سؤال لأصحاب الخبرة

[غريبو99]

الأخوة أعضاء المنتدى المحترمين
بعد التحية

عندى حاجة كدة فى العربية الانوس 1 موديل 19999 بقالها تقريبا اسبوعين
العربية بتغيب الصبح بس فى الدوارة جدا ادورها ممكن 4 او 5 مرات وتطفى وبعد كدة تدور بعد ما تعذبنى بتعمل اكنمفيهاش بنزين
اية رأيكم
وشكرا

[crime]

اكشف على البطاريه وممكن تكون الكهربا بتاعت العربيه مش مظبوطه
تقبل تحياتى

[أبو زيزو المصري]

أخي الكريم فيه شوية حاجات هتعملها كالاتي:
1_ لما تفتح كونتاك هتسمع صوت موتور صغير كدة في الأول (زنة بسيطة) وده صوت طرمبة البنزين لو مسمعتش الصوت ده يبقى ممكن تكون المشكلة في الكتاوت بتاع الطرمبة وللتأكد افتح الكبوت وافتح علبة الفيوزات هتلاقي كتاوت عريض مكتوب عليه fuel pump شيل قواشيط البطارية واخلع الكتاوت ونضفه كويس وثبته في مكانه بقوة وركب البطارية ودور, لو دارت معاك كويس يبقى الكتاوت مكانشي موصل كهرباء كويس ولو ما دارتشي يبقى ممكن تكون المشكلة في قلب الطرمبة ( الموتور بتاعها)

2_ لو دارت معاك اكشف على الدينامو واربط السير كويس وان شاء الله هتتظبط معاك.

3_ حبذا بعد ده كله تنضف البوابة وتعمل ايدل ليرننج عشان دورة البنزين تبقى معاك تمام.

وربنا يوفقك.

[محمود زيزوو]

عدم الدوارة الا بالتكرر ممكن يكون من عدم وصول البنزينة بطريقة منضبطة بمعنى العيب ممكن يكون من طلمبة البنزين لانها هى اللى بتتحكم فى ضخ البنزين الى الرشاشات او الحل التانى ممكن يكون الرشاشات مليانة رواسب كتير فبتالى البنزين بردة هتلاقى مرورة من الرشاشات بيبقى صعب شوية ممكن تعملها الترا سوند والحل الاخير ودة ممكن تجربة فى الاول ممكن تجرب بطارية تانية على العربية لو تمام يبقى بطارية حضرتك ممكن تكون عايزة تتشحن او باظت وياريت تتاكد من دى عند كهربائى علشان بالمرة يبص على على الوصلات بتاعت الكهربا وبالمرة هيجربلك بطارية تانية ويارب تتطلع حاجة بسيطة والموضع بتاع الصنايعى دة مش هيكلفك كتير يعنى الكشف والذذى منة 20 جنية ولو فية حاجة هيعملهالك ويارب اكون افدتك