كيلومتر وبعتها شهر 1 سنه 2011
بص ياباشا عربية جميلة جدا وثبات فوق الخيا (كنت بلعب بيها بلاى استيشن)
فخامة من جوا وجودة وشكل جميل من بره
احساس حلو انك راكب عربية قليلة وقطع غيارها متوفرة جدا
بالنسبة لقطع الغيار عادية مش غالية يعنى جبت فانوس خلفى اصلى استيراد ب 350 بس بتبقى فى حاجات استهبال شوية يعنى جبت مساحة خلفية ب250 طاسات الواحدة 200
من الاخر عربية حلوة معاك فى كل حاجة جرى فرامل غرز شياكة
مميزاتها اكتر من عيوبها لان عيوبها حاجة واحدة بس كبيرة اوى اوى وهى
الجيربوكس (الفتيس)
حرام حرام حرام
تبقى عربية بالجمال و القوة دى وتبقى فيها عيب كدة ومنتشر جدا

النصيحة
لو غاويها هاتها بس بشروط
اولا لازم تكون عربية كويسة جدا (عداد قليل / فابريقة / نظيفة من جوا / مش مخبطة كتير )
والاهم انك تكشف عليها فى التوكيل لازم
او تكشف عليها عند حد متخصص بس على كمبيوتر اعطال (بس نصيحة اكشف فى التوكيل علشان مش دايما عطل الفتيس بيبان )
متجبهاش خليجى وهاتها وكيل علشان لو لقدر الله حصل حاجة تقدر تروح التوكيل

عربيتى باظ فيها عقل الفتيس وسمعت اسعار كتير (برة التوكيل) 14000 و9000 و6000 وفى الاخر صلحتها ب 4000 ودة طبعا سعر التصليح مش سعر الفتيس
والاهم صلاه الاستخارة
انا تعبت اوى فى تصليحها وصلحتها وباظت ورجعت تانى للراجل وباظت واتخنقت معاه وخدت فلوسى وروحت لواحد تانى صلحها ب 4000 وقعدت معايا بعديها شهرين (علشان اتأكد انها اتصلحت )وبعدين بعتها
وبعد كل البهدلة دى ان شاء الله ممكن جدا افكر انى اجيب واحده تانية بس خايف
البدائل
هوندا سيفيك 2009 - مازدا الشكل الجديد 2010 - فيات برافو 2009 -

بالنسبة لفئات الجولف
بيزلاين وهاى لاين
الفرق
فتحة سقف - مثبت سرعة - مالتى فنكشن - زينون - جنوط مش فاكر اية تانى

سامحنى لو كنت نسيت حاجة والقرار يرجعلك انتا بعد الاستخارة

[masterzmind]

انت كدة خوفتنى يعنى اخلص فيها ولا لا بس بصراحة مشكلة الفتيس دى باين عليها عندك انت بس عشان الناس بتشتكى من فتيس ال dsg golf 6 مش golf 5

[khaabas]

الجولف ميختلفش عليها اتنين وانا افضلها عن الالمانى كله
بس علشان تركب جولف من خلال تجربتى لازم تكون جديدة ومفيش مكيانيكى لعب فيها لان العربية لو فتحت خلاص انتهت لان مفيش ميكانيكى بيفهم فيها ايوووووه كله بيقعد يفتى وفى الاخر تلاقيك صرفت 5 الاف جنيه وبعدها بيومين تلاقى مشكلة اكبر
قطع غيار الجولف " نار الله الموقدة " غالية جدا اما الجولف 2 ، 3 علشان قدام تلاقى سعرهم فى اللذيذ والجولف بالذات بس يمكن دى كانت حالة فردية معايا لو فتحت بقها الواحد يكره عشيته ههههه
اتكلمت كتير موش كده على العموم انا من راى خليك فى اليابانى لانسر أو تويوتا بعديه الكورى عربيات كله فاهم فيها وقطع غيارها عند البقالين

[masterzmind]

يعنى لو امامى جولف 5 و هوندا سيفيك 2008 اجيب الاثنين نفس الحاله اجيب اةة