استفسار عربيه مقلوبه قبل كده ....اشتريها ولا ايه؟؟؟؟؟؟؟؟

[تيتو55555]

استفسار عربيه مقلوبه قبل كده ....اشتريها ولا ايه؟؟؟؟؟؟؟؟
قدامي عربيه اكسيل 98 1300سي سي بتاعت واحد صحبي وهو 3 يد لان اول و تاني يد كانو صاحبنا برده ...المهم العربيه قلبت منه وهو صلحها وصرف عليها 6000 باجره الصنايعيه وغير لها سقف ورشها من بره ...الدواخل تمام وهو مركب لها 4 قزاز كهربا و وحده رفع وجهاز انذار وبطاريه وكاوتش جديد وعامل برده فتح الشنطه من الداخل المهم عشان مطولش عليكم هو طالب 28000 فايه رايكم
اولا: في اني اشتري عربيه كانت قالبه مع العلم اني سقتها وهي فعلا مشيها حلو وجبت بيها 140 وال حد ما كانت ثابته وعفشتها وموتورها ماشاء الله تمام.
ثانيا: ايه رايكم في السعر ده كويس ولا لا ..
معلومه العربيه شافها اكتر من واحد ومعرفش انها مغيره سقف مش معني كده انه هيضحك علي حد لاقدر الله هو اي حد بيجي يتفرج عليها بيقوله مغيره سقف ولكن اقصد انها اتعملت صح ومفيش حتي ولا باب مفارق ولا كانها قلبت قبل كده

في انتظار النصيحه..............وشكر ا

[cmatcho]

بلاش منها
لو حبيت تبع بعد كده مش هاتعرف

[تيتو55555]

المشاركة الأصلية كتبت بواسطة cmatcho بلاش منها لو حبيت تبع بعد كده مش هاتعرف

الف شكر عالنصيحه يا كامتشو باشا وفي انتظار باقي النصائح

[تيتو55555]

بس حضرتك تقصد انها مش هتجيب سعر ..ولا مفيش حد هيرضا يشتريها؟؟؟؟

[pharm45]

فى مليون واحدة احسن من دى وبنفس السعر ده...ايه اللى يرميك على عربية كانت معجونة قبل كدة..زدور وهتلاقى فى احسن منها بكتييير وربنا يوفقك فى الاختيار وزى ما قال مش هتبيع بعد كدة لان محدش بيشترى العربيات المقلوبة دى الا برخص التراب..قوله لو هاخدها هديك فيها 19000 جنيه لانها لا تستحق اكتر من ذلك لان بكدة العربية ملحومة فى بعض