مكيف سيارة تويوتا كورولا 2000

[ahwaheed]

السلام عليكم
انا مقيم فى الرياض والجو فى الرياض فى الشتا بيكون بارد جدا , ومكيف السيارة عندى لا يعمل على الساخن ، أى التدفئة لا تعمل وعلى العكس البارد يعمل بشكل جيد.
ارجو من اصحاب الخبرة يجيبونى ياترى ممكن تكون المشكلة فين بالظبط ، وانا بصراحة متخوف من الذهاب للورش لانهم غاليين جدا وكوفتجية يعنى مش بتاخد حاجة صح . فعلى الاقل بس أكون عارف المشكلة فى ايه.
وشكرا لكل الاعضاء

[star2008]

دة يباشا عاوز ممكن تشوف المروحة شغالة او تشوف السخان بتاع التكيف بس النصيحة مش تاحول تلعب فية اى حد كويس احسن منبوظ حاجة وربنا يستر

[samehlila]

المشاركة الأصلية كتبت بواسطة ahwaheed السلام عليكم انا مقيم فى الرياض والجو فى الرياض فى الشتا بيكون بارد جدا , ومكيف السيارة عندى لا يعمل على الساخن ، أى التدفئة لا تعمل وعلى العكس البارد يعمل بشكل جيد. ارجو من اصحاب الخبرة يجيبونى ياترى ممكن تكون المشكلة فين بالظبط ، وانا بصراحة متخوف من الذهاب للورش لانهم غاليين جدا وكوفتجية يعنى مش بتاخد حاجة صح . فعلى الاقل بس أكون عارف المشكلة فى ايه. وشكرا لكل الاعضاء

بسم الله الرحمن الرحيم
مكيف السيارة - دورة الساخن تبدأ من رادياتير السيارة مرورا بالموتور ثم وصلات تدخل الي تحت التابلوة لمشع صغير يشبة الرادياتير ثم تخرج ماسورة منه ثانية الي الموتور
اسباب العطل
1 - وجود محبس علي ماسورة الدخول غالبا يكون موجود في السيارات اليابانية و الصينية و قد يكون مغلق و يجب فتحه و يكون في صالة الموتور خلف الموتور مباشرة علي الماسورة الواصلة بين الموتور و المشع الحراري الموجود تحت التابلوة
2 - وجود انسداد بالمشع الموجود تحت التابلوة و يمكن تنظيفة بدون فكة عن طريق الهواء المضغوط
3 - وجود مشكلة في بكرة التحويل بين الهواء البارد و الساخن تعيقها من فتح البوابة التي تغطي هذا المشع و بالتالي فالهواء الناتج يكون بارد لان المشع محبوس بداخل غرفتة و ان البوابه لا تسمح بمرور الهواء عليه قبل خروجه
هذه فقط هي الاسباب في حال ان المروحه الداخلية تعمل و لكن الهواء الناتج ليس ساخن
و اي خدمة
م - سامح ليله