استفسار بخصوص شاهين

[haythom_7]

السلام عليكم
اماي عربية شاهين موديل 96 انا لسه مشفتهاش
سؤالي ايه االى لو شفته فيها مخدهاش بسببه
بتاع المعرش بيقولي داهنه بعض اجزاء من جوه او مغيرة رفارف
هل ده يخليني معرفش ابيعها وبعدين سعرها مخليني قلقان لانه بيقولي طالب فيها 19000
يا ريت حد يفيدني عشان مش عاوز افرح بسعر والعربية تكون هلكانة
منتظر ردكم عليا وجزاكم الله خيرا

[فادى]

موضوع انو العربية رشة دواخل ليس صحيحا فى المطلق,
الجزء الوحيد الذى من الصعب اصلاحه و ربما شبه مستحيل بالامكانيات العادية المتوفرة لدى عموم الميكانيكية هو الشاسيه, اذا أثرت الحادثة على شاسيه السيارة هتلاقى العربية دائما مش مضبوطة و بتعوم على السرعة و غير ثابتة فى المنحنيات. و عن تجربة و مهما حاولت تعملها زرجينة و ضبط مستحيل هتتضبط معاك.
طبعا لو العربية رشة معناه انها تعرضت لحادثة, قد يكون الشاسيه تضرر أو لا يكون. لكن هذه هى الحكمة من انتقاء سيارة فابريكة و مش رشة.

[محمد فيصل]

تعليق أ.فادى اجاب على كل الاسئلة
المهم انك لما تحب تشوف عربية يكون بالنهار ويكون معاك ميكانيكى وسمكرى معرفة وثقة
ان شاء الله موفق فى شراء سيارة جميلة

[mr_astra]

اى حاجة فى العربية بتتعمل
فى معظم العربيات ممكن تغيير فرد الشاسية والا ما كنش تتباع مفردة وبتركب بمقاسات العربية الاصلية زى مثلا فى الـ 128 المقاس من المساعد للمساعد معروف انة من فوق 101.5سم
وطوليا الشاسية كمان بيتعدل على المقاس الاستنادر بتاعة وعشان كدة معظم السمكرية اللى بتشتغل فى الحوادث بيكون عندها سطمبة جاهزة لمعظم العربيات وبيظبط الشاسية علية لو حد راح ميت غمر او بلبيس هايشوف العجب وانا معايا صور لقبل وبعد فعلا تصيبك بالزهول
بالنسبة للاخ السائل لازم تتاكد من ورق العربية خصوصا اليومين دول لان النصب بقى كتير جدا
وبالنسبة للعربية الحالة العامة هى اللى هاتحكمك من صاج وفرش وكاوتش وموتور والات جر