|
#1
27-09-2011, 09:54 AM
|
||||
|
||||
شكرا لانوس 1200 كم
كنت عايز اروح المصيف (مرسى مطروح 480 كم ) وكنت محتار بين الاوتوبيس الى تبع الشغل الفرد 50 زهاب واياب وبين الذهاب بالعربية وحصل جدل بينى وبين زوجتى وبعض افراد العائلة ومنهم اخوايا الى راح اكتر من مرة مطروح بعربيتة(اكسيل) فتوكلت على الله وروحت وظبط العربية وصحيت الصبح واتخضيت من الشنط الكتير والاوزان الكتير (شنط اختى وحماتى وانا وزوجتى وابنى) وبالاضافى الى الشنط فية ايس تانك كبير فية لحوم ودواجن وشنط مكرونة ورز.....الخ (يعنى من الاخر اخدنا الدولاب والمطبخ) بالاضافة الى عربية ابنى والفطار الى هنكلة فى العربية وكولم وترمس شاى وبصراحة قلقت من الاوزان والعدد وكمان كلهم ستات يعنى عباء عليا ومفيش حد هيساعدنى لو العربية حصلها حاجة بس توكلت على الله وقريت الفتحة ودعاء الركوب ودعاء الركوب وسلمت امرى الى الله
وبعدين فوولت بنزين 80 عشان التوفير ومشيت فى الاول تهنا عن دخلة طريق وادى النطرون وكمانا على الاسكندرية وبعدين اخدنا طريق الساحل وكملنا على مطروح وكنت قلقان من الاستراحات ومرضيتش استنى فى اى واحد عشان الحريم الى معايا بس هما جابو اخرهم ولزقو على الكرسى فقبل مدخل مطروح (قبلها 50 كم) لقيت بنزينة وفيها حمام حريمى ورجالى فقلت افول وكمان نريح شوية وبعدين كملنا والحمد الله وصلنا وفعلا العربية نفعتنا هناك كتيييير فى الانتقالات لان شواطئ مطروح الجميل بعيدة عن بعضها شوية المهم عملت 480 سفر من الجيزة و 320كم انتقالات داخل البلد وطبعا بنزين 80 كان هو البرنس مع ظبط فيشة الاوكتان (طبعا الاداء وصوت الموتور غير مرضي بس التوفير رهييييييب ) وصلت الى 800 كم وخلاص هنسافر ونرجع بالسلامة انا قلت الاكل الى اخدناه هنكلة والحموله هتخف لقيت اخو مراتى جلنا فى وسط الاسبوع وهيروح معانا قلت هو رفيع مش مشكلة بس اترعبت من كمية الحجات الى جبوها من سوق ليبيا+اللب+بطيخ+التين+اله دايا+الشنط+بعض الاكل الى مكلنهوش هناك وكان كتيير انا حطيط الشنط والبلاوى الباقية ونطقت الشهادة وتوكلت على الله والحمد الله وصلنا بالسلامة وعملنا 480 كم (1200 كم ذهاب وتنقلات واياب) ولما وصلت الجيزة فولت 35 لتر بنزين 92 والحمد الله اللتر بيعمل 13.7 كم وكانت سرعتى من 100 الى 120 كم/س وفى الاخر بقول شكرا للعربية دى بجد حمالت اسية و موفرة فى الزنقات والحمد الله على كل شئ اسف على الاطالة بس حبيت انقل تجربتى واشكر اعضاء المنتدى الى استفد منة كتيييير ولولها ما كنت تجرات وسافرت لانى اعتمدت على خبرتى من هذا المنتدى وشكرا
__________________
 ONE DAY YOU WILL SEE MY PLACE IN THE WORLD OF HISTORY التعديل الأخير تم بواسطة ironheart ; 27-09-2011 الساعة 10:07 AM 
|
 |
| أدوات الموضوع | |
|
|
و أصبحت 
