أهلاً وسهلاً ,, وأخيراً أشتريت سياره ملكي خاصه ؟

[قوت القلووب]

السلام عليكم ,,,

كيفكم أن شاء الله بخير وأفضل حال , هيدي أول مشاركه لي هنا بالمنتدي وأيضا بعالم السيارات , وأكيد أتشرف بتواجدي هنا .

أسمي قووت , أعيش بالقاهره .
الحمد لله أشتريت سياره خاصه بي منذ أسبوع تقريباً , صراحه كنت أفاضل بين أكثر من نوع وبالنهايه أخترت سياره من فئات كيا .

كيا شوما موديل 99-2000 حبيت شكلها وكانت بالنسبالي أنسيابيه وشبابيه .
مواصفاتها .
مانيوال , سنتر , باور , جنوط سبور , تكييف , عداد 140 الف , لون نبيتي ميتالك
فبريكا دواخل , فبريكا خوارج عدا الاكصدام الامامي .
حاله الصالون ممتازه , بها بعض الخدوش بالخارج خفيفه .

أتمني تخبروني رأيكم بالمواصفات , وكم تستاهل , وأذ في أي ملاحظه !

ثانيا : هلء محتاجه أعرض شو أول شي أعمله مع هاي السياره .

تغيير شو ؟ ....
كيفيه الصيانة الدوريه ؟ ....
كيفيه نظافتها ؟ ....
هل كثره غسلها بالماء فيه ضرر ؟ ....
شو هو أحتياطات الامان بها ؟ مثل اللمبات الاخطاء ؟
كيف أكشف عليها بالكمبيوتر ؟ وأذ ينفع أستخدم اللاب توب في هالشي ولا مراكز متخصصه ؟ ...
شو الي أسويه صباحاً قبل التحرك بالسياره ؟ مثل التأكد من الماء ؟ ...

أسفه علي الاطاله وأذ في أي نصائح أو ملاحظات ؟ لان لسه ماأفهم ولا أشي بها

شكراً .

[aymangalal]

اهلا وسها اخت قوت معانا فى عائلة مصرموتورز نورتى القاهرة ومصر كها
شكلك مش مصرية من لهجة كلامك مش كده ..؟؟
مبدئيا مش هاقدر افيدك عن السعر لانى مش متابع الكيا قوى
لكن على حسب وصفك للعربية وحالتها تعتبر عربية لقطة وده يتوقف على متوسط سعرها فى السوق والاهم انها مش ماشية كتير نسبيا بالاضافة الى حالة الدهان والداخلى والخارجى يعنى بفضل الله تمام التمام :
رأيى انها مواصفات ممتازة بالنسبة للخدوش الخارجية الخفيفة ممكن تروح او تقل بعد ما تاخد وش بولش (حاولى تتعلمى بقى لغة مجال السيارات فى مصر) البولش ده مادة شبه الكريم (عبوة صغيرة) بتتباع فى معظم محلات الدهان بتوزع الدهان بطريقة معينة على اجزاء السيارة من الخارج كل جزء على حدى وبعدين يتمسح بطريقة دائرية ومهمة الدهان ده معالجة الخدوش تقليل ظهورها واضفاء لمعة على العربية خصوصا لو حاله الدهان جيدة
اول حاجه تعمليها عشان تبقى ماشية بأمان نرفعيها فى اى بنزينة للكشف عليها بصفى عامة(ده اطمئنان بالنسبة لك) هايقولك حالة الموتور بالنسبة 70 او 80 او 90 % الكشف على السيارة من اسفل لو فى اى اثر لبارومة اى شىء فى الصاج وممكن يقولك كمان على حالة العفشة
بعد كده تغير الاتى :
طقم سيور (دينامو+كاتينة+تكييف)
طقم بوجيهات(شمعات الاحتراق)
تغيير الزيوت(موتور- باور- فرامل-فتيس)
فلاتر (الهواء -التكييف-الزيت-البنزين )
تغيير مياه الرادياتير بماء نظيف ومناسب والكشف على الرادياتير
الكشف على جميع الاطارات بما فيها الاستبن
ملحوظة: الحاجات دى كلها بسيطة جدا ومهمة فى نفس الوقت ومش هاتاخد يوم على بعضه
بعد الانتهاء من التغييرات دى (ودى مهمة لحضرتك عشان يبقى عندك تاريخ خاص بيكى مع العربية لسهولة المتابعة لانك ماتعرفيش الحاجات دى اتغيرت امتى وممكن تشتغل قد ايه
فالاحسن تعملى الكلام ده ةتسجليى فى ورقة للمتابعة لان بعد كده كل فترة معينة اوكل كام كم هاتغيرى بعض الحاجات دى بصفة صيانة دورية)
خلصنا الكلام ده كله (نطلع بقى على كار كير ) يكون محترم انا بصراحة ماعرفش حد وممكن الاخوة الافاضل يدوكى على حد كويس على مكان سكنك
هاتعملى كار كير كامل للعربية
(غسيل بره وجوه-غسيل حوض-شاسية -تشميع ان امكن) ىوالتشميع ده طبقة شمع بتتحط على الدهان الخارجى للحفاظ عليه والحد من تراكم التراب واعطاء لمعة وسهولة فى التنظيف
بالنسبة للغسيل بالماء يبقى عند الحاجه (يعنى مش باستمرار) وممكن مرة كل 3 اسابيع او شهر عشان كثرة غسيل السيارة يؤدى لضرر الصاج على المدى البعيد
بالنسبة لاستخدام اللاب توب ممكن تجيبى حاجه اسمها (انفرتر-inverter) وده جاهز بيتوصل بولاعة السجاير الموجودة فى العربية عشان يحول التيار من 12 فوات من البطارية الى 220 فولت زى اللى البيت عشان يشغل الاجهزة الكهربائية ومن ضمنها اللاب توب
واللى تعمليه الصبح : تسمى الله تفتحى العربية تدورى وتفتحى الكبوت تبصى على الزيت والمياه فى قربة الماء لو ناقصة تتزود مراعة انوار الاشارات والفرامل (كل ده والعربة دايرة عشان تكون سخنت شوية) والكلام ده كله مش هايخد اكتر من 3 : 4 دقائق الصبح عشان تتحركى بالعربية وهى مرتاحة بعد ماتوصل لمستوى معقول من الحرارة
اعتذر عن الاطالة واتمنى اكون افادتك
ومرحبا بحضرتك مره تانية

