#1
|
|||
|
|||
غسلت سيارتى بامر من الشرطة
السلام عليكم
انا ححكيلكم حكايتى مع غسيل العربية فى البنزينة بس للتمسك بحقك الكلام ده قبل الثورة روحت اغسل سيارتى فى احدى البنزينات المشهورة لا داعى لذكراسمها دخلت فى طابور السيارات مستنى دورى لاقيت عامل البنزينة بيقولى احنا مبنغسلش عربيات تاكسى مع العلم ان سيارتى تاكسى ابيض لانوس سالته ليه قالى تعليمات من مدير المحطة اننا منغسلش سيارات تاكسى اندهشت قلتله ازاى دى بنزينة عامة وانتوا حاطين لوحة عريضة برة بتقول انكوا بتغسلوا عربيات ملكمش فيه انها تاكسى او ملاكى او غيره تغسل وخلاص قالى ممنوع قلتله فين مدير المحطة راح ندهلى المشرف بتاعه قلتله يعنى ايه مش حتغسلوا العربية قالى دى تعليمات منغسلش التاكسى قلتله هو انت حتغسلهالى ببلاش ولا حسنة انا حدفع زى زى العربيات الواقفة دى فالى ممنوع قلتله ده اخر كلام عندك قالى اه حتعمل ايه قلتله لا مش حعمل حاجة بس تكون قد كلامك ومسئول عنه قالى حتعمل ايه يعنى حتضربنى قلتله لا ابدا خالص بس خليك قد كلامك قالى ورينا حتعمل ايه روحت سحبت سيارتى من الطابور وانتظرت خارج البنزينة واتصلت بالنجدة قتلتهم انا موجود فى البنزينة الفلانية ودخلت اغسل عربيتى امتنعوا عن غسيلها اخدوا منى البلاغ وبعد ربع ساعة لاقيت عربية النجدة وصلت ودخلوا معايا المحطة سالوا عن المشرف والعامل اللى قالولى ممنوع واتعمل محضر لمنعهم عن غسيل العربية الناس اتصعقت من اللى عملته وعشان ايه ده كله قلتلهم ده حقى انتوا بنزينة عامة ولازم تغسلهوالى بدام فى اوقات عملكم ومتشترطش ان كانت تاكسى او ملاكى مقولكمش بقى على سيل الاعتذارات واحنا اسفين ومعلش خلاص حنغسلهالك واتحايلوا عليا عشان اتنازل عن المحضر طبعا هم خدوا امين الشرطة وظبطوه وانا ظبطونى بغسيل العربية من برة وجوة وماتور وكله وتنازلت فى الاخر عن المحضر عشان العامل ميتاذيش صعب عليا بس انا عايز اقولكم محدش يسيب حقه فى اى مكان |
#2
|
|||
|
|||
رد: غسلت سيارتى بامر من الشرطة
: 018A1D~146:
|
#3
|
|||
|
|||
رد: غسلت سيارتى بامر من الشرطة
|
#4
|
|||
|
|||
رد: غسلت سيارتى بامر من الشرطة
بالله عليك تديني رقم النجدة اللي انتا اتصلت بيها علشان انا وقعت في موقف قبل كدا طبعا الكلام ده كان قبل الثورة واتصل بالنجدة وفضلت مستني 6 ساعات محدش جه لحد ما زهقت ومشيت
بس اوعي تقولي 122 لحسن اتصدم اكتر |
#5
|
|||
|
|||
رد: غسلت سيارتى بامر من الشرطة
هو رقم 122 مفيش غيره بس حقولك ان المنطقة بتفرق عشان انا كنت واقف فى ارقى منطقة فيكى يا مصر مساكن الشيراتون عشان كدة جم بسرعة لكن انت اكيد كنت واقف فى منطقة مش على مزاجهم
|
|
|