[قوت القلووب]

هلا مستر أيمن , كيف حالك .

لا أنا مصريه , لكن كنت أعيش بأحدي الدول بالخارج من زمان كتير عشان هيك مختلفه لهجتي .

ثانكس كتير علي هالمعلومات القيمه والمهمه بالنسبه الي وراح أنفذها كلها بس أعتقد بدها عفريته الشغل <<< هيك أسمها بالمصري أعتقد .

هلء أنا لفت أنتباهي شي , عند الكوتش الخلفي من جهه الباب اليمين بالاسفل في جزء متأكل يمكن مثل طول الاصبع ( اعتقد برومه من المايه أو غسيل العربيه مابعرف ) , شو أسوي معاها هالمنطقه عشان ماتزيد .

سؤال أضافي ؟ بالنسبه للتشمع أو دهان تلميع العربيه ؟ هل هيدي بيسوي مشكله أذ حبيت أبيع السياره بتعتبر أنها مش فابريكه بالخارج أو رشه دهان ؟

شكراً كتير كمان مره علي هالمساعدة مسيو .

[aymangalal]

مبدئيا طالما دخلنا فى :
"شو -هيك-بدها-ثانكس ....الخ" تبقى دى لهجة الشوام (سوريا او لبنان)
لهجتهم بصراحة جميلة وباين عليكى ييجى منك فى الحكى المصرى لان مافيش اجمل منه غير اللغة العربية الاصيلة طبعا ما علينا .... خلينا فى موضوعنا
لو ناوية تعملى كل حاجه " مش كله كله طبعا.." فى عربيتك بنفسك يبقى الافضل تعملى لبس خاص للعربية بالظبط اللى قولتى عليه "عفريته" ولو مش عايزة تبهدلى نفسك يبقى المكيانيكى هايغير كل اللى قولنا عليه ومش هياخد وقت
الجزء المتآكل ده حسب وصفك يبقى بارومة وعادة بتيجى فى العتب (الجزء اللى بالعرض فى اسفل السيارة من العجل الامامى الى الخلفى) بسبب كثرة تراكم الطين و تعرضة للمياه باستمرار فى الشارع ودى حلها عند السمكرى(المختص) عشان يبص عليها ويديكى المفيد ممكن قوى تتصنفر كويس وتتدهن under coat دى ماده شبه الزفت(القطران) اللى بيرصفوابيه الشوارع بتتدهن فى بطن العربية عشان ماتتأثر بالميه (كعازل يعنى) وان شاء الله تكون بسيطة
بالنسبة للتشميع او تلميع العربية ده مفيد جدا للحفاظ على دهان الفبريكة الخارجى وبيزيد من قيمة العربية على المدى البعيد ومابيعملهوش غير الناس اللى بتحافظ على عربياتهم وبهتموا بيها وان شاء الله تكونى منهم
وتحت امرك فى اى استفسار

[قوت القلووب]

It's perfect .

لا مااعتقد أني بسويها بنفسي , راح أعطيها للتوكيل تبع الكيا وهما بيعملو الها كل اشي .

راح أطلعلك علي التطورات .

مع تعاملي مع هالسياره في هالفتره أشوفها كتير أنسيابيه وشيك وفيها جميع الكماليات الحاليه .

بس الي أستغرب منه أنها مش منتشره كتير , نادر الما أشوف مثلها .

يمكن السبب هو تسويق السياره الخطأ في مصر , رغم أني سألت المكتب التجاري لشركة كيا بكوريا وخبروني أنها من أفضل سيارات أنتجتها كيا والحديث منها نزل بأسم السيراتو ؟

من جهه أخري ياريت أذ في أحد يقدر يقيم سعر السياره , أكون شاكره .

ثانكس سير .